ACTES CONCERNANT L'ABBAYE DE MONTIERENDER

Dou bois qui est davant Vile en Blesois.

Je Jehans, sires de Joinville, sencschauz de Champaigne, faz savoir à toz cels qui ces lecttres verront, que cil de Vaux et de Ville-en-Blesois se plaintrent à moi que l'abbes de

(1) 21 septembre 1310.

(2) Saint-Urbain, 25" liasse, 2e partie. Dans ce document, de même que dans celui de Tannée 1309, ci-dessus transcrit, on voit que Louis, depuis roi de France, ne prenait encore que le titre de roi de Navarre et comte de Champagne, du chef de sa mère. Son père Philippe-le-Bel ne mourut que en 1315.

Montier-en-Derf lor voloit tort fere de un bois que on appelle Les Minières, qui est davant Vile-en-Blesois, que il lou vouloit charbonner et vandre à sa volante. Eil disoiet que il nou povoit faire, ans lor vouloit faire tort. Pais en fu faite devant moi par la volantei l'abbei e lou couvent de Montieren-Derf e par la volantey les hommes des devant dittes villes que l'abbes de Montier-an-Derf e li convens vanderoiet la moitié de cel bois et charbonneroiet et feroiet à lor volentey, et l'autre moitié ne porroiet ne vandre ne charbonneier jusque tant que celle moitiés de cel bois que il averoiet vandue et charbonnée et faite lor volantei feroit si grant revenue que on en porroit marrien faire, por faire maisons sans tereiez, et sans pos. Et quant cil bois feroit si grant et si gros revenuz, il porroit celle partie qui seroit demorée vandre et charbonneir et faire lor volentey; et lo bois averoit estey darriens coupez, il ne reporroiet ne vandre ne destruire le premier; jusque tant que cil bois darriens qui seroit darriens coupeiz, reseroit teilz que on en porroit marrien faire por faire maisons sans treiz et sans pos (1). Et li signorie eli bans e li justi se demourre à l'abbei et au convent et au chamberier et a lor gens autres, si cum il estoit devant. Et li hommes des villes davant dites sont anteil droiture où il avoient avant; Et ansins cum il est devisé dou devant dit bois lo fera on après l'autre à touz jors.

En tesmoignaige de laqueil chose Madame ma mère et mes sires de Guill. de Saille mes oncles ont panduz lors seels en ces lettres à ma requeste. Et quant je venrai à terre tenir, je i metterai le mien seel. Et ce est estei fait à la requeste de l'abbei et du convent de Montier-an-Derf et de cels de Vauz et de Villc-an-Blesois, an l'an que li milliaires cort mil ce e xl et m, en mois de mai (2).

(1) Ces mots peuvent signifier que le bois sera assez-fort pour permettre d'en tirer des bois de construction, à l'exception des poutres et poteaux.

(2) Cartul de Montiérender, 1. 1, f° 74.

Des Battuires qui sont juocte Doulevant le Petit.

Je Jehans, sires de Joinville, seneschauz de Champaigne à touz ces qui verront ces lettres salut et amor : Je vos fas savoir que Lambert, li fîz sire Andreu de Corcelles, ai requenui en ma présance que il n'a part en batuires, lesquex sont faites au noef molin entre Dontlevant le Petit et Susainmont» et si sont faittes por Pabbéi de Montier en Derf. Et por ce que je ne autres, por anchoison de Lambert, ne puisse aucune chose réclamier en ces devant dites batuires, je devant dit Jehanz a donné à l'abbéi de Montier an Derf lettres saelées en sael Madame ma mère. Et ces lettres furent faites en l'an que li milliaires corroit par l'an mil et douz cent et xliiii ans, ein mois de décembre. » (1).

Auberti militis de Raigecort.

Je Jehanz sire de Jainville et senechauz de Champaigne, fas à savoir à touz cex qui ces présentes lectres verront et o liront que Messire Aubert, chevaliers de Ragecourt, ai recogneu pardevant moi que il doit chacun an à touz jors, pour lou deme de son charnage, liquelz li remaint de son père et de sa mère qui siet au finaige de Ragecort, à l'esglisc de Saint Père de Montier an Derf, demi mui de bief a la mesure du petit boisse de Waissi, moitié froumant, moitié avoine a panre chascun an en sa grange de Raigecort, ou tans de la

(1) Ibid. 74. v°. Doulevant le Petit et Suzémont, canton et arr. de Wassy. Si l'on rapproche cet acte de Tannée 1244 de celui qui précède, de l'année 1243,on remarquera qu'ils ont été revêtus du s:eau deBéatrix de Joinville, mère de Jean, par ce motif qu'il n'avait pas encore atteint sa vingt et unième année, époque de la majorité féodale. Nous y trouvons une raison de plus de fixer la date de la naissance de Jean à l'année 1223.

