Tailleur qui fait et garnit les habits

XV. Item que au trespas de chascuri maistre ou maistresse desdictz stilz et pourveu que les torses et confanon soient portées à leurs enterremens, les hoirs dudict trespassé seront tenus de payer pour mortemain xxim sols à applicquier comme dessus.

XVI. Item et seront tenus les maistres chief d’hostel desdicts stilz accompagner lesdicts trespassez à leurs enterremens sur paine de fourfaire demie livre de chire de m sols, pourveu qu’il y ayt préalablement sommation faicte par le varlet desdictz stilz, saulf en celéalleensonne; pour laquelle sommation faire et porter lesdictes torses et confanon sera paié audict varlet pour son droict xii sols prins esdicts xxim sols de mortemain cy-dessus.

XVII. Item pour le mortemain de chacun enffant et de celluy prétendant à ladicte franchise, s’il advenoit qu’ilz terminassent vie par mort durant leur appresure, sera paié xii sols, assavoir les vin sols à ladicte chappelle et les mi sols audict varlet, pourveu néantmoings qu’il porte ledict enffant terminé en terre et non auhrement.

XVIII. Item que tous prétendans à ladicte franchise avant pooir estapler ou mectre avant leur marchandise payeront ausdicts maistres pour droict de maistrise quatre livres à applicquier comme dessus, saulf lesdicts biblotiers.

XIX Item que tous estrangiers non filz de maistres ny affranchis en cestedicte ville, pour parvenir à ladicte maistrise et franchise desdicts stilz esquels est requis la résidence de deux ans et avant pooir eslever l’un desdicts stilz en icelle ville, seront préalablement tenus de faire deuement apparoir aux maistres d’iceulx stilz par certiffication souffisante qu’ilz aueront esté subjectz ensoubz maistre de ville privilégié par l’espace de deux ans continuelz et payer pour ledict droict de maistrise xii livres au prouffict que dessus et autant seront tenus paier les estrangiers veullans exercer les aultres stilz cy-dessus non résidens de deux ans, saulf lesdicts biblotiers.

XX. Item que tous maistres et maistresses chiefz d’hostel, estans à ces fins sommé par les maistres et varlet desdicts stil, seront tenus de comparoir à la messe que se dict et chélèbre en ladicte chappelle Sainct Nicollas les jours d’icelluy Sainct deux fois l’an, à péril de une livre de chire de vi sols au prouffict de ladicte chappelle, saulf aussy léalle ensonne.

XXI. Item tous maistres desdicts stilz chiefz d’hostel seront tenus accompaigner les chandeilles et torses desdicts stilz aux

jours du Soinct Sacrement et procession de cestedicte ville, sur paine de une livre de chire de vi sols au prouffict de ladicte chappelle, pourveu toutefois qu’il y ait sommation faicte par ledict varlet et saulf aussy en ce léalle ensonne.

XXII. Item que ceulx desdicts stilz de cestedicte ville ne aucuns d’iceulx ne pourront estappler leur marchandise hors de leurs maisons fors les jours de merquedy et sabmedy de chascune sepmaine aux lieux ordonnez et escheuz par leurs lotz, mais tous compagnons merchiers de dehors cestedicte ville polront en passant leur chemin mectre avant et vendre leur marchandise et desrée en icelle ville ung jour en la sepmaine et non plus pour icelluy voiaige, asscavoir sur une cloye ou sur une table sans couverture et sans couvrir ne estoupper les maisons des merchiers de cestedicte ville, le tout à péril en chascun desdicts cas de lx sols d’amende à applicquier comme dessus.

XXIII. Item qfîe aulcuns desdicts stilz ne soient sy hardis de faire ne faire faire deux hestaulx ou ayons 1 venans d’une maison en jour dé marchié ne aultrement en ceste dicte ville et taille, sur lx sols d’amende à applicquier à ladicte cliappelle.

XXIIII. Item que tous ceulx quy se meslent des stilz que dessus en cestedicte ville seront tenus obeyr paisiblement aux maistres d’iceulx stilz, tant en cachant les droix susdicts comme aultrement touchant leursdict office, et que tous lesdicts droix ilz paient paisiblement sans leur dire injure ne villonnie, sur lx sols de fourfaict toutefois que aucuns feroient le contraire, applicables il la dicte chappelle.

XXV. Item que tous ceulx eulx meslant desdicts stilz, saulf lesdicts biblotiers, seront tenus paier chascun an pour frais d’années vi sols il deux termes, si comme Sainct Nicollas d’esté et feste de Lille.

XXVI. Item que le jour Sainct Nicollas en may se esliront deux maistres nouveaulx par le corps des mestiers desdicts stilz, lesquelz seront cappelez 2 par les deux maistres widdans 3 et seront lesdicts deux maistres nouveaulx tenus de solliciter bien et diligament ad ce que ladicte chappelle, chandeilles, torses et

1. Hayon, échoppe, sorte de tente soutenue par des piquets, où on étale marchandise.