POÈME

sxsa.

( Manuscrit de la Biblioth. du Roi »

LA cause pour quoy on doit amer et visiter le saint lieu de Fescamp ^ et dévotement entendre ristoire du Precieus Sanc.

Benedictus Deus y qui gratificaçit nos in di- Ucto fUio suo j in quo habemus redemptionem per sangainem ejus^ et remissionem peccatorum. (Ad Ephesios, primo Capite. )

vm devon Dieu regmcier A Fescamp^ et r^merehier , Quer par sa gri^nt miséricorde ^ Comment saint PqI souvent recorde ^

^^ ABBAYE DE PÉCAMP.

No puet avoir rédemption Et des pechiés remission, U Sanc que Jhesus dégoûta , Dont à Fescamp meinte goûte a , U lieu de Sainte Trinitei Que Dieu prise à teil dignitei Que il y a mis et départi Du sanc qui de son corps parti.

Non pas comment u Sacrement Mes en sa fourme proprement, Yermel comment il le sengna, Quant pour nous mort soufrir dengna.

Puis à Fescamp où un port a Dieu de ches sanc si transporta A chu saint liu qu'avoit très chier.

En l'Ëuvangile oués preschier Qu'en moût de lieus fut espandu Le sanc Jhesus , quant fut pendu.

Quer quant batu fut d'escorgies, U sengnoit de toutes parties , En decourant aval l'estache Dont meinte lerme eut en la plache Et le pavement arrousei; Et quant en son chief fut posei Le chapel qui n'iert pas de roses,

POÈME SUR XE PRÉCIEUX SANG. Ui

Ne de fleurs , mez de poignant choses Gomme jonc marin ou espines; Le chief sengnoit à lennes fines.

Puis clous es mains et clous es pies , Non pas clous simplement, mes pies, Quer quevilles de fer sembloient Les clous qui le corps soustenoient.

En rompant veines et vertus En croissant des clous les pertus Pour le corps pendant en ballance.

Et puis fut fendu de la lance Le cuer Jhesuz et le costei.

Dont tout le sanc li fust ostei ; Si courut sanc de toutes pars Et par tout le lieu fut espars , Sus clous, sus crois 4 sus le perroi , Entour la crois par le terroi.

Duquel sanc , quant il fut fegié , Sains bons cuillirent par congié Comme cheus qui l'ensevelirent , Par congié et du sanc cuillirent Le vendredi entour complie , Quant bon Joseph d'Arimatbie Et Nicbodeme s'asemblèrent , Et le sanc des plaies rasèrent

Utt ABBATE DE FËGAMP.

Qui n'iert pas de nectessitei Estre o Jhesus resuscitei , Mez nos en vout lessier en terre.

Et de chest sanc bien povon crerre Qu'à Fescamp u reliquiaire, En a donc est le seintuaire Que le peuple vient adourer, Devant qui tous devon plourer , Comme le? roys et les dus firent Qui pour le sanc le lieu noblirent.

Et quant le sanc u lieu trouvèrent , Un noble couvent y fondèrent Où sont les livres aprouvées , Comme ches sanc y fut trouvées, Et monctrent là déduction , Depuis la sainte Passion , Par qui , et quant , et quellement.

Mes je m'en passeroi briement , Et si mi vuil si brief comprendre Que chascun me puisse entendre Et de la matière retenir En général et souvenir.

Comment ches très saintes reliques Freuvent histoires autentiques^ Preuvent mirades et merveltes

POÈME SDR US PMCIBUX SANG. 145

Que ches goûtes de sanc v^rmelles Mil ans ont fait et font encore* Donc un extrait pris de Tystoire Pour tous savoir la veritei Est en quemun chi rôcitei, £n franchpis pour tous secuUers Et pour les simples réguliers*

O vos qui eratis hnge , fàcti esdsprope in sanguine Christi. (Ad Ephesios. ij° Capite.)

