Juin
B apports entre les corporations de l'industrie drapière,
Arch. nat., Reg. 0/j//i,III, fol. 109 v». — Beugnot, Les Olim II, 476. Cf. Boutaric, Actes du Parlement y n» 3298.
Philippus, Dei gratia Francorum rex. Notum facimus universis tam presentibus quam futuris, quod, cum inter textores, ex una parte, et fullones ac lanatorés pannorum Pruvinenses ex altéra, questionis materia super pluribus artic[u]lis rem publicam non mediocriter tangentibus mota esset, factis ex parte nostra quibusdam commissionibus, et earum virtute inquisito (sic) diligenter tam infra quam extra fines comitatus Campanie in locis in quibus draperia consueverit fieri veritate, et nobis relacione facta de omnibus hiis que circa hoc ad utilitatem rei publiée considerari debebant, tandem super articulis ipsis ut infra scribitur concordatum extitit :
1. Super primo videlicet quod, si textor aliquis discipulum aliquem causa instruendi eum in artificio textorie pannorum habens et tenens in domo sua ante terminum dicti discipuli decesserit, si contingat relictam dicti textoris defuncti cum aliquo fullone vel lanatore matrimonium contrahere, discipulus ille, non obstante matrimonio predicto, vivente dicta relicta, suum exercebit officium cum dicta relicta et ejus secundo marito, prout cum primo marito defuncto conventum fuerat.
2. Super alio vero articulo concordatum est quod, quo ciens discipulus aliquis in artificio textorie totum tempus et terminum suum tamquam discipulus compleverit, ex tune ubicumque voluerit de dicto artificio poterit operari.
3. Item, super tertio articulo sic extitit concordatum quod, si textor aliquis habens causa addiscendi artificium textorie aliquem de tiliis aut nepotibus fullonum seu lanatorum dicte textorie artificium omnino dimiserit, dictum dlscipulum pro dicto artificio addiscendo persone ad hoc ydonee tradere poterit et locare, dum tamen persona ipsa dictum discipulu m ineo competenter instruere sciât etpossit.
4. Item, super quarto articulo concordatum extitit quod textor quilibet pantium quem texere inceperit perficiat omnino jiixta convencionem super hoc habitam, hoc salve quod, si ex parte illius cujus esset pannus ille aliquis proveniret deffectus, illum defectum ad arbitrium bonorum emendare penitus teneretur, et ita fullones et lanatores, quantum ad eorum artiBcium pertinet, de pannis textorum facere tenerentur.
5. Quintus vero articulus sic fuit concordatus quod disdipuli in artificio textorie, cum tempus et terminum suum addiscendi dictum artificium perfecte compleverint, possint ubicumque maluerint de dicto artificio vel apud Pruvinum vel alibi operari.
6. Super sexto vero articulo nobis in discordia reportato, auditis relacionibus et inquisicionibus, informationibus vel apprisiis per commissarios nostros in dicto negocio curie nostre factis, per ipsam curiam sic extitit ordinatum, deliberacione diligenti habita, et rei publiée utilitate pensata, quod dicti fullones et lanatores discipulos filios et nepotes dictorum textorum ad suum artificium addiscent et similiter textores pannorum predicti filios et nepotes fullonum et lanatorum natos in Campania ad artificium dicte textorie addiscent, dum tamen illud antequam quintum decimum annum etatis sue compleverint addiscere incipiant. Et, si contingat quod dicti textores ab hujusmodi ordinacione resilire vellent, et filios et nepotes dictorum fullonum et lanatorum, ut supra dictum est, ad eorum artificium nollent bene et fideliter addiscere, dicti fullones et lanatores discipulos filios et nepotes dictorum textorum ad suum artificium addiscere non compellentur inviti.
Nos igitur predicta concordata ac ordinacionem curie nostre predictam in omnibus et per omnia ab omnibus servari volumus, precipimus et mandamus inviolabiliter et teneri. Quod ut firmum permaneat in futurum presentibus litteris nostrum fecimus apponi sigillum. Actum apud Athyas super Orgiam, mense Junio, anno Domini millesimo trecentesimo quinto.
