juin
Organisation des gens de métier en milice bourgeoise, Lespinasse, Les Métiers et corporations de la ville de Parisy I, p. 53.
Loys, par la grâce de Dieu roy de France, savoir faisons a tous presens et avenir comme, pour le bien et seureté de nostre bonne ville de Paris, et pour la garde, tuition et deffense d'icelle et autres causes et considérations nous a ce mouvans, nous ayons puis nagaircs fait mectre sus et en armes les manans et habitans de tous estaz de nostreditte ville et cité et ordonné les gens de mestier et marchands estre divisez et partiz en certaines banieres soubz lesquelles ils seront chacun selon sa qualité et Testât dont il est; pour la conduitte et perfection de laquelle matière et afin que noz subgetz de nostreditte ville ainsi mys en armes, comme dit est, puissent estre conduiz en ordre et police en manière que aucun inconvénient n'aviengne a cause de ce a nous ne a laditte ville, ayons fait assembler aucuns notables gens, tant de nostre court de parlement que autres gens de nostre conseil, lesquelz par grant et meure deliberacion ayent fait sur ce que dit est certaines ordonnances, statuz et editz contenans la forme qui s'ensuit.
S'ensuit ce qui a esté advisé, fait et ordonné par les commissaires desputéz et commis de par le roy a mettre sn s en
ormes et habillement les mniians et habitans de tous estaz de la bonne ville et cité de Paris :
1. Premièrement, après ce qne lesdits commissaires ont parlé et remonstré l'entencion et bon plaisir du roy ausdits habitans de tous estaz sur ce que dit est, et qu'ilz ont dit et respondu.qu'ilz sont prestz d obeyr au roy et de le servir de tout leur povoir et eulx mectre en armes et habillement pour entretenir et maintenir ladicte ville en sa bonne obeyssance, a esté advisé par lesdits commissaires que, pour donner ordre et conduitte en ceste besongne, les gens de mestier et marchans de ladite ville seront partiz et divisez en soixante une banieres et compaignies en la manière qui Vensuit c'est assavoirtanneurs, braudoyeurs(sic),conrayeurs* «nsemble feront une baniere ; sainturiers, boursiers, megissiers, une baniere; gantiers, esgueulletiers, tainturiers et pareurs de peaulx, une baniere ; cordouenniers, une baniere ; boulengiers, une baniere; paticiers, musniers, une baniere; fevres-mnreschaulx, une baniere; serruriers, une baniere.; coustelliers, gueyniers, esmoleurs, une baniere ; serpiers, cloustiers, une baniere ; chandelliers, huilliers, une baniere; lormiers, selliers, coffriers, malletiers, une baniere ; armuriers, brigandiniers, fourbisseurs de harnoys, lanciers, fourbisseurs d'espées, une baniere ; freppiers, revendeurs, une baniere; marchans pelletiers, conrayeurs de peaulx, une baniere ; marchans fourreux, une baniere ; pigners, artilliers, patiniers et tourneurs de blancboys, une baniere; bouchers de la grant boucherie et autres boucheries subjectez, une baniere ; bouchers des boucheries de Beauvais, Gloriette, cimetière Saint Jehan et Nostre Dame des Champs, une baniere; tixerrans de linge, une baniere; foulons de draps, une baniere; faiseurs de cardes et de pignes, une baniere ; tondeurs de grans forces, tainturiers de draps, une baniere ; huchiers, comprins les varletz besongnans sur les bourgois, une baniere; cousturiers, une baniere; bonnetiers et foulons de bonnetz, une bannière; chappellers, une baniere;
\, Rdit, ici et plus bas : conrayeurs,
fondeurs, chauderronniers, espinglîers, balanciers et graveux de seaulx, une bannière; potiers d'estain, bibelotiers, une baniere; tixerrans de lange, unebaniere;pourpointiers, une baniere ; maçons, carriers et tailleurs de pierre, une baniere; orfèvres, une baniere; tonneliers et avalleurs de vins, une baniere; paintres, ymagers, chasubliers, voirriers et brodeurs, une baniere ; marchands de busche, voituriers par eaue, bastelliers, passeurs et faiseurs de basteaulx, une baniere; savetiers, une baniere; barbiers, une baniere; pouUailIiers, queux, rôtisseurs* et saucissiers, une baniere; charrons, une