n. s.), 13 mars

Droits de maîtrise et (T apprentissage créés pour poun^oir

aux besoins de la confrérie.

Arch. municipales d'Amiens, Reg. AA 13, fol. 12 v<^.

Savoir faisons* que, sur ce que les eswars, maistres et compagnons du mestier de cordouanier en ladite ville nous avoient aujourd'ui présenté et baillié leur supplication et requeste en nostre eschevinage, contenant [que] comme le chierge desdits supplians fust usé, decheu et despechié tellement qu'il ne valoit riens et ne le pooient plus porter a la procession au jour du Saint Sacrement, comme ilz avoient acoustumé faire chascun an, se il n'estoit refiait et remis a point, et aussy avoient iceulx supplians besoing et nécessité de faire faire une relicque de mons. saint Crepin et mons. saint Crespinien pour entretenir la confrairie desdits benoitz sains en laquelle estoient lesdits supplians, car ilz avoient de la meulle et du ploncq dont lesdits benoitz saintz avoient esté martiriéz que on avoit donné ausdits supplians pour encasser en ladite relicque et honnourer icelle confrairie eticelilx benoitz sains, lesquelles choses cousteroient grans deniers a faire et appoinctier et pour tant avoient advisé iceulx supplians ensamble que, se c'estoit nostre plaisir, que chascun maistre dudit mestier paiast six livres au lever icellui mestier pour employer esdites mises, dont lesdits supplians arroient seullement xx s. pour recreacion et boire ensamble, et les autrez cent s. appartenroient a ladite confrairye et aussy que chascun apprentis qui seroit mis audit mestier paieroit cincq s. pour icelle confrairie et,