Je puis dire ceste parole à tel entente :

Vous , pèlerins qui estîés loing de Jérusalem et des sains lieus où Ihesuscrist fut mort et Ttf, estes fes près par son prëcieus sanc , qu'au saint lieu de Fescamp vous a transmis.

Chi commenche^ VYstoirt du Saint Sanc de Fescamp. Et premièrement comment saint Nicho-^ deme cuilli le sanc et te garda^ el puis en sa fin le lessa à son ws^u Y^aoe»

JOSEPH qui fut d'Arimatie, Uns hons qui fut de bonne vie , Et lïichodeme son pareil , Ches deus 6rent grand appareil

Pour Jhesus mètre en sépulture Si com recorde Tescripture.

Premièrement le cors requirent Et de la crois le descendirent ; Et puis quant fut bien essié Le corps du sanc et nettié j Oingnemens telles achetèrent En quoi le corps envelopèrent , Puis le mistrent en un tombel Que l'Ewangile dit mou bel.

Avint y quant le sanc fut ostei Dez pies , des mains et du costei , Rasei de clous , de crois d'estache Et de quiconques autre plache, Que , par très grant dévotion , Nichodeme une porcion Mist en son gant et le garda Jusqu'à sa mort j puis regarda Que ches trésor revelereit A son neveu qui son her est , Ysaac le plus son affîn.

Et li dist, quant vint en sa fin :

Veschi du sanc du vrai prophète Jhesucrist, garde ne le jeté Conmie lez mauves Jus firent

POËiME SUR LE PRËGIEUX SANG. 115

Qui le saint homme à tort ochirent.

Cest sanc adoure et le rechainne , C'est mon trésor , c'est ceu que j'aime.

Tant comme bien le garderas Jà povre homme tu ne seras , Eins en seras riche à puissance S'en ches trésor mes ta fi anche.

Comment le saint Sanc fit Ysaxic riche homme ^ et si le présetifa de mort ^ et comment Dieu li révéla la venue de Tit et de Fespasien.

QUANT Ysaac son oncle oui Il fut de cuer moût esjoui ; Tous les jours le sanc adoura , Pour quoi gueres ne demoura Que il fut riche à grant quantité!

Et plein de grant auctoritei.

Quant vit que tout li vint à point Envie qui ne mourra point , Des lues fut causei de blâme Et ceu li vint de par sa famé.

Accusei fut d'ydolatrie, De aourer çeu que il ne do(i)nt mie ; Et par sa famé proprement

H44> abbâye de fëcamp.

Qui apper(c)hut aucunement

L'onneur qu'au benoit sanct fesoit,

Quer que ch'estoit il li tesoit.

Mez le saint sanc où il se fia

Et çou que ydoles renia

Et le fet qui n'est point prouvei ,

Ne nul meffet en li Irouvei,

Ches choses si le délivrèrent.

Et li délivré eulz s'en alèrent

Près de la mer meindre en Sydone

Où le pais est plus ydone

Pour ses reliques bien garder,

Tenir, chierir et regarder.

Mez poy fut en la région

Que il out par révélation ,

Que pour destruire le pais

Pour la mort de Jhesus haïs

Et de maint autre crestien ,

Vendroit Tit et Yaspasien ,

A grant ost outre mer transmis ,

Comme Jhesus la voit pramis ;

Que tout le pais destruiroient

Où les faus Juès habitoient ;

Jérusalem principaument

Et tout en tour généraument.

Comment Ysaac mucha le Sang u trunc cCun figuier^ et comment Dieu jffist miracle y et corn-ment Dieu li réiféla que il coupait le tronc,

DONC Ysaac si s'apensa Du don de Dieu qui l'assensa, Où le saint sanc pourroit muchier Ceu que il avoit sus tout plus chier; Comm(e) en l'ost le pourroit garder D'estre trouvey, pris ou d'arder, Quant biens (s)eront tout entour pris.

Si vit un figuier u pourpris , Donc se pensa que il percheroit Le tronc et là le mucheroit.

Sans que sa famé riens en seeust.

Pour Faourer quant il li pleust.

