M. de Tantonville, gentilhomme lorrain

2. Jean, baron d'Haussonvillc, d'une des plus illustres familles de la Lorraine.

26 ÉPHÉMÉMDB. [12 août

ledit [sieur] de Gouvrelles et moy allasuons voir ledit sieur de Ségur et luy communiquer lesdites lettres et respoDce, afin qu'il fust adverti aussi que le paoquet qu'il avoit envoyé de Nancy luy-mesmes y avoit esté seurement rendu audit sieur de Tantonville, comme nous feismes> adjoutans combien à propos viendroit une bonne somme par le moyen de ceste négotiaUon pour donner quelque payement aux Suisses, aux affaires desquels nous avions veu de très mauvais commencemens, n'ayans voulu faire monstre ny le serment à autres qu'à leurs capitaines, sous couleur de dire que c'estoit leur mode ; mais que ceux de l'an 76 n'avoyent fait ce refus, que nous avions bien veu que tout cela provenoit faute de payement, contre ce qui nous avoit esté promis de les payer et contenter pour le premier mois conmie les autres; que cela nous faisoit préveoir un grand mal, si Dieu n'y prévoyoit par le moyen de négotiation; que leurs reveues ne montoyent pas à douze mille, encores qu'il y eust plus de deux mille lansquenetz parmy eux, et que ce néantmoins se faisans passer leurs enseignes complètes en ceste reveue, sous espérance de monstre exacte dans ce mois, il y avoit perte de quatre mille soldes; qu'ils ne feroyent non plus monstre ce mois que l'autre, si on ne leur baille argent dont il n'y a point d'apparence sans ceste négociation ; qu'il eust esté meilleur de n'en lever que deux bons régiments, comme il avoit esté résolu, et leur pourvoir de solde comme aux autres. 11 nous dit qu'encores aimeroit-il mieulx de se servir d'eulx en ceste sorte qu'accorder avec le duc de Lorraine, mais, puisqu'il avoit envoyé le pacquet, qu'il ne s'en vouloit dédire, et qu'il falloit avoir tout ce qu'il

avoit demandé par ses articles, ou autrement luy faire la guerre à toute outrance. Je luy dis qu'il avoit veu ce que Son Altesse luy avoit respondu sur ce point, à quoy nous ne pouvions rien adjooster ; que, puisque la capitulation n'emportoit rien et que celle des reittres avoyent des exceptions contraires, veu aussi les nécessitez desdits Suisses et qu'il faudroit encores chercher argent pour achever le payement des reittres et lansquenetz, il seroit beaucoup meilleur de négocier en sorte l'affaire de Lorraine qu'on en peust avoir prompt^nent une bonne issue, que le rendre infructueux en demandant chose impossible à tenir, adjoustant que le trésorier Stephan m'avoit prié de l'advertir de bonn' heure de l'obligation de la somme advancée par Son Altesse et des quittances des sonunes par luy receues et fournies; qu'il esloit aussi besoin d'avoir un pouvoir pour négotier une levée seconde et rafreschissement de l'armée, qui en auroit bon besoin, et qu'il estoit nécessaire qu'il le tinst prest pour s'en servir en son absence. Il nous dit que cela se feroit avec le temps, que tout le monde s'addressoit à luy, qu'il ne sçavoit comme tout estoit allé et n'en avoit rien veu. Je luy dis que c'estoit chose claire et raisonnable et qu'en cela Son Altesse avoit fait plus qu'il n'estoit cbhgé par la capitulation, leur monstrant le chemin, non seulement de la bien observer, mais de faire aussi encores mieulx, s'il leur estoit possible ^

A ce mot de € capitulation > , ledit sieur de Ségur entra en colère, puis en injures : que c'estoit une meschante capitulation, qu'dle estoit faulce, que j'avois ùil ceste