n. s.), 4 janvier

Règlements de V hotel-de-^ille de Poitiers sur les orfè{>res

de cette ^ille.

Recueil de Dom Fonteneau, tome XXIII, p. 351. Bibliothèque nationale, Mss. latin, 18.398, fol. 81.

Les maire, bourgeoys et eschevîns de la ville de Poictiers a tous ceux qui ces présentes lettres verront et orront, salut. Comme plusieurs plaintes et clameurs nous ayent esté pieça faites et encore viennent de jour en jour des faultes et abus qui se font et commettent ou faict d'orfevrîe de ladicte ville de Poictiers par ceulx qui font et exercent ledict mestier, tant par la faulte et coulpe des niaistres dudict mestier que par celle des varlets et autres non expers oudict mestier, qui, soubz ombre des niaistres dudict mestier, besoingnent et ouvrent en icelluy, et aussy plusieurs altercations et débats se mouvent souvenl[e]s fois entre les maistres dudict mestier et leurs varlets, serviteurs et apprentifs en maintes manières par deSauIt de bons statuts et ordonnances, dont s'ensuivent en maintes manières de grans dommaiges audict mestier et a la chouse publicque de ladicte ville, scavoir faisons que nous, voulans pourveoir, ainsi que a nous appartient, aux choses dessusdictes, affin que ou temps advenir et* autres clameurs et plainctes ne nous en viennent, et que aulcuns dommaiges et inconveniens ne s'en ensuyvent en la chose publicque de ladicte ville, par Tadvis et délibération de Jehan de Bellac Taisné, Etienne Ingrand, Jehan de Bellac le jeune, Jehan Aubremont, Jehan des Caulx, Jehan Botu, Guillaume Novar et Jacques Ludory, maistres dudict mestier en ladicte ville de Poictiers, par nous pour ce appelles, et après ce que par serment et autrement dehuement les avons sur ce interrogés sur le fait et gouvernement dudict mestier et comment ou