PARADOXE DEUXIÈME

Qu'il y a beaucoup à perdre sur un escu, ou autre monnoye d'or & d'argent, encores qu'on la mette pour mesme pris qu'on la reçoit...

L'une des choses qui plus a trompé & rendu pauvre le François & la France, & qui plus a faict contemner & enfreindre, depuis cent ans, les Ordonnances faictes par les Roys sur le cours & mise des monnoyes, les prenant & alouant à plus hault pris que le Prince ne les a évaluées. En quoy l'opinion du vulgaire a tousiours esté maistresse car quelque résistance que les Roys aient sceu faire, ilz ont finalement esté vaincus & contrainctz de suivre en cela la volonté desordonnée du peuple, & de hausser l'escu de iour en iour. Tellement que de vingt solz qu'il valoit [Fol.B.iiij.Vo] du temps dudict Roy Philippes de Valois, a monté de règne en règne, & de degré en degré, à XXV. XXX. XXXV. XL. XLV. & iusques à cinquante solz, ou il est maintenant par l'ordonnance ^. Ce qui a apporté une perte inestimable & dommage irréparable, tant aux Roys qu'à leurs subiectz. C'est un erreur commun de long temps invétéré & enraciné aux cerveaux de la plus part des hommes, qui pensent n'estre possible qu'ilz puissent riens perdre sur un escu ou autre monnoye, soit domestique ou estrangere, pourveu qu'ilz la mettent pour le mesme pris qu'elle leur aura esté baillée. Ces pauvres gens sont bien loing de leur compte, ainsi qu'il sera clairement demonstré par les mesmes termes du Paradoxe précèdent.

Quand du temps dudict Philippes de Valoys les escuz, comme dict a esté, ne valoient que vingt solz pièce, qui maintenant se mettent à cinquante solz pour le moins : le Gentilhomme qui avoit cinquante solz de menuz cens ou rentes, pour ces cinquante solz recevoit deux [Fol.C.l.Ro] escuz & demy, ou monnoye d'argent à la valeur : pour lesquelz deux escuz & demy il avoit demie aulne demy quart de velours, à raison de quatre livres l'aulne, qui est le prix qu'il valoit alors, revenant aux quatre escuz qu'il vault de présent. Maintenant pour payement desdictz cinquante solz de rente, ce Gentilhomme ne reçoit qu'un escu, ou monnoye d'argent à l'equipolent. Pour cet escu, il n'aura au iourd'huy qu'un quartier de velours, à raison de dix livres que vaut maintenant l'aulne : au lieu qu'il en avoit le temps passé demie aulne demy quart. Il pert doncques un quartier & demy de velours sur son escu, combien qu'il l'ayt mis pour cinquante solz, qui est le mesme pris qu'il l'a receu. Et s'il prent ou met l'escu pour cinquante un, ou cinquante deux solz, sa perte sera plus grande à l'equipolent.

L'officier qui avoit lors vingt livres de gaiges, pour payement de sesdictz gaiges recevoit vingt escuz, ou monnoye d'argent à l'advenant. Pour lesquelz vingt escuz il pouvoit avoir cinq aulnes de velours, à ladicte raison de quatre livres [Fol.G.l.Vo] l'aulne, qui estoient les quatre escuz, qu'il vault de ceste heure. Maintenant pour payement d'iceux vingt livres de gaiges, cest officier ne reçoit que huict escuz à cinquante solz pièce ou monnoye d'argent à la valeur : pour lesquelz huict escuz il n'aura que deux aulnes de velours, à ladicte raison de dix livres l'aulne qu'il vault maintenant, au lieu qu'il avoit accoustumé d'en avoir cinq. Parquoy est manifeste qu'il pert sur ses huict escuz trois aulnes de velours, nonobstant qu'il ayt mis sesdictz escuz pour cinquante solz pièce, comme il les a receus.

MALESTROICT 63

Le Bourgeois qui du temps du Roy lehan avoit trente six livres de rente foncière ou constituée, pour payement de sadicte rente, avoit trente six francs d'or à pied ou à cheval, à raison de vingt solz pièce qu'ilz valoient lors, ou monnoye d'argent à l'equipolent. Pour lesquelz trente six francz d'or, il pouvoit avoir neuf muys de vin, à raison de quatre livres dudict temps, quiestoient quatre francz d'or valans douze livres de présent [Fol.G.ij.Ro], qui est le pris, ou pour une année commune nous avons apprécié ledict muy de vin. Si ce bourgeois est maintenant payé de sadicte rente de trente six livres en ladicte monnoye de franz d'or, il n'en recevra que douze, valans, à raison de soixante solz pièce, comme ilz se mettent à présent, ladicte somme de trente six livres : pour lesquelz douze francz d'or, il n'aura pour le iourd'huy que trois muys de vin, à ladicte raison de douze livres qu'il vault à présent, au lieu que lors il en avait neuf muys. Il pert doncques six muys de vin sur ces douze francz d'or, encores qu'il les ayt mis pour mesme pris de soixante solz qu'il les a receus.