Saint Rémi, qui est ou chief d'octambre. Et se il n'avoit en sa grange tant de bief, li comandement l'abbei de Monticr-an- Der pranrait loudi bief en la misson après, sour les terres doudit charnage, quiconque les gannast. Et ceste chose ai faite lidis Auberz, chevaliers par Ion lous et par l'otroi de Johannot, son fil. Et por ce que ceste chose soit ferme et estauble, ai je seelées ces lectres de mon seel, à la requeste doudit Aubert et de Johannot son fils que li fÎ3z meut de moi, en l'an de grâce mil et ce et sixante et douz, en mois de Mars (1).

La vendue Raoulin de Trivère, qu'il fît à Vabbè de Montier-en-Der.

Je, Jehanz, sires de Joinville, seneschaux de Champaigne, et je, Wiarz de Noujant, bailliz de Chaumont, et je, Girars, prévoz de Fine, faissons savoir à touz ceux qui verront et ouïront ces lectres que, en nostre présence estaubliz pour ce, Raoulins dit Nainz de Trivière a reconeu par devant nous qu'il ait vendu et aquité, à touz jours perpétuelment à l'abbé et au convant de Mostier an Derf quanque il avoit et avoir povoit et devoit à Epoutoimont et ou finaige doudit leu, en homes, en rantes, en issues, en censés,, en possessions et en toutes autres choses queix que eles soient, pour quarante livres de pruevissiens fors, desquex deniers li davant dis R. se tient à paiez entièrement par devant nous en argent sec. Et promet lidiz Raolins por sa foi donée corporelment en noz mains que il encontre ceste van due et ceste quitance ne vanrai par lui ne par autrui desor en avant, ne ne pourchacera que autres i vaine ; ançois est tenuz a pourter bone garantie et loial à l'abbé et au convant devant dit envers tous ceux qui à droit en vourroient venir aux us et costumes de Champ. Et est assavoir que en nostre présance estaubliz pour ce

(1) Ibid. i° 74, v°. Ragecourt-s-Blaise, canton et arr. de "Wassy,

Messires miles de Saint Amanz, chevaliers, de cui lidiz Raolins tenoit en fié et en homaige les davant dites choses, ai loé et otroei la devant dite vandue, il et Aubers et Pierres li clers si fil, et Messires Jehanz de Til, chevaliers, de cui ceste chose devant dite' movoit d'arrié fié, il et Johannez ces fil. Et promettent en bone foi par devant nous que de ci en avant il ne demanderont riens ne réclameront ne feront réclamer ne demander en toutes ces choses davant dites. Et en tesmoignaige de ces choses, nous avons saalées ces présentes lecttres de nos sceaux, lesquelx furent faites à Dommartin lou Franc, en Fan de grâce mil deux cens et sexante trois anz, en mois de janvier (1).

Règlement pour le prieuré du Val d'Osne, arrêté entre le sire de Joinville et l'abbé de Molesme.

A tous ceux qui ces présentes lettres verront et orront, Thiebaut de la Fontainne, garde du seel de la prévosté de Waissy, salut, saichent tuit que l'an de grâce mil quatre cens et quatorze, le derrenier jour du mois de Janvier.... et Jehannin de... Denys (?) tabellions jurez, establiz ad ce faire de par le Roy N. S. en la chastellenie dudit Waissy, virent, tinrent et diligemment lurent de mot à mot deux paires de lettres saines et entières de seels et escripture, c'est assavoir l'une de feu hault et puissant seigneur Mons Jehan, seigneur de Joinville et séneschal de Champaigne,seelées de son seel, pendant a las de soye vert, et l'autre lettre donnée de feu dame Ysabeaux, jadis prieure duValdonne et du convent d'illec, seelées en double queue de parchemin des seels de feu Révérend Père en Dieu,, frère Adam, !jaidis abbé de Saint-Urbain , et dudit seigneur de Joinville, et si y avoit une double queue de parchemin au bout des susdites lettres qui apparoit ancienne-

(1) Ibid. f° 77, v°. — Epothémont, canton de Soulaines, arrondissement de Bar-sur- Aube (Aube).

ment avoir esté seelées, et n'y avoit cire ne seel, si comme de tout et par l'inspection des dittes lettres apparoit ausdits jurez et desqueles la teneur s'ensuit :

