Acte passé entre Du Bartas et ses imprimeurs 1585, 24 juillet

L'an de grâce mil cinq cens quatre-vingtz-cinq et le vingtquatriesme jour du nioys de juillet après midv, régnant très chrestien prince Henry par la grâce de Dieu roy de France et de Poloigne, dans le chasteau seigneurial d'IIomps, diocèse de Sectore et seneschaucée d'Armaignac, en présence de moy notaire et tesmoingz bas nommez, estant constitué en sa personne noble Guilbaume de Saluste, Sgr du Bartas et de Coloigne, gentilhomme ordinaire de la Chambre du roy de Navarre, lequel déclare vouloir et permettre que honestes hommes Abel Langelier et Thimotée Jouhan, marchans libraires à Paris, impriment ou facent imprimer les premières œuvres dudit Sieur du BaVtas, reveues, corrigées et augmentées par icelluy, sçavoir est : La Judith avec ses arguments et adurnations qui sont faictes ou se feront cy après, item la première septmaine et aussy le Triomphe de la Foy, l'Uranle avec la version escoussaise faicte par le roy d'Escoce, ensemble un petit poème du temps faict par ledit roy d'Escoce et traduit par ledit Sr du Bartas oultre plus l'entrée de la royne de Navarre à Nérac et les Muses Pirénées le tout suyvant les correptlons faictes de nouveau. Les coppies et exemplaires desquelles œuvres ont esté mises entre les mains du dict Thimotée Jouan et ce durant le terme de huict ans. Consentant le dijt Sr du Bartas que les dictz sieurs Langelier et Jouan obtiennent privilège pourtant defencea tous autres d'imprimer les susdictes œuvres avec comentaires ou aultrement sans leur permission durant le dict terme et ce en la plus ample et meilleui'e façon qu'ils pourront adviser. Et pour les frais qu'a conveneu faire au dict sieur du Bartas en recognolssance de partie de ses travaux, ledit Jouan tant en son nom propre que comme ayant charge du dict Lan-

(i) D'après le Bulletin du Bibliophile, mai igoo, p. ?.'ài du tome. Acte copié par M. l'abbé de Carsalade du Pont, depuis Evêque de Perpi<>nan, sur les minutes de AP Lannes, notaire à Solomiac (Gers), et publié par M. le Duc de Fezensac.

gelier comme a faict aparoir par une lettre missive escripte et signée par le dict Langelier en date du seize juin dernier passé, promect de payer ou faire payer dans Tholose la somme de cent trois escuz sol un tiers, dans le terme de dix moys prochains à compter de ce jourd'hui datte des présentes à peyne de tous despens domaiges etinterestz. Et pour mieulx tenir tout ce dessus ledit Jouan a obligé et yppothequé tous et ungs chaoungs ses biens et ceulx du dict Langelier son constituant, meubles et immeubles presens et advenir, lesquelz a soubzmis aux rigeurs de toutes cours du présent royaulme de France par lesquelles et chascune d'icelles a vouleu estre constrainct par prinse saisie et vente de leurs susdicts biens et a renoncé à toutes choses contraires et ainsin l'a juré en présence de nobles Jean Jacques de Manas, seigneur de Homps, et Bertrand de Manas d'Homps. Signé : G. DE Salluste

Thimothée Jouan

DE Manas

Bertram de Manas

S. de Aguzan, notaire (deMontfort).

Etude de M« Lannes à Solomiac, 1898.

Editions françaises.