juillet
Police du commerce des vivres et autres objets de
première nécessité.
Ordonnances inédites de Philippe le Bel concernant les métiers de Parisy p. p. J.-M. Richard dans Mémoires de la Société de l'histoire de Paris, II, 133 (1875).
Philippus, Dei gratia Francorum rex, preposito Parisiensi salutem. Predecessorum nostrorum vestigiis inhérentes ,
presertim gloriosissimi confessons beati Ludovici , régis quondam Francorum, avi nostri, potissime in hiis que ad destructionem malorum faciunt et nostrorum commodum subditorum, ad devotam et justam dilectorum nostrorum civium burgensium et habitatorum communie Parisiensis supplicationem, de fidelium nostrorum consilio super hoc deliberacione prehabita diligenti, super statu subscriptorum ministeriorum*parisiensium pro utilitate rei publiée et communi bono, ad tollandaque ibi et alibi incommoda ac pericula et scandala evitanda, ordinationes edidimus infrascriptas que, ut facilius intelligantur ab omnibus et de cetero cum vigenti obediencia per consequens observentur, eas in gallico subscribi jussimus, prout inferius continetur.
Ce sunt les mestiers de Paris es quielx il seroit bon pour le commun profit que ordenance certainne feust mise pour eschever le commun domage et les perilz qui en pevent avenir en la ville de Paris et aillieurs. Et semble au prevost de Paris et a nos bourgois que il serait bon que il feust establi et ordené sur lesdiz mestiers en la manière que il est ci après escript.
1. Nous ordenons et voulons que le pain soit fet a pois, et que Tordenance en soit faite et prise par devers les eglizes qui le font fere a pois et que bonnes gens autres que talemeliers en soient jurés et s'en prangnent garde avecques les talemeliers.
2. Nous ordenons que les estranges talemeliers puissent amener au mercredi et aus autres jours pain a Paris pour revendre et que il le facent a pois, se il n'est ainsinc que li boulengiers de Paris aient chartre du contraire, la quelle sera veue et leur sera faite raison.
3. Que nulz munîer ne puissent prandre de un setier de blé moudre que un boissel de blé res, et qu'il prengne le blé a mesure et rendre la farine a mesure selonc le crois qui doit estre en la farine.
4. Que nul tavernier puissent vendre vin plus haut de vj s. et huit d. le setier, c'est assavoir le meillieur, excepté vin dehors du royaume qui serait prisié , se il le veulent
plus vendre, par le prevost de Paris ou par prevost des marcheans.
5. Que Tordenance que li saint roys Looys fit sur les poissons de mer et d'yaue douce soit tenue et gardée^.
6. Que nul revendeur de poisson de mer ne puisse vendre en sa main que iiij charretées de poisson et huit summes, si comme il est mieix esclarsi sa desouz.
7. Que nul marcheant de poisson ne soit si hardiz que il amainne paniers a Paris mendres que le patron qui est ordené et seignié a nostre saing a la fleur de lis, et, se il les amenoient, il perderont les denrées; et que nul ne puisse aporter iij paniers sur j cheval, et li voituriers qui seront acoustumé d'amener mandres que le patron seront punis au regart du prevost.
8. Que nus ne soit si hardiz qui amaint denrée de poisson a Paris que il ne vienne tretout droit es halles de Paris sans oster couverture nulle et sans tourner chiez son oste.
9. Que nus ne soit si hardiz, ne poissonnier ne vendeur ne racheteur ne escuier ne serjant a riche homme, ne povre vallet, ne autre, quiconques il soit, qui voi[s]t au devant des poissons hors des halles de Paris.
10. Que nul vendeur ne soit si hardiz, que il baille denrée de poisson, ne ne vende, ne ne lest aler a homme, quel que il soit, devant que nos gens, et les gens la royne et les genz nos enfanz aient pris leur volenté , se nous ou il summes a Paris, ou se nos gens sunt presens. Et soit tout le poisson deschargé a la pierre ou que nous soions, soit a Paris ou aillieurs, et que, quant nos queus ou ceux qui prandront pour nous , pour la royne ou por nos enfanz auront pris leur volenté , prengnent les autres ce qui leur sera mestier, sauf le pris aus autres qui de droit li ont.
11. Que nul acheteur ne revendeur ne establiers quel qu'il soit , ne soit si hardiz que il se traient près des paniers pour acheter ne por baillier, ne famé a vendeur
1. Il n'y a pas eu, que nous sachions, d'ordonnance de saint Louis sur les pioissonners de mer et d'eau douce. Cet article se réfère en réalité aux titres 100 jet 101 du Livre des Métiers, que les contemporains considéraient déjà comme l'œuvre du saint roi.
nulle, devant que le pris soit passé et que Ten leur doint congé de vendre , mes chacun poura seignier son panier et seront gardé de force et de violence par serjant especial se mestiers est, et commandons au prevost de Paris qui sera pour le tens que il leur baille quant il en sera mestier.
12. Il est deffendu que ne Guerart le Leu , qui ores est présent, ne autre des priseurs qui sunt et seront pour le tens, ne porte des ores mes poisson en sa maison sans priser ou sans la volenté de celui a qui le poisson sera, et qui le fera il sera punis griefment.
13. Que nus des priseurs ne prisera des ores en avant seul, mes avecques touz les autres priseurs seront ou la plus grant partie de eus des priseurs ou au moins ij , et le pris que il feront sera tenuz se l'en ne treuve maUe façon es paniers ; et nus ne soit si hardiz, sur poinne d'amender a la volenté de nous et de nostre gent, qui soit a prisier le poisson son oste ou celui dont il sera revendeur.
14. Nous defiendons sur poinne d'amender a merci que nul ne vende ne ne puisse garder poisson de mer fres entre le derrenier jour d'octambre et le premier jour de mars, fors du jour que il sera venus a l'andemain, et en autre tens que il ne le puissent garder outre la journée que il est venus, ne paniers entamés, ne antiers.
15. Que nul revendeur de poisson ne puisse avoir en une journée en sa main pour vendre en gros ou non des niarcheans estranges qui viennent de la mer, que iiij charretées de poisson et huit summes.
16. Que li marcheant qui amenront le poisson de mer a Paris viennent et amainnent tout droit le poisson es halles aedanz certainne heure, c'est assavoir a heure de prime et que cil qui dedans celle heure ne vendront atout leur poissons a Paris ne puissent vendre leurs poissons devant l'andemain, se ce n'est en cas de neccessité, c'est a savoir la ou ^e poisson ne se pourroit garder jusques a l'andemain, ou quel caz il convendroit que il feust venduz en celle journée.
17. Que touz les saumons que l'en amenra a Paris Viennent tout droit es halles sans entrer en meson nulle, et
soient mis en la propre journée en vente, sans mucier ne mettre en meson nulle.
18. Que se aucuns revendeurs acheté aucun panier de poisson, li quel soit enbuschiez degournaus, de morues, de congres, de mules, de plais ou d'autre gros poisson et il ne se poursuit tel comme la veue desus est, a laquelle veue le detaillieur l'achaite, se le detaillieur s'en deult et montre la deffaute, que elle soit atrampée par Tesgart de deus preuddes hommes qui seront députés a ce faire.
