III. VIES DE DEUX TROUBADOURS GASCONS

I. Cercamons si fos uns joglars de Gascoigna, e trobet vers e pastoretas a la usanza antiga. E cerquet tôt lo mon lai on poc anar, e per so fez se dire Cercamons.

II. Marcabrus si fo gitatz a la porta d’un rie home, ni anc no saup hom quil fo ni don. En Aldrics del Vilar fetz lo noirir : apres estet tan ab un trobador que avia nom Cercamon, quel comenset a trobar; et adonex avia nom Panperdut, mas d’aqui enan ac nom Marcabrun... E fo moût cridat et auzit pel mont e doptatz per sa lenga : car fo tant maldizens que a la fi lo desfairon li castellan de Guion, de cui avia dich moût grant mal.

( Autre notice ). Marcabrus si fo de Gascoingna, fils d’una paubra femna que ac nom Maria Bruna, si com el dis en son cantar : « Marcabruns, lo filhs Na Bruna. » Trobaire fo dels primers qu’om se recort. De caitivetz vers e de caitivetz sirventes fez ; e dis mal de las femnas e d’amor. Aisi comensa so de Marcabru que fo lo premier trobador que fos : « Qui ses bauzia Vol amor albergar De cortesia Deu sa maison joncar. »

Raynouard, Choix des troubadours, t. V, p. 112, 251.