Je Jehans, sires de Joinvilles et sénéchaux de Champaigne, fais savoir à tous cex qui verront ces letres que Guillaumes, abbés de Moloimes, et tous li couvens de ce mesme leu, ont establi par mon accort et et par mon assentement, an cui garde et en cui ancerie (1) la maison du Vaul donne est, et ordené pour la réformation de ladite maison, en tel manière que dui moine de Moloismes demourront en ladite maison dont li uns est prieux, pour amministrer les choses espiritex léans au leu de l'abbé; et li dui moine n'auront nul povoir léans en chose temporex qui appartiennent à la devant dite maison, fors que en leur terre qui leur est establie pour leur vivre, si comme il est establi en ces lettres, cest assavoir que lidi moine auront perpétuement chacun jour deux miches tex con les nonnains les panront, et les quatre muys de vin que les nonnains ont accoustumé à panre chascun an au pressoir au seigneur de Joinville, et quarante livrées de terre à provenesiens qui leur seront assises par l'esgart de deux preudommes juré, selon ce que on assiet terre en Champaigne, pour leur vivre à tous jours, franche de charge de dette et d'autre nouvelle charge et de toute procurations, subventions, exauccions de juges espiritex et temporex quelque il soient. Et les nonnains paieront toutes ces choses à la procuracion l'abbé et ses messaiges qui porteront ses lettres pendans. Et ceste assize doit estre loée et estroiée des arcevesques et des évesques au cui dyocèse la terre sera assise. Et auront li dui moine leur usuaire an tous les bois où les nonnains de ladite maison ont usueire on auront, sans vendre et sans donner, fors le bois de Vaudrehex ou les nonnains ont leur usueire à un asne pour affouer, auquel bois li asne et li sergens qui amanera la bûche- aux nonnains amanera tous jours mais, chascune semaine le venredi, bûche pour les moines affouer, tant com li jours durra an tel manière comme il amaine pour les nonnains. Et au bois qui sont du domaine de la maison,

(1) Le copiste a peut-être mal lu le mot avouerie. Ancerie peut signifier possession immémoriale pour ancesserie ?

li dui moine pranront ce que mestier leur sera sans vendre et sans donner, et auront lidit moine leur usueire au courtillages de maison et une partie des jardins qui sont dedens les murs de la pourtenite de leianz et à lacort des seigneurs de Joinville et des abbez de Moloisme. L'amministration de la maison sera baillé à un preudomme que li seigneur de Joinvile et li abbé de Moloisme eslironten bonne foy, convenable à la maison. Et li mestre et li oster sera à la volenté des seigneurs de Joinvile et des abbez. Et se li seigneur de Joinvile et li abbé se descordoient de mettre l'ammistréour, chascun de lour dues escriroit an parchemin le nom de celui que il y vourroient mettre, et ces deux escroées où cil dui nom seront escrit, il anclorront an deux morceaux de cire, et les bailleront à un homme cui que ils vourront, et cil sera amministrières cui moncel il parra ou ses noms sera escript.

Les normains seront ancloses perpétuement en la manière que les nonnains de Montargis sont. Les propriétés seront mises en commun. Nulle dame ne sera receue en la maison à nonnain jusques à tant que li compte d'elle sera à trante au moins, et di qui en avant, on y recevra et mettra soulon lo povoir de la maison, ainsi comme l'an on a usé.

Et cil des seigneurs de Joinvile et des abbés de Moloismes qui voudroit oster Famministreour sans l'acort de l'autre, ne lan pourroit oster se il ne monstroit ou provoit raison pour que il lan convenist oster. Et pour ce fere, li seigneur de Joinvile et li abbé de Moloismes ou leur commandement assambleroient en la maison devant-dite.

Li dui moine cuiront et moudront au four et au molin de la maison franchement, sans paier fournaiche ne moture.

Et ces choses je Jehan, sire de Joinville, pour moy et pour mes hoirs, ay promis à tenir et à garder en bonne foy, et li abbez et li convans de Moloismes ainsin, sauves les droitures aux abbés de Moloisme esperitex et temporex, et sauves les droitures à moy et à mes hoirs de cui garde ne de cui advoerie li abbez ne li convens de Moloisme ne puent gitier ladite maison ne les membres qui sont en la chastellerie de Joinville.

Et se li seigneur de Joinvillle faisoient tort à la maison qu'il ne voulsissient adrecier ne deffaire, li abbé de Moloismes, après ce que il leur auroient (requis ?), auroient recours au

seigueur de Champaigne pour oster le tort à leur rcquestc :

Et se li seigneur de Joinvillc ou li abbé deMoloime voieent aucun bon establissement prouffitablo à la maison, il lou pourroient establir.

Et li seigneur qui tenront Joinville ne puent oster de leur garde la maison ne les membres, ne l'abbez ne li convans de Moloisme ne se puent plaindre au seigneur de Champaingne de chose que li seigneur de Joinville facent à la maison devant dite ne aux appartenances, jusques à tant que li seigneur de Joinville leur soient failli de droit.

Et li ammistreour conteront par devant les seigneurs de Joinvile et les abbez de Moloismes chascun an a leur requeste de l'ammistration de la maison ou pardevant leur commandement.