O le sanc un feret estoit, Ne sai pas bien queil fer c'estoit , Se ch'eit de lanche ou quelque chose , Qui fut ove le sanc enclose; Et que le sanc ne pourrisist , Ou la verdure li nuisist , U fit de pion deus tuiles Pour plus seinement mètre les U pertus que il fist u figuier,

i-fô ABBAYE DE FÉCAMP.

OÙ lez clost tant com pout fiquier.

Mez Dieu par sa divine forche, Le pertus couvrit de l'escorche Auci comme fust par nature, Si que nul ne vit la jointure.

Donc l'ama plus parfectement Et crut u sanc plus fermement , Quant il vit chu miracle là.

Mez depuis, Dieu li rév(é)la Que chu tronc où fut sa richesce Coupast tant lonc com sa hauteche ; Que la mer le lieu conquestoit Où le tronc du fiquier estoit; Ne le pais n'estoit pas hable D'avoir relique si notable , Quer adourer ne le poveit Se le puéple la chose oueit.

Comment Dieu amena le Tronc et le Sanc par la mer à Fescamp , puis Ysaac fisi savoir à tous lez chosez dessus dictes du Sanc Jhesucrist.

LE tronc coupa moût désolei, Mez en ceu Dieu Ta consolei Que le sanc feroit réclamer En cest pais, dechà la mer.

Oïl la mer le tronc amena Comme Dieu vout et l'ordena; Et mist u camp d'une valée Fescamp pour le fiquier nommée, Où la mer grande souloit estre Qui puis lessa le val et l'estre ; Si que le tronc fut aterrei, Dejbois et d'erbes enserrei'; Là jut en terre teillement Lonc teus si qu'o pape Clément.

'Combien que Ysaac reconfortei De Dieu pour le sanc transportei j Le fet du sanc montepliast A tous cheus en qui se fiast , Famé, voisin, grant et menu Quanque du sanc est avenu , Lez miracles que il avoit veus Donc tout le monde fut esmeus.

Comment Bose coiuferti lez Cauchois , et comment kz trois verges crurent mervelleusement u tronc,

AviiïT qu'en France à gent païens Transmist le pape crestiens Pour la fôy Jhesucrist nonchier , £t faus ydoles renonchier,

Saint Denis , saint Taurin et Bose ,

Du quel Taurin Iç cors repose

A Fescamp en moût noble chase.

Avint que Bose en pou d'espasse

Lez Cauchois à Dieu converti ;

Et puis pour demourer verti

A Fescamp où se reposa ;

Une proude famé espousa ,

Marque , dont par saint mariage

Out filz , filles et bon lignage.

Les enffans lor bestes menèrent

Au lieu du tronc , et là trouvèrent

Trois belles verges là croissantes ,

Et mervelleusemeht naissantes j

Don(t) Tune à lour père portèrent.

Quant il vit que tant belles cirent ,

Les deu soustrait et lez planta

En son gardin , et puis tant a

Mis paine au tronc du lieu soustraire,

Mez à Poster riens n'y peut faire.

Sez verges en grans fiquiers crurent ,

Et fiquiers tant de figes furent

Que par tout en fut le renon ,

Encor en demeure le non ,

Quer cest non Fescamp , se me semble ,

Vient de fiquier et camp ensemble.

POÈME SUR LE PRÉCIEUX SANG. i 51

Comment vint PJngre en fourme de pèlerin qui amena le Tronc au lieu de Vabcàe.

LA valée fut gracieuse Et de tous biens planteureuse Especiaument pour pastures Et pour fere dez nourretures , Par vertu du tronc précieus Où est le sanc Dieu glorîeus.

Puis avint Bose trespassei Que un pèlerin comme lassei.

Pèlerin dige d'aparense , Me:j non estoit, si comme je pense ^ Einz fut un angre ou fut Dieu, Qui se vint herbergier u lieu Où Marque et ses enfans manoient.

