PARADOXE PREMIER
Que Ion se plainct à tort en France, de renchérissement de toutes choses, attendu que rien n'y est enchery puis trois cens ans.
Depuis que l'ancienne permutation a esté commuée en emption & vendition, & que la première richesse des hommes qui consistoit en bestail, a esté transférée à l'or & à l'argent, par lesquelz toutes choses ont esté depuis estimées, vendues, & appréciées, & par conséquent sont iceux métaux les vraiz & iustes iuges du bon marché, ou de la cherté de toutes choses.
Lon ne peult dire, qu'une chose soit maintenant plus chère qu'elle n'estoit il y a trois cens ans, sinon que pour l'achapter il faille maintenant bailler plus [Fol.A.iiij.V^] d'or ou d'argent que lon n'en bailloit alors.
Or est il que pour l'achapt de toutes choses, lon ne baille point maintenant plus d'or ny d'argent que lon en bailloit alors.
Doncques, puis ledict temps rien n'est enchery ne France.
Les maximes sont claires.
La mineure se preuve en ceste manière :
Du temps du Roy Philippes de Valoys, qui commença à régner en l'an mil trois cens vingt huict, l'escu d'or aux fleurs de lis sans nombre ^ aussi bon, voire meilleur en pois & aloy que les escuz soleil ^ de maintenant, ne valoit que vingt solz tournois. Et combien que lors l'aulne de bon velours ne valoit que quatre livres, pour paier ces quatre livres falloit bailler quatre escuz, ou monnoye d'argent à l'equipolent. Ladicte aulne ^ de velours, encores qu'elle couste maintenant dix [Fol.B.i.Ro] livres, qui font six livres d'avantage : Neantmoins pour paier ces dix livres ne faut que ladicte somme de quatre escuz, à raison de cinquante solz pièce, comme ils font par l'ordonnance, ou monnoye d'argent à la valeur* Doncques ladicte aulne de velours n'est point maintenant plus chère, qu'elle n'estoit alors.
Il y a pareille raison pour toutes autres marchandises de garde, que les marchands appellent Latines.
Si nous regardons aux autres marchandises, qui sont plus périssables, comme bledz, vins, & autres semblables, nous y trouverons pareille raison. Mais pour en faire le compte il n'est pas raisonnable de nous fonder sur ceste année, qui est la plus estrange & irreguliere qui ait paravanture iamais esté veuë en France, que les bledz & vins ont esté quasi tous perdus, voire le boys des vignes & les noyers gelez. Nous prendrons doncques une année commune, comme Ion a accoustumé faire en l'estimation des choses [Fol.B.i.V^] casueles & incertaines, & mettons le muy de vin moiennement bon, à douze livres tournois.
Et viendrons au Roy lehan successeur dudict Philippes, qui commença à régner en l'an mil trois cens cinquante, & fist forger les premiers francz à pied ^ & à
MALESTROICT 59
cheval * d'or fin, lesquelz ne valoient lors que vingt solz tournois, & maintenant se mettent pour soixante solz, qui est le triple. Si en ce temps là le muy de vin moiennement bon valoit quatre livres, pour paier ces quatre livres falloit bailler quatre desdicts francz d'or, ou monnoye d'argent à l'advenant. Si maintenant nous achaptons ledict muy de vin douze livres, qui est le pris que nous avons supposé pour une année commune : pour paier lesdictes douze livres, ne fault que pareil nombre de quatre francz d'or à ladicte raison de soixante solz tournois pièce, ou monnoye d'argent à la valeur. Parquoy ne se peult dire, que puis ledict temps y ait sur ledict vin aucun encherissement. Le semblable est des grains, & [Fol.B.ij.Ro] autres telles marchandises.
Nous avons compté par l'or : comptons maintenant par l'argent, & le prenons de plus loing, comme du temps du Roy sainct Loys, qui commença à régner en l'an mil deux cens vingt sept, & fist forger les premiers solz, valans douze deniers tournois pièce, pour lors appelez gros tournois ^. Ces gros tournois ou douzains estoient tous d'argent fin, &n'y en avoit que soixante quatre au marc.
Des douzains de maintenant ^, mesmement des derniers forgez par le Roy Henry deuxiesme, d'aloy à trois deniers & demy fin, de quatre vingt treize pièces & demie au marc d'œuvre, y en a en un marc d'argent fin, trois cens vingt, qui est le quintuple de ce qu'il y en avoit du temps dudict sainct Loys.
Partant de l'un desdicts solz Ion en a faict cinq, & par conséquent les vingt solz de maintenant n'en valent que quatre de ce temps là : les vingt cinq livres, [Fol.B.ij.Vo] cinq livres : les cens, vingt. Et ainsi de plus grande ou plus petite somme.
Doncques si pour le iourd'huy nous achaptons l'aulne de velours dix livres, qui ne se vendoit du temps dudict sainct Loys que quarante solz, nous n'en baillons point plus d'argent qu'il s'en bailloit alors.
L'aulne de drap, qui se vend maintenant cent solz, ne revient qu'à vingt solz du temps passé.
Le muy de vin n'est point maintenant plus cher à douze livres dix solz, qu'il estoit alors à cinquante solz.
Si le chappon couste maintenant dix solz, ce ne sont que deux solz du temps passé.
La pinte de vin, qui couste maintenant à la taverne trois blancz, n'est point plus chère que quand elle estoit lors à un liard.
[Fol.B.iij.Ro] La paire de souliers n'est point maintenant plus chère à quinze solz, que lors à trois solz.
Si la iournée d'un homme & d'un cheval couste à l'hostellerie en année commune vingt cinq solz, ce n'est point plus cher que cinq solz qu'elle pouvoit couster alors.
La iournée d'un manœuvre ou gaigne denier, qui couste maintenant cinq solz, n'est point plus chère qu'elle estoit lors à douze deniers.
Le Gentilhomme qui a maintenant cinq cens livres de rente, n'est point plus riche que celuy qui lors n'en avoit que cent.
Une terre ou maison qui se vend maintenant vingt cinq mil francs, n'est point plus chère qu'elle estoit lors à cinq mil livres.
Le tout pour la raison dessusdicte, qui [Fol.B.iij.V®] est, que les vingt cinq mil livres de maintenant ne contiennent point plus grande quantité d'argent fin, que les cinq mil livres du temps dudict sainct Loys.
Et ainsi renchérissement que Ion cuide estre maintenant sur toutes choses, ce n'est qu'une opinion vaine, ou image de compte sans effet ni substance quelconque. Car tousiours fault revenir à nostre premier point, qui est, de sçavoir & entendre pour vray, que nous ne baillons point maintenant plus grande quantité d'or ou d'argent fin, qu'il s'en bailloit le temps passé pour l'achapt de toutes choses. Ce qui se voit & vérifie tout de mesme,
MALESTROICT 61
de temps en temps, & de règne en règne, depuis ledict sainct Loys, iusques à présent.
Parquoy ne se peult dire ny soustenir, qu'aucune chose soit encherie puis ledict temps.
[Fol.B.iiij.Roj