Et pour que ces choses soient fermes etestables à tousjours, je Jehans, sires de Joinville, devant dis ay saalé ces lettres de mon seaul, lesquex furent faites et saalées à Moloimes, en plain chapitre général, en l'an de grâce mil deux cent cinquante et oit, landemain de la Nativité Nostre-Dame, au mois de septembre. »

Item, nous Isabeaus, etc.

En tesmoing de laquele chose, je Thiébaus etc.. (1).

ACTES EXTRAITS DU CARTULAIRE DE Sl-LAURENT DE JOINVILLE.

Lettre de X sestiers de Ueif au ierrage de Gondrecourt.

Je, Jehans, sires de Joinville et sencschaux de Champaigne, fas savoir à tous que li doiens et li chapitre de Saint-Laurent

(1) Archives de la Côte-d'Or. H. 251. Plusieurs actes de Jean, sire de Joinville, sont simplement mentionnés dans un inventaire du même fonds sous la date de 1248, 1254, 1256, 1267, 1289, 1303 et 1304, tous concernant le Val-d'Osne.

de Joinville ont eschangié à mon frère de Trichatel et à Marie sa femme , qu'on appelé Symonete, en lor nom et à lor hoir à touz jours, le four de Gondrecort-la -Ville por X sestiers de bleif, moitié froment, moitié avoine, lequeil il planta ou triage de celé mesme ;vile, dou premier qui en lèvera, et s'il ne le valoient, il le paroient en autres rentes de celé vile meismes. Ce fu fait quant li milliaires corroit par mil ce et xlvii ans au mois de joing (1).

Lettre de l'anniversaire le doyen Guillaume, de ce qu'il acquist à Charmes en l'angle.

Je Jehans, sires de Joinville et seneschaux de Champaigne, fas savoir à tous cex qui sont et qui seront que Guillaumes, mes frères, doyens de Besançon, a donnée et otroié à l'Eglise Monsignor Saint-Laurens de Joinville, en deu et aumosnes, et por son service faire à Same dou Saint-Esprit, et après son décès, de requiem, par mon los et par mon ottroi, tout ce qu'il acheta en tous preus et à champ et à ville, c'est assavoir en triages, en jardins et en toutes autres choses à Madame Héluy Mignon et ses hoirs à Charmes en l'angle. Et por jee que ceste aumosne soit ferme et estable, je et mes frères disusnommez avons mis nos saels en ceste présente lettre. Ce fu fait l'an de grâce m ce et lxi, en mois d'octobre (2).

(1) Cartul., de Saint-Laurent, n° iv. Bien que cet acte aif été publié par M. Champollion, j'ai cru devoir le reproduire, à raison de son importance. Il prouve que Marie de Joinville, sœur de Jean, n'a pas épousé le dauphin de Viennois, mais bien Jean de Trichatel. Gondrecourt, chef-lieu de canton, arrondissement de Commercy (Meuse).

(2) lbid. n° v. Charmes en l'angle, canton de Doulevant, arrondissement de Wassy.

Lettre de quarante doits sous que on a es arpans de

JoinvUle.

Je Jehans, sires de Joinville, seneschaux de Champaigne, fas savoir à tous cex qui ces lettres liront et oiront que li doiens et li chanoines de Saint-Lorant ont chascun an xlii livres es arpans de Joinville à recoire des premiers deniers qu'on lèvera chascun an, c'est assavoir xn livres par mon frère Monsignor Jefroi de Joinville, signor de Vauquelour, que je li dévoie asseoir, et li chanoine de Saint-Laurent doivent faire le service ledit Jofroi, chascun an, en l'église, et à sa mort et à sa vie ; et xv livres qu'il y avoient anciennement, dont il avoient les lettres de mes devantiers, et xv livres que je lor a donnez et ottroiez à touz jours, pour un tortiz que on doit alumer chascun jor, quant on doit lever Corpus domini à la grant messe, dès que le Sari et us sera chantez jusque après la lévation. Et por ce que ce soit ferme chose et estable à touz jors perpétuelment, je ai saelées ces lettres de mon sael, faites à Joinville, en l'an de grâce mil ce et lxvi ans, en novembre, par la main mon signor Guillaume, mon chapelain (1).

Lettre de un homme que Saint-Laurent doit avoir à

Joinville.

