Les maire et échevins d'Amiens

quant aux Glz de maistre, quant ilz leveroient leur mestier, qu'ilz paiassent seullement la somme de vingt s. c'est assavoir X s. a ladite confrairie et x s. ausdits maistres et compagnons. . . nous avons accordé et accordons ausdits supplians que doresnavant ilz ayent et prendent sur chascun maistre qui lèvera sondit mestier en ladite ville d'Amiens la somme de quarante s., dont ladite confrairie aura trente s. et lesdits maistres et compagnons dix s. pour boire ensamble. Item que chascun apprentis qui sera mis audit mestier paiera cincq s. a ladite confrairie. Item tous les filz de maistres qui levero[nt] leur mestier en icelle ville paieront XX s. seullement c'est assavoir x s. a icelle confrairie et x s. ausdits maistres et compagnons^ lesquelz poins et articles nous avons ordonnez estre mis et joinctz ausdits briefz dudit mestier de cordouannerie et ce du tout en nostre voulenté et rappel. En tesmoing de ce nous avons mis nostre seel aux causes a ces lettres données a Amiens en nostredit eschevinage le treiziesme jour de mars Tan mil CCCC soixante huit.