Quant vint au soir que ce chaufoient y U feu n'out point de tresfouel Comment lez gens ont à Nouel ; Donc la maison estoit bien garnie Quant le bon père estoit en vie.

Doncques du père moût parlèrent Et le fet du tronc racontèrent,

Comment nul ne le pout haler.

L'oste dist donc : G'i vneil aler Et lëgièrement amerroi Le tronc au lieu que verroi.

Ainci le fist corn devisa £t sans paine le tronc mis a Dedans la plache illeuc en di'oit Oïl ceste église est or endroit, Où Dieu voilloit qu'eil remeinsist , Nul ne l'ostat ne se fainsist.

Quant au tronc ainci demourei Le pèlerin out moût ovrei , U tronc mist de la crois le signe , Puis dist à tous : le tronc tant digne Que benoit tout le territoire Et plus benoit le lieu encore, Mez très benoît qui chi vendroient Prier et chi recongnoislroient Le pris du monde et le salut , Quer chest saint Sanc pour tous valut.

' Lors en finant son parlement, Se départ invisiblement.

Comment le duc Ansegis , par la vision du cherfj fisl une chapele u lieu du Tronc,

Uval ont bois, preis y herbages Pour cherfs et pour beste sauvages ; Là fut pastures à plantei , Des grosses bestes fut hantei , Pour quoy noblez hommes chassoient U val où les bestes hantoient.

Donc du duc Ansegis avint , Qui pour chassier as cherfs là vint , Que un cherf moût mervelleurs trouvèrent ; Sez chiens que ses gens descouplèrent , Merveilleurs fut en quantité!, Plus mervelleurs en quantité! , Blanc comme nef ou comme let , Si bel qu'en li n'eut riens de let.

Le cherf chassie si s'avala.

Au lieu du tronc droit s'en ala.

Enclin tout coi fut en la place , Puis ne se mut pour nulle chace.

Quer chiens et gens comme tous virent , Vertu de le chacier perdirent.

Quant Ansegis vit le miracle Est tous esbahis du spectacle.

au ABBAYE DE FÉCAMP.

Si pria Dieu dévotement

Que il li monstrast plus clèrement

Signe du cherf queil lieu c'estoit ,

U quel si seurement c'estoit.

Donques le cherf loins c'est parti ,

Un cherne fist bien esparti

Entour chu lieu tout bêlement j

Puis s'esvanui soudainement,

Quant Dieu outfet teil demonstrance

Si rendit à tous leur puissance.

Le duc le cherne bien retint

Et que un milieu le cherf se tint ,

Ou cherne fist une chapele

Non pas de muers , mes de bois tele

Que toust l'eurent fête et levée ;

Si ne fut pas de grant durée.

Au lieu au cherf l'auteil là mist

Et sus l'auteil à Dieu pramist j

Se il vivoit en prosperitei ,

Que ou nom de Sainte Trinité

Ueuc feroit une yglise

Grande et noble tout à devise.

Mez Dieu par lui ne la fist mie ,

Quer tost le prîst de ceste vie ;

Mez par saint Wagnen la fist faire ^

Qui fut au temps du roy Lothaire.

POÈME SUR LE PRÉCIEUX SANG. i65

Comment saint fVagnen out noble vision dn lieu du Tronc , et fonda là , de par le Roy , un^ abbaîe de religieuses dames.

QUA.NT Ansegis fut trespassei , Et pluseurs ans après passei, Et la chapele poy fondée Auteil et tout fut aterrée.

En Caux transmit le roy Lothaire Saint Wagnen comme son vicaire, Saichant pour tout bien discerner Et la province gouverner.

Quant out visitei la contrée, Vint à Fescamp , vit la valée , Si la vit délectable et bêle , Mez ne vit point là de chapele; Vit fiquiers , arbres, preis, verdures, Mez riens ne sont dez aventures, Du sanc ne sont il nulle chose , Du tropc, du cherf , dez verges Bose Qui toutez trois bêles estoient , La Trinitei senefioient Que il devoit ileuc adourer Et la digne plache honnourer.