Je Jehans, sires de Joinville, seneschaux de Champaigne, faz savoir à touz que comme discorde fust entre moi, d'une part, et le doien et le chapitre de Saint -Lourans de Joinville d'autre part, sur ce que lidiz doiens et chapitre disoient que Jehans de la coste de Joinville et sui fillastre, li enfant de Hersenette sa femme estoient lor homme , por faire le service de l'église Saint-Lorant;

(1) Ibid. n° xiii.

et je disoie qu'il estoit mon homme taillable. A la parfin, par conseil de bonnes gens, et par Pamor de Deu et de mon signor Saint-Lorant, je lor ai donné et quitté le devant dit Jehan de la coste pour sonner les cloches et por aus garder à la prison (?) et porginischier et nestoier le mostier Saint-Lorant, et Hersenete, sa famé, frans et quites. de mon service, toutes lor vies, en tel manière que, quant il défaura dudit Jehan par mort ou par non puissance je et mi hor sommes tenus à bailler l'un des hoirs ou autre souffisant à faire le service de l'église a touz jours mais, toutes les fois qu'il défaurait par mort ou par non puissance, si comme il est dessus devisé,jfranc et quitte de mon service et de mes hoirs. Et pour ce que ce soit ferme chose et estable à touz jours, je ai ces présentes lettres fait saeler de mon sael, en Pan de grâce mil ce imxx et 1 ans, ou mois de juillet (1).

Jean approuve la transaction passée entre l'abbaye de

Moles?nes, représentée par le prieur de Vaucouleur

et Jean, seigneur de Vaucouleur.

A tous ceus qui verront et oront ces présentes lettres, Colars d'Andelou, clers-garde dou scel de la prévostei d'iceleu, salut. Sachent tui que Messires Jehans Bource-trovée, prestes, et Joffrois Marcels d'Andelou, tabellion jurei nostre seigneur le Roy, en la Chastellerie de Montesclaire et en ressort d'icelle, à ce faire estaubli, ont veu et tenu, et de mot à mot leu unes lettres saines et entières, non rasées, ne cancellées, ne en aucune partie d'icelles, corrompues et sans nulle suspection, seellées du scelz de hautes et nobles personnes, Monsignour Jehan de Jainville, signour de Vaucolour et Monsignor Jehan, signour de Jainville, chevaliers, contenant la forme qui sensuit.

A tous ceulx qui ces présentes lettres verront et oront, Jehans de Jeinville , sire de Vaucolour , salut en notre

(1) Ibid. n° xi.

signour , sachant tuit que comme je meisse empeschement en l'usaige que li prieux de Vaucolour , ha en la Weivre et en sa part dou paisnage de la dite Weivre, item en sa part de la pescherie de la rivière de Vaucoulour, item en la baisse jastice que lidis prieur dit lui avoir sur ses hommes demorant en la chastellerie de Vaucolour, lesquelles choses appartiennent au dit prieur pour la raison doudit priorei de Vaucolour, et liquelz prioreis appartient à religieuses personnes et honnestes, l'abbey et le convent de Moloimes en la diocèse de Laingres , pour raison dou monastère de Mouloimes , et li prieurs doudit prieuré de Vaucolour m'eust plusieurs fois requis, en non desdits abbey et convent, auquelz li di prioreis appartient pour raison dou monastère de Moulesmes devant dit, que les dis empeschemens jeli ostace, lesquelzjeli faisoie novellement, et en corrumpent ses Chartres sur ce faictes, et en lui déboutant de sa saisine, laquelle il et les sui devancier avoient tous jours maintenue au titre des dites Chartres; et je proposasse plusieurs raisons au contraire, par lesquelles je disoie que je povoie et dévoie faire ce que je faisoie, non contrestant les Chartres doudit priour et l'usage dont il se ventoit. A la fin je etli dit religieux, dou conseil de bonnes gens, et pour osteir tous plais, avons accordéi en la manière qui s'ensieut, c'est assavoir que lidis prieurs usera des orendroit en avant, sans empeschement que je ne mi hoir ne cil qui averont cause de moi, li mettiens ne puissiens en ladite Weivre pour édifier en la manière qui est contenu en sa chartre. Et pour sa partie du paisnage, li dis prieus pourra mettre en la dite Weivre, en temps de paisson, c'est assavoir dès le jour de la feste de Saint-Remey en chief d'octembre jusques à Karesmes-prenant, vint et cinc pors pris en sa norrisson ou aultre part là où il li plaira, et li dit terme passoi,li dis prieurs pourra envoier sens contredit en la ditte Weivre, tous ses poxs de sa norrisson pour pasturer avec ses lestes, si comme sui devancier ont fait et accoustumé.

Itum lidit prieurs aura sa neif et son pescheour en la rivière de Vaucouleur, liquels peschierres pourra appelleir un garsou avec lui en la neif pour lui aider à peschier à son besoin, et en usera en la menière que mi pescheur en useront. Et pourra faire peschier par l'nn de mes hommes et par cui qu'il voudra, quelque part où il voudra, à la moitié ou au

tiers ou au quint. Et pourra li peschierres audit prieurs faire de sa part sa volontei par vendaige ou aultrement. Et li dis prieus ne pourra la soie part vendre, mais la despeudra en son hosteil ou donra. Et je ne pourrai avoir plus de trois neiz en la dite pescherie, mais je pourrai faire de la pescherie toute ma plainne volontei, comme sires dou lieu.

