Amende

II. Et que tout aprentich et appendices qui dores en avant volront aprendre et seront mis au mestier de le mercherie pour aprendre, paiecent paisiblement aux dis maistres pour leur entrée au prouffit de le dicte candeille et torses 1 cascuns et cascunes une livre de chire sur v sols de fourfait et s’en facent li maistre des dis aprentis seur quar 2; on s’en tenroit à eulx de le deffaucte 3 4.

III. Et que toutesfois que aucuns merchiers ou merchière demorant en ceste ville et taille d’icelle ou leur enfant vont ou va de vie a trespas, que li pères ou li mère ou li hoir du trespassé paiecent paisiblement as dis maistres au prouffit de le dicte candeille et torses pour cascun trespassé une livre de chire sur v sols de fourfait.

IV. Et que toutesfois que aucuns merchiers ou merchière tant de ceste ville et taille d’icelle comme de dehors esliève son mestier de mercherie de nouviel en ceste ville ou taille d’icelle, paiece paisiblement aux dis maistres pour son entrée au prouffit de le dicte candeille et torses cascuns une livre de chire sur v sols de fourfait.

V. Et que tout merchier de ceste ville et taille d’icelle qui arsiet 1 en seront et qui ne poront monstrer vraie excusance, voisent 5 cascun an le jour Saint Nicolay en mai à le messe et là où li mestre dudit mestier les volront mener pour aidierà faire lordenance des nouviaulx mestres de l’année à venir et pour oïr les comptes des mestres qui deveront issir 6 de leur office de l’année, sur ii sols de fourfait.

VI. Et que tout merchier de ceste ville et taille d’icelle qui arsiet en seront par l'eswart 7 des dis maistres et qui ne poront monstrer vraie excusation decompaignier.le candeille et torses des merchiers, les compaignent et facent compaignie à le dicte candeille et torses

1. Torses, bâtons tors ou torches, étaient de longs bâtons terminés en arcade, avec une chandelle ; sous cette espèce de dais, on voyait les attributs du corps de métier.

2. Le maître était chargé de recueillir la taxe des apprentis.