Effacer

leurs maris fussent vivans, pourveu qu’elles tiennent ouvroirs et payent chascun an frais d’années.

IX. Item que tous maistres ou maistresses polront par chascun an recepvoir aultant de compaignons veullans parvenir à ladicte franchise que bon leur semblera.

X. Item que tous filz de maistres de l’un desdicts stilz, avant eslever aulcuns d’iceulx stilz ou estappler 1 leur marchandise, seront tenus préalablement payer aux maistres desdicts stilz pour droict de maistrise xl sols au prouffict de ladicte chappelle, sans en ce comprendre lesdicts biblotiers.

XI. Item que personne de quelque estât ou condition qu’il soit soy meslant desdicts stilz que dessus ou d’aulcuns d’iceulx ne polra en icelle ville vendre ny estappler sa marchandise hors la franche feste d’icelle, qu’il ne soit francq dudict stil, réservé le merquedy de chascune sepmaine, sur l’amende de lx sols applicables comme dessus.

XII. Item que nulz maistres francqz desdictz stils ne polront avoir ne faire aultres francqz, n’est que telz maistres tiengnent ouvroirs et usent desdicts stilz et contribuent ausdicts frais d’années.

XIII. Item s’il advenoit que aulcuns maistres desdicts stilz ayant aulcuns soubz eulx pour parvenir à ladicte franchise laissassent le stil ou qu’ilz terminassent vie par mort, telz prétendans à ladicte franchise polront parfaire leurs appresures 2 endessoubz la vesve de tel maistre terminé ou aultrement se polront remectre avecq ung aultre maistre, pour soubz luy paraprendre ledict stil et le semblable auera lieu quant celluy prétendant à la dicte franchise sera tenu soy partir de la maison de son maistre pour aultres cause légitime.

XIIII. Item que personne soy meslant desdicts stilz ne polra doresenavant demourer et résider avecq les vieswariers 3, caucheteurs 4 et parmentiers 5 de cestedicte ville et ce pour obvier à plusieurs frauldes qu’ilz polroient commectre ensamble, sur l’amende de lx sols à applicquier comme dessus.