Et est à savoir que je aurai perpétuelment en héritaige tous les hommes que ladite prie'ureis de Vaucoulour ha et puet avoir en toute la chatelerie de Vaucoulour et es appartenences, en quelque menière que ce soit. Et pour ce aura li dis prieus sexante soûls de monnaie coursanble en Champaigne et quinze rezaulz d'avoine, liquel sexante sols seront pris sur la vente de Vaucoulour, c'est assavoir de Pasques trante soûls, et à la feste saint Remey, en chief d'octembre, trente soulz; et lidiz quinze resaul d'avoine seront pris sur le four de Tusey à tousjours mais en héritaige. Et en ai pour ce obligié ausdis religieus ma vente de Vaucoulour et ceulz qui la tenront, et mon four de Tuisy et ceulz qui lou tenront, pour paier audit prieus ou à son commandement, chaucun an a tousjours mais les dis sexante sous et les quinze résaulz d'avoine aus termes dessus dis, et toutes mes autres ventes de bleis et de deniers, se la dite vente ou li dis fours défalloient ou.déchoioent, par quoi il ne souffeisissent à paier les choses dessus dictes. «Et se li ventiers ou li fourniers qui seront pour le temps estoient deffaillanz de paier audit prieus qui pour le temps sera les dis sexante soulz et les quinze resaulz d'avoine, chascun an aus termes dessus dis, li prieus qui pour le temps sera les pourra gagier ou faire gagier sens aultrui appelleir et a cui qu'il li plaira, se je ou mi successour, signour de Vaucolour en estiens défaillant, moi ou mes dis successour souffisemment requis desdis sexante soulz ou des quinze resaulz d'avoine, ou dou deffault ou des cous et des damaiges qu'il auront eus et encourrus pour la paie non faicte, et vendre et despendre les dis gages jusques au plain de sa paie dou principaul, des cous et des desmaiges. Toutes lesquelles choses lidis prieus tient et tenra en ma franche garde et de mes successeurs, signours de Vaucolour, avec la prieuré de Vaucolour et les aultres choses que il i tient. Et parmi ce lidit homme et tous li drois que li dit religieux y porroient et puent avoir demeure à moi et à mes hoirs perpétuelment.

Et pour toutes ces choses plus fermement tenir, gardeir et acomplir, je oblige et ai obligié as dis religieus espécialment ma vente de Vaucolour et mon four de Tusy, et tous mes aultres biens, et les biens de mes hoirs, présens et avenir, en quelque leu qu'il soient ou qu'il pourront estre trouvei, et promet à garentir as dis religieus toutes les choses dessus dites, et chaucune d'icelles envers tous et contre tous, en jugement et defors, et espécialment contre très-hault, très-puissant et très-excellent prince, lou Roy nostre Signour, et en oblige as dis religieus, moi et mes hoirs si comme dessus est dit. Et pour plus grant seurtai, je ai requis à très noble homme mon chier signour et mon chier oncle, monsignour Jehan signour de Joinville, de cui la dicte ville de Vaucolour muet, que il toutes ces choses weille confermeiret aggréer,et mettre son seel en ces présentes lettres avec le mien.

Et je Jehans, sires de Joinville, à la requeste doudit Jehan, mon chier neveu, signour de Vaucoulour, weil et ottroi et conferme toutes les choses dessus dites, en la menière que elles sont dessus escriptes. En tesmoignaige de laquel chose, je ai mis mon seel en ces présentes lettres avec lou seel doudit Jehan, mon chier nevou, signor de Vaucolour, que furent faictes l'an de grâce nostre Signour mil trois cens et quinze ou mois d'octembre.

En tesmoignaige de veritei, je, Colars dessus dis, clerc, à la relacion des dis jurés ai seellés ces présentes lettres dou seel de la prévosté d'Andelou et de mon propre seel en contre seel, sauf le droit le roi nostre signour et l'autrui, qui furent faites l'an de grâce mil trois cent trente et quatre le septême jour dou mois de septembre (-1).

(1) Archives de la Côte d'Or, H, n° 249. Cette convention a été acceptée pour le couvent de Molesmes, dès le mois de Juillet 1313, par Gui, abbé de de ce monastère. Thusey dépend aujourd'hui du bourg de Vaucouleurs (arrt de Commercy, Meuse).

Jean reconnaît tenir en fief dit comte de Bar la terre de Montier-sur-Sauœ et d'autres domaines.

