CINQUIÈME LETTRE
« Guillemin Ponton, anciemant appelé le Normant, je ay auxjour-dui heu ta letre à bore de tierce, comme mandé t'avoye, qui est le xxiir jour de jenvyer à Saint-Esperit , là ont et je estoye venus, ainsi comme te avoye mandé pour oyr se que tu me voudroyes demander et de ce que tu me mandes que je te sui tenus en la somme de IIP" IIe L franc et V chevals ou Ve franc et II draps de soye , saches que de ce que tu dis que je t'ay promis de toy payer la somme dessus dite , je dis que tu mans. Toutes foys ills est bien vray que ills te fut promis à part I cheval de la somme de G florins L franc et demie piesse de satin dont tu sces bien que tu ne fasoyes loyauté ne prodomie à tes companhies, laquele chose je ne say se Bussy t'a payé. Toutes foys se les choses que te furent promises à part ne te ont esté payées je sui tout prest de fere ce que ung prodon doyt fere pour rayson. p]t quant est de ce que tu dis que je estoye aux lieux et plasse ont furent mors les companhies, ills est bien vray que je estoye au chastel de Graniham. Toutes foys si tu vues dire que je en sceusse rien ne en feusse consent, je disque tu mans faussement et mauvaisement, comme faux et mauves que tu est du dit. Ains me desplest encore, et de cessi m'en deffendray devant le Roy ou devant léun de nous seigneurs ou devant monsieur le gou-
verncur du Dauphiné (1), toutes foys et quantes fois je en scray requis.
» Escrit au Pont-Saint-Esperit le xxim de jcnvyer.
» Guillaume Dautun. »
sixième lettre.
« Guillaume Dautuo, je ay receu ta lettre en que tu me mandes que se je vuel dire que tu me soyes tenus en la somme de III"' IIe et L franc et V chevaux ou Ve franc et II draps de soye, à cause de la vuide de Granihan que je mans. Je di que lu mans faussement et mauvaisement , quar tu me as promis de ta main à la mienne , pour la foy et sceremant de ton corps et juré sur bonnes matines et sur peine de estre réputé pour faux el traître et foy menti , comme je te ay mandé pour mes autres letres , de moy payer les choses dessus dites bien et loyalement el que je te puesse diffamer en toutes parts comme faux et trait re et foy menti. Et cessi je te mantendray pardevant le Roy mon souveyrain et le tien ou devant ung de nos seigneurs , ou devant monsieur le conestable ou devant l'un de nos seigneurs les marescals. Et quant à ce que tu me confesses par ta letre que tu estoyes au chaslel de Graniham là ont le murtre fut fait de mes companhies, tu dis vray que je say bien que tu y estoyes, et à toy estoyt baillé le chaste! et mes companhies en garde comme à celuy qui nous avoyt promis de nous garder nostres corps et nostres biens et nous condure sauvemant et seuremant là ont nous voudroyent aler. Et cessi je te dis et mantendray devant le Roy ou devant ung de nos seigneurs dessus nommés , que sur ta seurté el fiance et en ta présence mes companhies furent tué et murtrit faussement et mauvaisement. Et si te despleust tant que tu dis la mort de mes companhies, ills estoyt bien eu ta puissance de les en garder. Pourquoi je le requicr que tu as volonté de toy deffendre de ceste chose, que lu ne me menés plus par paroules , quar je suis tout prest de aler devant ung de nous seigneurs dessus dits, ou autremaat je te dilfameray, ainsi que je doy, pour les convenences que tu me as promis. Et de cessi tu me fay responce tantosl.
» Escrit à Baigneux le xxvr jour de jenvyer.
» Je di ainsi que pour abrenger même besongne et pour que nous sommes plus près de monsieur le conestable que du Roy, ne de nous seigneurs, je le prent pour juge, dever lequel je te requier que tu vuelle venir : et de ce me fay responce. Donné comme dessus.
» Guillemin Ponton, alias Nonnant, »
i Jacques, seigneur de Montmaur , VII* gouverneur du Dauphiné, nomme le !•' avril 1891.