Ainci deut fere mez non a.

Donc un grant mal Dieu li donna :

Avint que fièvre le penoit

Si que chescun mort le tenoit.

Quant sembloit mort à lour avis ,

Il fut en esperit ravis

Qui n'est mort ne trespassement ,

Mez est un tel ravissement ,

Extasis u livre apelei.

Lors de Dieu li fut revelei

Que il vit les glories où sains furent ,

Lez tourmens que dampné endurent.

Un juge vit moût son contraire

Que le moustier ne fesoit faire

Qu'Ansegis avoit entrepris,

Digne de mort s'en vit repris.

Mez ma dame sainte Eulalie

De .XX. ans^aloigna sa vie ,

Laquelle seinte fut commise

De Dieu pour deviser l'église.

Si dist à saint Vuagnen la dame

Que, pour lé sauvement de s'ame,

Entour le tronc le lieu mondast ,

Et de la Trinitei fondast

Une abbeye, et que il la feist,

Et Childemarque abbeesse y meist.

Et li dist tout le démenai ,

Comment Dieu Tavoit ordenei

Estre un lieu de religion.

Tout vit en celle vision

Et plus grans chosez se devient.

Lors saint Vuagnen à soy revient ,

De son grant mal gari se treuve ;

.XX. ans vescut , mist mein à l'euvre.

Sa vision ha racontée ,

Le roy la chose a commandée ;

Donc saint Wagnen fist l'abbeie ,

Si comme li dist sainte Eulalie.

La Trinitei regracia

Qui tel chose commis li a.

Là crurent ses devocions ,

Quant sont les apparicions

Du tronc, du cherf, dessus escriptes,

Du pèlerin , des verges dictes ,

Trois tant bêles du tronc naissantes ,

La Trinitei senefiantes ;

Son édifice termina

Et puis ses jours en Dieu fina.

i58 ABBAYE DE FÉCAMP.

Comment les religieuses dames furent niartires de pcaens et le lieu destruit j et puis repari par le duc Guillaume ; et comment vint tAngre qui offrit le coutel et Jist le pas.

MOUT dans nonneins à Fescamp furent , Puis vint que Sarrasins coururent Tout le pais et Fabitèrent ; Les saintes Vierges martirèrent Donc lez cors sont en leur chapele , Chapele à Vierges on l'apele.

Puis celle gent fut convertie.

U tens Roi , duc de Normendie.

. Si fut le saint lieu réparei Quant de païens fut esparei.

Le bon duc Roi que on reclaime Out un bon filz , le duc Guillaume, Qui vout le lieu rédëfier.

Quant vint au monstier dédier Evesques furent en l'yglise, Prestres , clers , gens de toute guise j Lors mervelles sont avenu :

Un pèlerin est là vertu Qui sembloit bons de révérence , Mez angre estoit en existence.

Dessus l'autel mist un coutel ,

Onques coutel ne vit hon tel ,

Quer Dieu le fist , non pas nature.

Ou manche avoit ceste escripture :

In honore sancte et indmdue Trinitatis.

Quand devant tous l'ofFrende out faite

Et devant tous fet sa retraite ,

Sus une pierre s'esleva ,

Son pié si en la pierre va

Qu'au ci comment en mole chose ,

En la pierre remeinst enclose

La fourme d'un pié, la semblansci

Pour lesser du fet souvenance.

Lors devant tous sensiblement

Vers le chief fist département.

Explicit Rotulus per ducem Ricardum cum Sanctis

reliquiis repertus,

CÀi ensiei^ent tacroissement du lieu de Fescamp par le premier duc Guillaume , et par son filz duc Ricart , dit Père dez Moines.

Du duc Guillaume descendi Le duc Richart qui moût tendi A poursuir l'entencion Du père et la dévocion.

leo ârbâye de fëgâmp.

Au Tronc trouver mist diligence Pour faire au saint Sanc révérence , Et Tezleva de l'où estoient , D'un lieu que poi de gent savoient Sous un autel non deuement , Et puis le duc moût sagement Le Tronc en .ij. pars devisa :

La part où le Sanc avisa Dehors retint et l'autre a mise U fondement de ceste yglise.

