mai

Responsabilité des risques dans le transport des marchandises,

Arch. nat., Reg. Olim, fol. 203. — Boutaric, Actes du pari., n» 3948.

Lite mota coram preposito Parisiensi inter Caute Bonfantin ex parte una, et Guillelmum Gasconis vecturarium ex altéra, super eo quod dicebat dictus Cautes contra dictum Guillelmum quod dictus Guillelmus in civitate Parisiensi ab ipso receperat et habuerat sexaginta quatuor trosellos pannorum valoris decem milium librarum ducendos per dictum Guillelmum cum animalibus suis propriis suis sumptibus et expensis de Parisius ad civitatem Saône supra mare, videlicet quolibet trossello pro decem libris turonensium quas habuerat et receperat dictus Guillelmus ab ipso.

utdicebat. Dicebat etiam quod sufficienter conventum fuerat inter eos in dicto contractu quod dictus Guillelmus, mediante dicto precio, dictos trossellos sanos et integros duceret recta via de Parisius apud Matisconem, et de Matiscone per terram Sabaudie directe usque ad montem colli de Argentaria et per terram régis Roberti Sicilie recto jurato itinere usque ad civitatem Saône, non declinando ad aliam viam seu iter per mare vel per terram, et hoc infra xxxv dies , et quod ad premissa tenenda dictus Guillelmus sufficienter eidem Caute se obligaverat et ad reddendum eidem duplum valorem dictorum trossellorum nomine pêne, cum omnibus sumptibus quos haberet vel incurreret dictus Caute propter defectum premissorum, vel si contingeret dictum Guillelmum contra premissa facere vel venire. Dicebat etiam dictus Caute quod dictus Guillelmus, veniendo contra convenciones predictas et eas infringendo, iter predictum inter eos conventum dimiserat et dictos trossellos per aliam viam seu iter duxerat, videlicet per montem de monte Cenisio, et directo per civitatem et terram d'Ast ubi erat magna guerra. In qua terra dictus Guillelmus dictos trossellos se amisisse dicebat , quid non contigisset, ut dicebat idem Caute, si per iter conventum dictos trossellos duxisset. Unde cum dicti xxxv dies infra quos dictus Guillelmus, secundum convenciones predictas, dictos troussellos pannorum in civitate Saône reddere etdeliberare eidem Caute, vel ejus certo mandato debebat, diu erat essent elapsi, absque eo quod dictus Guillelmus duxisset, reddidisset, seu deliberasset eidem Caute dictos troussellos secundum quod convenerat et prout de hiis in instrumento publico se obligaverat, immo dictas convenciones infringendo, totum contrarium fecerat, ut dicebat, quare petebat dictus Caute dictun^ Guillelmum per dictum prepositum condempnari et compelli ad reddendum eidem sexaginta quatuor troussellos predictos una cum totidem pannis nomine pêne duppli, vel viginti milia libras tam pro valore dictorum pannorum quam pro dicta pena dupplici secundum dictas convenciones, una cum sexcentis et qua-

draginta libris quas dictus Guillelmus pro dicta vectura quam non fecerat, a dicto Caute habuerat et receperat, protestans de suis dampnis, sumptibus et interesse loco et tempore petendis. Dicto Guillelmo ad sui defensionem plures rationes in contrarium proponente, et dicente quod in persona sua nunquam cum dicto Caute contraxerat* sed verum erat quod certis die, loco et hora, presentibus certis personis ad hoc vocatis, inter dictum Caute nomine suo et quorundam aliorum mercatorum et Gervasium Martini vecturarium nomine suo, ipsius Guillelmi et duorum suorum sociorum, conventum et concordatum fuerat de ducendo predictos lxiiii troussellos de Parisius ad civitatem Saône, pro precio x librarum parisiensium quemlibet troussellum, et quod in dicto contractu et in concordando dictum contractum inter eos expressa et designata fuerant certa loca per que dicti Gervasius Guillelmus et alii socii sui debebant ducere dictos troussellos, videlicet per Matisconem et per Sabbaudiam, et exinde per directum magnum et regale iter usitatum et consuetum usque ad civitatem Saône , prout in litteris castelleti Parisiensis super hoc confectis dicebat plenius contineri. Et una cum hoc ordinatum et concordatum fuerat inter eos quod dictus Caute traderet eis unum valletum qui iret cum eis et conduceret eos et ostenderet eis iter seu viam per quos ipsi ducerent dictos troussellos, et quod dictus Caute dédit eis quemdam famulum nomine Mathiam et dédit eidem copiam sive vidimus littere castelleti super hoc facte, ut melius posset eisdem ostendere iter designatum in dictis litteris, et precepit eisdem quod ipsi dicto valleto in itinere faciendo in omnibus obedirent. Dicebat etiam quod secundum quod premissum est, dicti vecturarii recesserunt de Parisius et arripuerunt iter suum cum dicto valleto, et in conductu ipsius duxerunt dictos troussellos per Matisconem et Sabaudiam, et exinde recto magno regali itinere versus Saonam, secundum quod promiserant et secundum quod dictus