Il y a pareille perte sur toutes autres espèces d'or, & en achapt de toutes sortes de vivres & marchandises, dont i'obmettray le discours, pour obvier à prolixité.

Comptons maintenant par la monnoye d'argent.

[Fol.G.ij.Vo] Le Gentilhomme, ou autre de quelque estât qu'il soit, qui du temps dudict sainct Loys avoit seize livres de cens ou rente, pour luy payer ceste rente, on luy bailloit cinq marcz d'argent fm, ou monnoye d'or à l'equipolent. Gar comme dict a esté au premier Paradoxe, au marc d'argent fm n'y avoit lors que la quantité de soixante quatre pièces, appeliez solz ou grostour. Maintenant pour luy payer ceste rente, on ne lui baille qu'un marc d'argent fm, par ce que les seize livres, qui font trois cens vingt pièces des nouveaulx solz, ou douzains, ne contiennent au plus qu'un marc dudict argent fin, qui n'est que la cinquiesme partie de

l'argent contenu aux premiers seize livres. En ce temps là, Ion avoit pour seize livres, seize aulnes de drap, à raison de vingt solz l'aulne, aussi bon ou meilleur que celuy qui à présent couste cent solz tournois. Maintenant pour seize livres Ion n'a que trois aulnes un cinquiesme dudict drap, à cent solz l'aulne, au lieu que Ion en avoit seize le temps passé : qui est perte de douze aulnes quatre cinquiesme de drap sur seize livres, combien que Ion ayt mis chacune [Fol.G.iij.R^] livre pour pareil pris de vingt solz qu'elle a esté receue.

Si nous le prenons au soit ou douzain, nous trouverons le semblable. Car pour dix solz que le Gentilhomme recevoit anciennement de ses rentes ou censives, contenant autant d'argent fin que les cinquante de maintenant, il pouvoit avoir cinq chappons, à raison de deux solz pièce. Maintenant pour dix solz il n'a qu'un chappon, qui est perte sur dix solz de quatre chappons, combien qu'il ayt mis lesdictz solz pour douze deniers chacun, qui est le mesme pris qu'il les a receus.

Si celuy qui tient l'opinion contraire à ce paradoxe vouloit replicquer, & dire qu'il ne se soucie point combien vault l'escu, la livre, ou le soit, & qu'ayant cent livres de rente ou de gaiges, ce luy est tout un en quelles espèces d'or ou d'argent on le paye, ne pour quel pris on les luy baille, pourveu qu'il ayt tousiours sa somme de cent livres, & qu'il mette ses dictes espèces pour le mesme pris qu'il les reçoit : faultdroit par mesme [Fol.G.iij.Vo] moyen qu'il se vantast d'avoir pour le iourd'huy autant de marchandise pour deux solz ou douzains nouveaulx, qui sont quasi tous de cuyvre, que Ion en avoit le temps passé pour deux desdictz vielz solz ou gros tournois, qui estoient tous d'argent fm : & autant à présent pour un escu, que Ion en avoit lors pour deux & demy. En quoy faisant il introduiroit & mettroit en avant un troisième Paradoxe, bien plus estrange & plus difficile à croire que le premier. Gar ce seroit à dire, que

MALESTROICT 65

toutes choses seroient maintenant à meilleur marché qu'elles n'estoient d'ancienneté, d'autant que pour l'achapt d'icelles Ion bailleroit maintenant moins d'or & d'argent, que Ion n'en bailloit alors. Ce qui ne se peult demonstrer, car il n'est pas vray : & nous suffira bien de croire le premier Paradoxe, qui monstre que rien n'est enchery, sans tant nous abuser, que de cuider les choses estre maintenant à meilleur marché, qu'elles n'estoient le temps passé.

L'énergie & intention de ces deux Paradoxes est, pour monstrer (par le premier) [Fol.G.iiij.Ro] que le Roy & les subiectz achappent maintenant toutes choses aussi cher que Ion faisoit le temps passé, par ce qu'il fault bailler aussi grande quantité d'or & d'argent, que Ion faisoit alors. Mais au moyen du surhaulsement de pris des monnoyes d'or, dont provient par nécessité l'empirement & afïoiblissement de celles d'argent, le Roy ne reçoit en payement de ses droitz domaniaulx & autres, aussi grande quantité d'or & d'argent fin que ses prédécesseurs. Pareillement les Seigneurs & autres subiectz de sa Maiesté qui ont cens, rentes, gaiges, estatz & appointements, n'en reçoivent aussi grande quantité d'or & d'argent fin qu'ils recevoient le temps passé, mais sont (comme le Roy) payez en cuyvre, au lieu d'or & d'argent. Pour lequel cuyvre (suivant le deuxiesme Paradoxe) Ion ne peult recouvrer autant de marchandise que Ion avoit pour semblable quantité d'or & d'argent fin : aussi la perte que Ion cuide avoir par renchérissement de toutes choses, ne vient pas de plus bailler, mais de moins recevoir en quantité d'or & d'argent fin, que Ion avoit accoustumé.

