Pourpris : enceinte de la maison

canelles ou autres espesseries, aussi aucun vivre de karesme, pronnes 1 et damas 2, confites, métridatz, triades ne aultres semblables marchandises, que premiers ilz ne les ayent fait esgarder par les esgardz à ce commis, sur l’amende de dix livres touteffois que aucun fera le contraire, le tiers au prouffit desdits esgardz et le surplus comme bans enffrains.

Item que lesdiqts espessiers ne aucuns ne meslent aucune desdites pouldres ne autres, ains les facent puraines, saulf que la canelle se polra mesler de chucre 3 seulement, à péril de telle amende et à appliquer comme dessus.

Item que nulz ne nulles ne se meslent de acheter pour revendre ne enclore en leur bouticle, ouvroir ne autre pourpris, aucuns poivres de Brésy ou rouge poivre, paille de noir poivre, paille de gingembre, pourrittes 4 de claux 5 *, pourittes de cannelle, garbeau (?j de graine, ne aussi saffrons ou espesseries marinées, ne aultres sortes de pouldres ou espesseries d’escalles G et ivrognies 7 au peuple, à péril de l’amende que dessus à appliquer comme dit est.

Item que nul ne nulle ne preste mortiez ne autres instrumens pour estamper et mectre en pouldres les mauvaises denrées que dessus, soit en la ville ou dehors, sur telle paine que dessus.

Aussi l’on ordonne à tous appoticaires de ceste ville que ils soient sortis toutes bonnes droghes, chyros et autres médecines pour en faire les recipez 8 que les docteurs en médecine leur envoyent et fournissent à iceulx recipez selon leur contenu sans mestre une chose pour l’autre, à péril que. lesdites droghes, chyios et autres médecines quy ne seroient trouvées bonnes, seront bruslées ou jectées envoyés par les dicts egardz et avecq ce sur telle amende que dessus.

Et si a été ordonné que toutes et quantes fois que les docteurs en médecines voldront. ou l’un d’eux voldra, polront ou polra visiter les dictes chyros, droghes ou autres médecines ès bou-