Je, Jehans, sires de Jainville et séneschaus de Champaigne, fais cognoissant à tous que je tain de mon signor Thiébaut, conte de Bar, en fié et en hommage ligement Montiers-sur-Saut et les appandisses, et les forez et les bois de ce mesmes leu, la garde et l'abaie d'Escurei, ce que j'ai à Bioncort, à Ribaucort, à Juvinneis, à Buires, de mon patrimoine et de mon demoigne, et la garde de la terre que l'église de Saint-Michiel a es dites villes et en toutes ]es maisons et les granges d'abaies et de religion qui sunt es villes devant dites et es bans et justices des devant diz leus et toutes les appandisses de ces leus meismes qui sunt de mon héritage et que je tain en mon demoigne. Et de toutes ces choses devant dites, sui je hons liges au devant dit conte de Bar avant tous homes après le roi de Navarre, et quiconques sera sires de Jainville il doit tenir ces fiez desus només dou conte de Bar, et de ces fiez devant diz me doit estre aidans mes sires li cuens de Bar contre tous homes jusqu'à droit. Et parmi ces choses li cuens de Bar ne sui hoir ne puent retenir desus i ans nus des homes des fiez devant diz ne des gardes. En tesmoignage de laquel chose et pour ce que ferme soit, et estable, j'ai saellées ces lettres de mon sael, qui furent faites l'an de grâce mil dous cens et sixante trois ans, en mois de aoust, le jour de la Saint-Lorant (1). »

Vente des fiefs de Gérauvilliers et de Badonvilliers à Thibaut, comte de Bar.

Je Jehans, sires de Joinville et seneschax de Champaingne, fas savoir à touz cex qui verront ces lettres que je ai vandu et

(1) 10 août. Archives de la Meurthe. Boucourt, canton et arrondissement de Commercy. Ribaucourt, canton de Montier-sur-Saulx, arrond. de Bar-le-Duc. Juvigny, canton d'Ancerville, arrondissement de Bar. Bure, canton de Montier-sur-Saux (Meuse).

quitté, à touz jors, à monsegnor Thiébaut, conte de Bar, le fié que li sires de Gondrecort tenoit de moi entièrement à Gil'auvillers et Badonvillers pour huict vingt livres de provenisiens fors, des quex je me tieng à paie entièrement. Ce fut fait en l'an de grâce mil deux cens cinquante et six ans,en mois de septembre (1).

Jean, sire de Gondrecourt, ne peut rien mettre de son

fief de Gondrecourt hors de sa main sans la

permission du comte de Bar.

Je Jehans, sires de Joinville et seneschauz de Champaigne, fais scavoir à tous cels ki ces lettres veiront et oiront que Jehans, sires de Gondrecourt en partie, at crantei par devant moi et recognu qu'il ne puet ne ne doit oster ne mettre fors de sai mein quant qu'il at à Gondrecourt. ne aus apandises, ne an lai chastellerie de ladite Gondrecourt, se par le conte de Bar non. Et s'il avenoit que lidiz Jehans en fuet fors en aucune manière que puet avenir, li fiez de Demeinges que Jehans devant dit tient dou conte de Bar, et les apandises, vardes, arriervardes, fiez et quan qu'il vient dou conte devant dit et que on tient doudit Jehan revaindent audit conte de Bar quittement et sans nul reclain doudit Jehan et de se hoirs, fors que tant que messires Hanris,cuens de Waidémont i porroit revenir comme hoirs, et les tenroit doudit conte de Bar einsy comme cil Jehans et sui devanterien les ont tenu. Pour ce tesmoignier, ai saelées ces lettres de mon seel par lai requeste de Monseignor le conte de Bar, le conte de Vaidémont et Jehan devant nommez. Ce fui fast quant li miliaires corroit par mil dous cens et cinquante et eut ans (2).

(1) Arch. de la Meurthe. Gérauvilliers et Badonvilliers, canton de Gondrecourt, arrondissement de Commercy, Meuse.

(2) Id. Demange-aux-Eaux, même canton.

Vente au comte de Bar de ... livrées de terre qu'il devait asseoir à Gautier, seigneur de Reynel.

Je Jehans, sires de Joinville et seneschax de Champaigne, et je Aalis, dame de Joinville., fille mon segnor Gauthier, signor de Rinel, sa enarriers, faisons savoir à touz que nous avons vendu au noble baron Thiébaut, conte de Bar, pour quatre cens livres, desquelx nos tenons pour... livrées déterre que li cuens devoit asseoir au segnor de Rinel et teil compaingnie cura li devant... avoit à Guillaume de Dienville à Dehourville, nous li octroions et les hommes de Mandres que li... acheté à mon segnor Huon de Sorcey, qui estoient de nostre fié, nous li otroions aussi. Et... conte que nos acroicerons son fié dedans dix ans ci-après de douze livrées de terre... Et pour que ce soit ferme chose et estable, avons saellées ces lettres de nos saelz. Ce fu fait l'an mil deux cens et sexante trois ans, en mois de Joingnet (1).

