Que nul ne melle rayes avecques autre poisson

21. Chacun revendeur de poisson paiera son marcheant la journée que il achètera le poisson dedanz soleil couchant, et, se il ne le fet, il poiera a son marcheant ses despens de tant de journées comme il demourra en la ville par la deffaute du poiement du revendeur.

22. Que nul poissonnier ne puisse ne ne doie broueillier ne gaschier poisson comme morue salée, maqueriaus salés et harens blans salés, et, se il le font, ils perdront tout le poisson.

23 Tuit li poissonnier de mer donront pièges au prevost de Paris de Ix livres parisis avant ce que il puissent, [ne ne doient] vendre ne acheter poisson pour eus ne pour autre.

24. Que nul poissonnier d'yaue douce n'aille encontre le poisson que l'en aportera a Paris, ne que il ne puissent vendre tanches, quarpiaus et ang[u]illetes des quielx li quatre ne vaillent que un denier au moins, et que nul ne nulle ne puisse vendre poisson d'yaue douce, fors aus pierres le roy et aus pierres aus poissonniers.

25. Que nul ne vende gardons freans-, c'est a savoir gardons entre le mi avril et le rai may.

26. Que puis que une navée de huche ou de charbon sera affeurée en la nef ou en la place aus marcheanz, ne puisse estre vendue au gros pour revendre a détail, et que, puis qu'elle sera affeurée, nus ne puisse lever le feur se elle n'a XL jours de séjour.