Einci retint-il pour mémoire Le pas donc est devant l'ystoire.

L'autre part fist semblablement De l'yglise le fondement ; Quer quant le lieu vont essauchier , U fist l'église sourhauchier, Grandi tours, muers et fondement Et de tout autre acroissement Qui fut au lieu appertenant Encor apert bien maintenant Au biau moustier que chi fist faire.

Ches Richart fut de noble affaire Et tant hardi de cuer et seur Que il estoit dit Richart sans Peur.

Son filz Richart chi mist les moines ,

POÈiMIB SUR LE PRÉCIEUX SANG. 161

Quer devant avoit clii chanoines.

Moines ama , c'est chose clère,

Pour quoy fut dit des Moinez Père.

Chest Richart dit derreinement

Doua cest lieu tant grandement

En rentes , en possessions ,

Franchises , jupidicions ,

En bois, manoirs et seigneuries,

En prés sus mer et baronnies ,

En tout tenir si noblement

Comme le duc semblablement ,

Quer chest heu sont en veritei

Esleu de Sainte Trinitei.

Et" le cuer as moines avoit ,

Y au saint Sanc que chi savoit.

Si lour donna tellez franchises

Comme il povoit en toutes guises ,

Es dons des choses dessus dictes,

Pour estre par tant es mérites

Des moines et de la soufrance

Dont chest saint Sanc fait remembrance ,

Comment pour nous fut mort jadis

Jhesus qui nous doint Paradis.

ExpUcit Hyslona de Sanguine,

ie2 ABBAYE DE FÉCAMP.

JE ay rudement dicte Tysloire , Mez fermement la devon croire , Quer saintes gent Tont approuvée Et miracles l'ont confermée ; Devant le sanc donc merchi crie ^ Tu qui ceu lis , et pour moy prie.

Une autre fois, se je ay espace, Je diray de la dédicace Et du temps que il y out chanoines, Et des queil temps y sont les moines ; Des mervelles puis avenues Et pour le sanc u lieu véues, Que Dieu fesoit appertement.

Par quoy je say certainement Que en chest saint sanc croire je doy.

E miracle du Sanc qui est en la fiole de cristal.

Comment cest le plésir de Dieu que il ait du sanc de Jhesucrist vers les parties dOcidenty u saint lieu de Fescamp. ,

ANT ha la Sainte Trinité Plesir de grant auctorité ,

POÈME SUR LE PRÉCIEUX SANG. i(S(

Que son plesir tous devon fere Et son plesir à tous doit plere ; Quer moût est mal entalenté Qui fait contre teil volenté , Comme cheli qui voult soustraire Une goûte du sainctuaire Du sanc de Fescamp précieux Que le Roy du ciel glorieux Y a transmis de sa plesance y Et fet là tant de demonstrance Et tant de signes évident A tout le peuple d'Occident , Qu'à Fescamp il avoit esleu Et de son plesir bien pourveu , Ou de son sanc voult transporter Pour le dit peuple conforter Qui ne povoit aler requerre Le sanc Jhesu ne la souffrance.

Pour tant es parties de France Du Diex est en amour et creinte; As gens loing de la Terre Sainte Dieu a tant monstre par grant signes Son sanc, son lieu de Fescamp dignes Que il veult le saint lieu estre amei

iU ÂBBÂYE DE FÉCAMP.

Et son sanc u lieu reclameî.

Nous en avon maint essemplaire

Dont un s'ensuit que Dieu voult faire ,

L'an mil' et CC. si notoire

Que il est biien digne de mémoire.

Comment le Moine roba un poy du sanc de Fes* camp et de F os du bras de la Magdaleine,

GAUTIER un homme séculier^ A Cistaux se fist régulier, Et fut moine de l'abaïe Comme convers et sans clergie , En muant en religion Mondeine conversacion.