baniere ; lanterniers, souffletiers, vanniers, ouvriers d'osier, une baniere ; porteurs de grève, une baniere; henouars, revendeurs de foing et de paille, chauffourniers et estuviers et porteurs des Halles, une baniere; vendeurs et marchans de bestail, vendeurs de poisson de mer, une bannière ; marchans de poisson d'eaue doulce et pescheurs, une baniere ; libraires, parcheminiers, escripvains et enlumineurs, une baniere ; drappiers et chaussetiers, une baniere ; espiciers et apoticaires, une baniere ; deciers, tapiciers tondeurs, tainturiers de fil de soye et de toilles, une baniere ; merciers, lunetiers et tapiciers sarasinois, une baniere ; maraischers, jardiniers, une baniere; vendeurs d'eufs, fromaiges et egrun, une baniere ; charpentiers, une baniere; hostelliers et taverniers, une baniere; pigneux et tordeux de laine, une baniere; vignerons, une baniere; couvreurs de maisons et mannouvriers, une baniere ; cordiers, bourreliers, corretiers et vendeurs de chevaulx, une baniere ; buffetiers, potiers de terre, natiers et faiseurs d'esteufs, une baniere ; et notaires, bedeaulx et autres praticiens en cours d'église mariés, non estans de mestier, feront aussi une baniere.
2. Et que en chascun desdits mestiers et compaignies y aura une baniere armoyée et figurée chacune d'une croix blanche ou meillieu, et de telles enseignes et armoiries que lesdits mestiers et compaignies adviseront.
3. Et avec ce a esté advisé que, pour la conduîcte desdits mestiers et compaignies, y aura en chacune desdittes
compaignîes deux hommes, dont Tun s'appellera principal et l'autre soubz principal, lesquelz principal et soubz principal s'esliront par chascun an, le lendemain de la saint Jehan et dedans six jours après ensuivans, par les chefz d'ostel desdits mestiers et compaignîes, en la présence des commissaires du Chastellet qui ont esté ordonnez et distribuez a prendre et veoir faire le serement desdits mestiers et compaignies, lesquelz principaulx et soubz principaux ont esté et seront esleuz et depputéz pour ceste année présente.
4. Lesquelz principaulx et soubz principaulx renouveliez pour les années subsequens seront tenuz de venir faire le serement ez mains du lieutenant du roy ou de ceulx qui seront a ce commis de par ledit seigneur, lequel serement contendra la forme qui s'ensuit
Vous jurez a Dieu et sur ses sainctes Euvangilles que vous serez bons et loyaulx au roy et le servirez envers tous et contre tous qui pevent vivre et morir sans quelconque personne excepter ; obeyrez au roy, a ses lieuxtenans ou commis en ce qui vous sera ordonné, et yrez et vous trouverez es lieux qui vous seront ordonnez, et conduirez vos banieres et ceulx qui se sont ordonnez soubz icelles en armes et habillemens ainsi qu'il appartient, et vous employrez de tout votre povoir de faire et acomplir tout ce que de par le roy nostredit seigneur, sesdits lieuxtenans ou commis vous sera commandé et ordonné, comme bons, vraiz et loyaulx subgetz et jusques a la mort, et ne ferez ne procurerez ne soufirerez faire ne procurer aucunes séditions, rumeurs, tumultes, commocions, entreprinses ne autres choses contraires ne préjudiciables au roy ne a sa seigneurie ne contre son vouloir et entencion; et, se vous savez aucunes machinations, conspiracions, entreprinses, monopoles, tumultes, commocions ou autres choses que aucuns vueillent ou s'efforcent faire contre et ou préjudice du roy, de sa ditte seigneurie et de son vouloir et entencion, ils le révéleront incontinent au roy ou a sesdits lieutenans ou commis, sur peine d'en estre pugniz comme rebelles et desobeissans au roy ; et avec ce promectez et jurez que ne
assemblerez ne ferez ou souffrerez assembler rie mectre en armes ceulx de votre baniere et ne les mènerez ne conduirez ne ferez mener ne conduire en aucuns lieux, pour user de quelque voye de fait ne autrement en quelque manière que ce soit, sinon que ce soit par Tordonnance ou exprès congié et licence du roy ou de sesdits lieuxtenans ou commis, sur la peine que dessus.
