juin
Monopole des pareurs et tisserands drapiers d' Abbe^ille et propriété exclusive de la marque de fabrique de la draperie abbeçilloise.
Arch. nat., Reg. du Trésor des chartes, JJ 226 bis, ii<* 568.
CONFIRMATIO STATUTORUM MlNISTBRIl TEXTORUM DRAPPERIE
ABBATISVILLE
Charles etc. savoir faisons etc. Nous avoir receu Thumble supplication de nos bien améz les pareurs et tisserrans de draps de la draperie de nostre ville d'Abbeville contenant que despieça, pour l'enlretenement de ladite draperie, qui est Tune des belles et bonnes de nostre royaume et pour obvier aux faultes et abuz que l'en y eust peu faire, leur ont esté donnez par nos prédécesseurs roys et comtes de Ponthieu plusieurs beaulx privilèges, autreflois adviséz et concluz par les officiers maieur et eschevins et ceulx de la loy de nostre dite ville, desquelz privileiges ilz ont tousjours joy et encores font, mais ils dobtent que sans avoir confirmacion de nous on les y vueille cy après empescher, requerans sur ce nostre provision, et avec ce, en ampliant leurs dits privilèges, que doresnavant nulz autres gens de mestier ayant bon stille et manière de vivre ne puissent user dudit fait de draperie, se n'est pour vestir eulx et leur famille seulement, ne en marchander comme font lesdits suppliants qui ne vivent que de ladite draperie et oultre que en ladite ville et banlieue d'Abbeville ne soient ne puissent estre vendus aucuns draps des villes, villaiges et lieux voisins qui ne portent ou ayent différent de marque ou cordeaulx, afin qu'ils ne soient furtivement contremarquéz, sortiz ne venduz en ladite ville a détail ne autrement soubz umbre de ceulx faiz soubz l'enseigne desdits supplians, sur peine de
confiscacion d'iceulx draps, pugnicion corporelle et amende arbitraire et tout ainssi qu'il est acoustumé faire en nostre ville de Rouen et es autres bonnes et grandes draperies de nostredit royaume etc. pourquoy etc. ausdits supplians avons confermé, ratiffié et approuvé, confirmons. . . etc. leurs dits privilèges ainsi qu'ils leur ont esté octroyez par nosdits prédécesseurs et qu'il est contenu es lettres sur ce a eulx octroyées et qui sont enregistrées au livre de la loy de ladite ville d'Abbeville et qu'ils et leurs successeurs en joyssent doresnavant tout ainsi qu'ilz et leurs successeurs (sic) en ont bien et deuement joy et usé. Et avec ce, de nostre plus ample grâce, en ampliant leursdits privilèges, leurs concédons et octroyons qu'ils joyssent des deux pointz et articles dessusditz, c'est assavoir que nuls autres que lesdits supplians, ayans autre manière de vivre, demourans esdites ville et banlieue d'Abbeville ne poront ores ne pour le temps a venir user dudit fait de marchandise de draperie, se n'est pour le vestement d'eulx et de leur famille, et aussi que esdites ville et banlieue ne porront ores ne pour le temps a venir user dudit fait de marchandise de draperie, se n'est pour le vestement d'eulx et de leur famille, et aussi que esdites ville et banlieue ne pourront estre venduz draps des villes et lieux circonvoîsins qu'ils ne portent ou ayent dififerenz de marque ou cordeaulx, a ce qu'ils ne soient furtivement contremarquéz pour et aulieu des draps d'icelle ville, sur peine de confiscacion desdits draps et de pugnicion de prison et d'amende arbitraire et tout ainsi et par ta forme et manière qu'il est cy dessus contenu et que le portent et contiennent les ordonnances de ladite ville d'Abbeville. Si donnons en mandement au seneschal du Ponthieu et a tous nos autres etc. qui de nos presens grâce, confirmacion et ampliation ils facent, souffrent et laissent lesdits supplians et leurs successeurs joyr et user sans leur faire etc. et a ce faire et souffrir contraignent tous ceulx qui pour ce seront a contraindre etc. Et ainsi etc. Et afin etc. Sauf etc. Donné a Paris, ou moys de juing l'an mil CGC IIII '''' et douze et de nostre règne le neuviesme. Ainsi signé par le roy, les
11496] DE L'INDUSTRIE ET DU GOxMMERGE. 289
comtes de Montpencier, de Foix et de Lincy, les sires de Nuyollans, de Piennes et de Lisle et autres presens. Robertet. Visa. Coiitentor. Texier.
