Edit. : parerUre

trouvées en Teaue entre le dict pont de Paris et le pont de Mante qui de riens ne devait estre araenuysé ne empiré, sauf tant seullement le droict péage qui est deu et acoustumé d'estre paie pour cause de la vicomte de l'eaue et des autrey ordinaires droictures et anciens péages qui de tout temps ont accoustumé d'estre payés, et avec ce mener et descendre toutesfoys qui leur plaira leurs dictes denrées et marchandises et autres biens au port et en la ville de Rouen , et ramener et renvoyer, si comme il leur plaira, et vendre et marchander en là ville de Rouen, par eau et par terre, tant ainsy franchement comme ly marchant et ly bourgoys de Rouen, et le toult comme ils avoient acoustumé faire, quant ledict pont estoit ouvert, et pour toutes ces choses ledict seigneur devoit prendre sur toutes manières de biens et de marchandises mises et embatues la dicte eau de la, ou Sayne chyet en la mer, jusques au Pont de l'Arche, tant en montant comme avallant, par manière de péage les devoirs et redevance[s] cy après déclarés, de quelque lieu qu'ils viennent ne en quelque lieu qu'ils soient menés, ne en quelque manière de gens qu'ils appartiennent, excepté tout clergé et tout nobles qui ne marchanderont, et exceptés ceulx de Rouen jusques a ce que ledict seigneur en eust autre chose ordonné, jusques a la somme de soixante mil livres parisis.

2. C'est assavoir bley, avoyne et toult autre grain, la somme, huit deniers qui est pour muy . IIII s.