5. Et se lesdits principaulx et soubz principaulx ont bien servy leur année, et que ceulx de leur mestier et compaignies voyent que, pour le bien du roy et de lour conduicte, il soit convenable de les renouveller et continuer pour l'année ensuivant, faire le pourront.
6. Et ne pourront estre esleuz aucuns en principaulx et soubz principaulx, sinon qu'ils soient chiefs d'ostelz bien receans, renommez et condicionnéz, et qu'ilz ayent demouré et résidé en ceste ville six ans du moins.
7. A esté advisé et ordonné que lesditz principaulx prendront le serement, présent le commis&aire, de tous ceulx qui sont, seront et viendront nouvellement en leurs mestiers et compaignies et soubz leurs banieres, tel ainsi et en la forme et manière qui s'ensuyt*....
8. Et lesquelz principauljc et soubz principaulx avec leur commissaire ordonneront et enjoigndront a tous ceulx de leurs banieres, qui ne seront en habillement souffisant, c'est assavoir de brigandines ou jaques^ salade, vouge, longue lance ou coulevraine a main, qu'ilz se mectent eu habillement souilisant, selon leur possibilité, dedans la quinzaine après ensuivant, sur peine de soixante solz d'amende a applicquer, le tiers au Roy, le tiers a la communauté desdits mestiers et compaignies, et l'autre tiers au principal et soubz principal c'est assavoir les deux parts au principal, et la tierce partie au soubz principal.
1. Il nous a paru inutile de reproduire la formule de ce serment, qui est conçu dans les mêmes termes que celui des principaux et sous-principaux ^ avec les inévitables modifications résultant de la différence de situation qui fait de ceux-ci des supérieurs et des simples gens de métiers des subordonnés.
9. Que les commissaires de chacun mestier avecques le principal et soubz principal seront tenus de faire ung pappier, par manière de registre, ouquel ils escripront et enregistr[er]ont ceulxqui seront principaulx et soubz principaulx, et aussi tous ceulx qui seront de leur mestier on baniere, tant chiefz d'ostel comme varletz, et leurs habillemens en quoy ils seront, et tant ceulx qui y sont de présent comme ceulxqui y surviendront ou temps advenir ; duquel papier et registre ung double demour[r]a pardevers ledit principal, et l'autre pardevers ledit commissaire.
10. Et seront tenus tous ceulx qui sont et seront en habillement de garder leursdis habillemens, sans ce qu'ilz les puissent vendre, aliéner ne transporter, sur peine de pugnir ceulx qui les vendront ou qui les achapteront ou prendront, d'amende arbitraire ; et pour quelque debte, obligacion ou condempnacion, on ne pourra prendre lesdits habillemens.
. 11. A esté advisé et ordonné qUe s'il y a aucuns resi^
dans et demourans en laditte ville, tenans feu et lieu qui
ne soient de mestier, marchandise, officier ou d'autre
estât qui ne soit comprins soubz lesdites banieres ou autres
compaignies de ladite ville, ils seront tenus, deux mois
après quilz auront demouré et résidé en ladite ville ou huit
jours après qu'il leur aura esté noctiffié et signiffié par
aucun principal ou soubz principal ou commissaire, de
eulx faire mectre et enregistrer soubz l'une des banieres
dessusdites, telle qu'il leur sera ordonné, sur paine d'estre
banniz de laditte ville et faulxbourgs et de cent solz
d'amende a applicquer moitié au roy et moitié a la commu-
naulté desdites banieres. Et est enjoinct ausdits principaulx
et soubz principaulx, et pareillement a leurs commissaires,
qu'ils se prêngnent garde, soingneusement et diligemment,
de ceulx de leurs mestiers et pareillement d'autres qui
n'auront aucun mestier, pour les faire enregistrer et les
contraindre a prendre baniere, sur les paines que dessus.