Avint que Testât l'ennuia Et. que son ceur tantôt mua, Quer pour vivre plus crassement Froissa chu premier serement; Dévocion n'est héritage A gent qui ont le ceur volage* Après fist tant par grans personnes , Croire à Fescamp que il fust ydones D'estre moine, si fut recheu.

Donc le couvent fut moût decheu , Quer un angre trouver cuidèrent Mez un faus et larron trouvèrent Qui devant sa profection Comme uns hons de perfection , Prist la crois d'aler outre mer; Mez nul ne sont si bien fremer Le sanc et lez saintes reliques Que il ne robast par ses apliques Un poy du sanc à queil que paine Et d'un os de la Magdalaine.

Quant il eut ceu tout seul pillié , Si a tant faint et subtillië

Que pluseurs gens de bon courage Vourent faire le saint véage.

Sy se mist en sa compaignie Deulz des moines de l'abbaïe, Un chevalier moult renommei , Godart des Vaus étoit nommei Et un sien filz nommei Guillaume , Nobles hommes bons et sans blâme.

Des pèlerins après trouvèrent , Mez ches quatre o Gautier alèrent.

IGfl ABBAYE DE FÉÇAMP.

Comment lez pèlerins eussent été mors se te morne neust recongneu et renvoie le sanc que il emportoit.

QUANT un chemin ensemble aloient Et de pluseurs choses parloient , Gautier si dist couvertement Au chevalier secrètement Que il avoit un grant sainctuaire, Sans H dire de quel affaire.

Quant il vit que la mer passoient Et que vers le milieu estoient , L'er et la mer si s'engroissèrent Que tous à la mort se cuidèrent.

L'er fut plain de vens , de nues La mer d'ondes haut eslevées ; L'un à l'autre se confessoient En teil article se sentoient.

Donques Godart mist à raison Gautier et dist : il est saison Que vous dies chi véritei; Nous sommes tous periclitei.

Je crois que Dieu est courouchié Vers nous pour aucun grant pêchié.

Vous m'aveis dit , bien le saveis ,

Que grans reliques vous aveis.

Penseis qu'à Dieu riens n'en desplaise

Et que Dieu le temps nous apese ;

A Fescamp avés demourei ,

Un lieu tant de Dieu honnourei

Que tant de corps sains y repose;

De son sanc , est certaine chose ,

Il y a , Dieu l'a bien prouve! ,

Et que il veult que il soit là trouvei.

Si sériés bien desvoiés

Et nous dignes d'estre noies ,

Se du saint Sanc emportiés

Et le saint li^u defTraudiés ,

Contre la plesance divine.

Lors Gautier vers Godart s'encline ,

Et recongnut en l'assemblée

Toute sa mauvèse pensée;

Que du sanc un poy pris avoit

Dont fors li nul rien ne sa voit;

Et le prist en pensée tele

Que il feroit une maisonchele

Oultre mer, quant i! y seroit,

Où le sanc aourer feroit.

Quer là pensoit le peuple attraire

Pour aourer te seinctuaire ;

Mes il vit qu'à Dieu desplesoit , Qui pour ceu tel temps lor fesoit.

A peine out son parler finei Que Ter fut cler enluminei , Et par devin commandement Lez vens , la mer soudeinement Tant apaisiés et si cois furent Que tous cleremênt aperchurent Qu'à Jhesu crist ne plesoit mie Oster du sanc de l'abaïe.

Godart donques Gautier pria Et requis humblement l'y a Le sanc et que il fust raportei Au lieu donc il fut transportei , En disant que Dieu le vouloit Estre à Fescamp comme il souloit :

Baillés le moy, je jureray Qu'à Fescamp le reporteray Et chel os de la Magdalaine , Se Dieu à Fescamp me ramaine.

Mes anchessours le lieu amèrent Et de patremoine donnèrent ; Si poveis bien apperchevoir Que je ne vous vueil dechevoir.

Gautier dist que point ne leroit,

Mes o soy le sanc porteroit.

