Ms. KK 1336 : massiches
6. Que nulz ne puisse ouvrer de nuis ou dit mestier en avant de cuevre feu ne faire ouvrer ne relever de nuis jusques a plain jour que l'en puisse veoir a ouvrer de la lueur du jour, se ce n'est es œvres des royaulz, pour ce que Tœuvrages des faussez œuvres ne vaudroit rien, car l'en le feroit de nuis.
7. Que nulz maistres qui tiegne le mestier ne puisse prendre ne avoir que un aprantiz ne a mains de diz ans, et quant ycelui aprentiz aura fait là moitié de son terme des dis anz, que le maistre en puist prendre un autre aprentiz seulement a tel terme que dit est.
8. Se aucuns aprentiz se racheté par argent envers son maistre avant qu'il eust tout fet son terme par aucune ochoison, quelle que elle fust, que li aprentiz ne puist prendre ne avoir aprentiz devant que les dis années de son dit terme soient acomplies, et qu'il ne puisse tenir ledit mestier en son hostel jusques a tant qu'il aura esté esprouvé souffîsament et qu'il aura fait serement de tenir et garder toutes les ordenances du mestier.
9. Li maistre qui auront eu l'argent de leurs aprentiz pour leur rachat ne puissent prendre point de autre aprentiz devant que les cinc années dudit terme soient acomplies de son aprentiz, excepté seulement un aprentiz qu'il porra prendre a la moitié dudit terme, si comme dit est par devant.
10. Que les maistres qui maintenant sont, c'est a savoir en l'an MCCC et nuef ou mois de septembre, [et] ont deus aprentiz ou trois, n'en puisse plus nul prendre devant que le darrenier aprentiz n'ait mais a faire que la moitié de son service.
11. Que nulz ouvriers, soit maistres ou autres qui vœille ouvrer dudit mestier a Paris, qui soit de dehors ou viengne d'estrange païs pour ouvrer a Paris, ne puisse ouvrer en son hostel pour tenir ledit mestier jusques a tant qu'il aura esté esprouvé souflisamment, et qu'il aura fait le serement envers cens du mestier a qui il appartendra a faire que bien et loialement feroit le mestier et tendroit les ordenances dessus dites.
12. Que nulz des maistres du mestier dessus dit ne baille ouvrage a faire a autrui aprentiz qui soit en autrui service en feste ne en diemanche ne a jour ouvrable, car c'est une manière de fortraire Taprentiz.
13. Et quiconques mesprendra ou dit mestier ou sera trouvez mesprendant en aucuns des articles des choses dessus dites, il paiera trente soulz par. d'amende, et si perdera la fausse œvre, desquiex trente soulz d'amende li roys en aura vint soulz, et les maistres qui garderont ledit mestier en aront dis soulz pour leur paine par la main du prevost de Paris, les quix maitres qui garderont le dit mestier y seront mis et ostéz par le prevost de Paris toute foiz qu'il li plera.
Lesquelles choses dessus dites, si comme elles sont divisées dessus, Adam de Saint-Denis, Lucas Tesmailleur,
etc touz esmailleurs d'orfaverie de la ville de Paris, de
leur bone volenté, voudrent, loerent et acorderent et les promistrent .par leurs seremens avoir fermes et estables.... sauf a nostre seigneur le roy et au prevost de Paris de muer et corriger es choses devant dites toutes fois qu'il leur plaira.