[Fol.G.iiij.Vo] En quoy nous voyons clairement, que tant plus nous haulsons le pris des monnoyes, tant plus nous y perdons : car de là vient le grand encherissement, qui est maintenant de toutes choses, qui amène une pauvreté générale à tout ce Royaume.

Les mouvements, occasions, & progrets de ce mal, seront cy après amplement deduicts & demonstrez, avec le moyen certain, & infalible pour y remédier, au grand bien & honneur de sa Maiesté, soulagement & commodité de tous ses subiectz.

FIN

NOTES

1) ECU d'or aux fleurs de lis sans nombre ou écu à la chaise : frappé pour la première fois sous Philippe de Valois en 1337 (Ordonnance de janvier 1337). Le roi est assis et tient à la main un écu semé de fleurs de lis. Pièce de 54 au marc, 12 de pied, titrant 24 carats, valant, d'après la dite ordonnance 20 sous tournois (Cf. Blanchet et Dieudonné, Manuel de Numismatique, t. II, p. 247 et 249).

2) Écu soleil ou écu sol : frappé pour la première fois par Louis XI comme suite à l'Ordonnance du 20 novembre 1475. C'était alors une pièce de 70 au marc, titrant 23 1 /8 carats et courant pour 33 s. t. Par les Ordonnances des 13 août 1497, 25 avril 1498 et 23 janvier 1515, Charles VIII, Louis XII et François I^r frappèrent respectivement le même écu, mais celui-ci courait alors pour 36 s. 3 d. — Par l'Ordonnance du 21 juillet 1515 (François I^r) on changea légèrement la taille à 71 1 /6 au marc, on remonta le titre à 23 carats et on fixa le cours à 40 s. t. — Par l'Ordonnance du 18 mai 1519, sous François 1^^ on en tailla 71 1 /2 au marc et le titre fut abaissé à 22 3/4 carats.

^) L'aulne mesurait 1,188 m.

*) Ceci est une erreur : les premiers francs à pied semblent bien avoir été frappés sous Charles V, d'après l'Ordonnance du 22 avril 1365 (Cf. Dieudonné, op. cit., t. II, p. 268). — Le nom officiel était : denier aux fleurs de lis d'or. On l'appela franc à cause de la confusion qui commençait h s'établir entre les termes de franc et de livre. — Pièce de 64 au marc, à 24 carats, au pied de 10,5, courant pour 20 s. t.

^) Les francs à cheval furent frappés pour la première fois sous Jean II le Bon pour sa rançon. Pied de 10,5, pièce de 63 au marc, titrant 24 carats, courant pour 20 s. t. — Charles V (Ordonnance du 27 juillet ou du 3 septembre 1364) fit frapper la même monnaie, un peu meilleure par conséquent que le franc à pied dont on taillait 64 au marc. — Sous Charles VII (Ordonnance de novembre 1423), on en taillait 80 au marc et la pièce courait pour 20 s. t.

®) D'après Dieudonné {op. cit., t. II, 227-228), le gros tournois de Saint-Louis (Ordonnance du 15 août 1266) était une pièce de 58 au marc, titrant 12 d. et courant pour 12 d. — On en tailla de plus en plus au marc : sous Charles V (Ordonnance du 22 avril 1365), 96 au marc. — Mais le titre ne fut que deux fois abaissé au-dessous de 12 d. (argent pur) : sous Philippe le Bel de 1303 à 1305 (9 d.) et sous Jean le Bon (Ordonnance du Languedoc) à 11 d. 12 gr.

') Le douzain de Henri II était une pièce de 94 au marc, titrant 3 d. 16 gr et courant pour 1 s. t. (Ordonnance du 31 janvier 1549). — Les monnaies de François II furent identiques à celles de Henri IL — Quant à Charles IX il abaissa le poids du douzain en en faisant tailler 102 au marc, mais seu-

lement le 13 janvier 1572, c'est-à-dire longtemps après la rédaction des Paradoxes et de la Response.

*) L*écu d'or de Cliarles IX, pièce de 72 1 /2 au marc, de 11,8 de pied, titrant 23 carats courait pour 50 s. t. (Ordonnance du 30 août 1561). — L*Opdonnance du 9 juin 1573 le porta même ultérieurement à 54 s. t.

LA RESPONSE DE MAISTRE lEAN BODIN ADVOCAT EN LA COVR AU PARADOXE DE MONSIEUR DE MALESTROIT, TOUCHANT L'ENCHERISSEMENT DE TOUTES CHO- SES, & LE MOYEN D'Y REMÉDIER.

A PARIS

CHtEZ MARTIN LE lEUNE, RUE S. lEAN DE