Les mariniaux donc si parlèrent .

Et le sanc pour soy réclamèrent , Et forment vourent soustenir ' Que il lour devoit appàrtenir.

Lors après grant discucion Tous distrent celé opinion :

Le chevalier le sanc ara Et à son lieu le raportera.

Donques Godart publiquement Lor jura par son serement , .

Que quant à Fescamp revendroit Le seinctuaire au lieu rendroit ; Et quant ainsi tous l'acordèrent Paisiblement la mer passèreiit. .

Comment le saint Sanc garda de prise et de péril

cheli qui le raportoit.

QuAJiT outre mer eurent estei '.

Lez pèlerins et s'arrestéi Au Sépulcre, pour visiter Les lieus où Dieu voull habiter ; Et la terre eurent visitée Et puis la mer dechà passée ,

iro ABBAY£ DE FÉCAMP.

Avint quant eulz furent passeis

Et puis de cheminer lasseis.

Que moult de larrons regardèrent

Qui devant eulz le pas gaixlèrent ,

Et par dechâ \et espioient

Pour leur oster quanque ils portoient.

Donques Godart de Dieu apris,

Fist que son filz le sanc a pris

Pour les larrons adevanchier

Et garder le jouel tant cbîer,

Que sus Godart ne fust trourei.

Avint paa* miracle aprouvei ,

Que son cheval très traveillié

Fut à poindre très esveillié.

Quant devant tout seul l'avisèrent

Lez larrons prendre le cuidèrent ,

En pensîant que il portoit lor proie

Comme jovayx et la monnoie.

De poindre après li ne se faindrent,

Mez Dieu fist que point ne Tateindrent ,

Quer plus qu'asnes ne se mouvoient

Lor chevaux que ilz esperonnotent.

Et le sanc que cheli portoit

En tout péril le confortoit.

Lez lanrons donc si vetoumèreRt

POÈME sua LE PSliClEUX SANG. i7i

Ad pèlerins qu'eulz desrobèrent; Pluseurs navrèrent , un occirent Et tous lez autres bien bâtirent Qui en grant nombre ensemble aloient ; Mez les pillars plus fors estoient Qui tous leur biens ainci pillièrent Et point d'argent ne leur lessèrent , Donc tous furent moult désolés.

Mez Godart lez a consolés , Quanque il povoit et que il savoit , Penssant que riens perdu n'a voit, Quant le Sanc estoit demourei Pour qui tant a voit labourei, Par qui son fîlz ont teil victoire.

Lors tous au Sanc donnèrent gloire Et par les villes où passèrent Tous ces merveilles recordèrent.

Godart le Sanc pria humblement ; Depuis vindrent paisiblement A lor pais passant lour voie, Receus furent à grant joie.

172 ABBAYE DE FËGAMP.

Comment sire Godart dez Vaus rendi le Sanc et Vos de la Magdalaine à tabaïe de Fescamp.

QUANT à son pais fut venu, Godart pensa que il est tenu Au saint Sanc rendre à l'abbaïe.

Si vint o noble compaignie De segneurs qui Tacompaignèrenl ; Et semblablement rencontrèrent Le couvent à procession , O très grant congrégation De Fescamp et de la contrée Où partout fut jà publiée La venue du Sanc emblei.

Lors devant le peuple assemblei Le chevalier en haut monta Et les mirajcles raconta Fez à la terre et à la mer , Du sanc que tous devon amer , Lez chosez clii devant comprises.

Et puis lez reliques a mises Sus l'autel de la Trinitei , Présent celle communitei , En telle fourme raportées :

Que Gautier les out enchâssées

Le saint Sanc en cristal tellement,

Comme Wautier subtillement

Mist u cristal et u tenant

Où on le monstre maintenant.

L'os un vaissel bel et gent a ,

Einsi le mist et présenta

A Fescamp ou eulz sont encore,

A l'onneur du grant Roy de gloire ,

Qui règne pardurablement ,

Jhesus qui nous doint sauvement. Amen.

ATPENDICE.