Perrin de Bienville reconnaît qu'il doit garde à Gondre-

court si le comte de Bar constate que ce droit

lui est dû.

Je Jehans, sires de Joinville, et seneschaus de Champaigne, faz assavoir à touz que, en ma présence establiz, Perrins de Bienville, mes escuiers, reconeut qu'il veut et otroie que se li nobles biers Thiébauz cuens de Bar, trove par loul enqueste que lidiz Perrins li doie garde à Gondrecort, que il et sui hoir la paieront audit conte et à ses hoirs à Gondrecout, tout soit ce que lidiz Perrins ne l'an connoissoit mie la dite garde. En tesmoignaige de la queil chose, je, à la requeste ledit Perrin, ai ces présentes lettres fait seeler de mon seel, le jour de la Touzsaint,en l'an de grâce mil deux cenz quatre- . vinz deuz ans (2).

(1) Arch. de la Meurthe. Mandres, canton de Montier-sur-Saux,arrond., de Bar, Meuse.

(2) Ibid.

Jean et Alix ratifient au profit de l'abbaye d'Evaux toutes les acquisiions faites par ce monastère dans les domaines de Reynel, depuis la mort de Gautier, père d'Alix.

Nos, Jehans, sires de Joinville et de Rinel, seneschauls de Champaigne, et Aelix, sa femme, faisons savoir à touz que com li abbés et li convens de Vaus en Ornois de l'ordre de Citels, de Pesveschié de Toul aient acquestei en nostre terre de Rinel et en nos fiez, puis la mort de Monsignor Gautier, signor de Rinel, qui fut père à moi Aelix davant dite, quatre faucies de prei en ban de Sirefontaine, à dame Amengart, suer Joffroy lou clerc de la dite ville, desquels les dous soient on prei con dit à Gignonprei, et les autres douz atres on Bruillet, selonc nostre prei, avec les douz frotissez (pour fossés?) qui parfont les douz darriennes faucies; aprez,dix jours et demei de terre arable, on ban de Charcei, achetez à Joffroi de Sirefontaine, clerc desusnoumei; aprez, on ban de Limeiville, jour et demei à la mairie Branchie de Ane; aprez, douze jours en Reoulainne à Michelet de Charcey; aprez, un jour en Reoulainne au fil Jehan de Limeiville; aprez, un jour à Mainette de la dite ville; aprez, douze jours en Reoulainne de Thierrion; aprez, douz jours au Perrier fourchie; aprez, douz jours selonc Girbaudainne; aprez, une fauchie de prei en Reoulainne achetée à Joffroi de Limeiville; aprez, lou sezime d'une faucie de prei à Warnier, fil Perrin de ladite ville; aprez, une faucie de prei en ban de Limeiville que Arnous li Bons, de Mandres, avoit achetée à Michelet de Charcei; aprez, trente cinc resauls de mouture on moulin de Houdelaincourt, acheteiz de Warnesson de Jaulons, escuier, et à ces hoirs. Aprez, com lidis abbés et convens aient encor aquestei auvec les choses dessus dites, sept resauls de mouture on moulin de Baudignecort, et un resaul de froument es assises de ladite ville, qui lor furent aumonei de monsignor Guillaume de Baudignecort, chevalier, qui fut et de dame Mahaut, sa fille. Nos Jehans et Aelix devant dit, par Deu et en aumône, et por quarante douz livres et dix sols de bons provenisiens fors, desquels nos avons receu nostre plain paiement, en bonc monoie nombrée, baillée et délivrée, toutes les choses dessus escrites avons louées, otroiées et

confermées, louons, otroions et confermons audit abbei et convent à tenir à tous jours perpétuelment. Et lor avons aussi otroiei et confermei tous les héritaiges qu'il avoient acquis en fiez et en arrier fiez de Rinel, jusques au jour que mes sires Gautiers, sires de Rinel, nostre devanciers qui fut ala de vie à mort, sauf à nos et à nos hoirs, signors de Rinel la garde de en ces chozes desus escrites, avec la garde de Ormenson et de Weycort, et les appartenances des dous granges qui sont en nostre garde. Et je Aelix desus dite ai promis par ma foi corporelment donnée à tenir toutes chez choses ainsi com elles sont desus devisées fermement à tous jours. Et por ce que ce soit ferme chose et estauble à tous jours. Nous Jehans et Aelix devant dit avons mis nos saels en ces présentes lettres, qui furent faites et données en l'an de grâce mil dous cens sexante dix et oit, on mois de Décembre (1).

Transaction entre Jean, s. de Joinville, et Jean, s. de

Dampierre, qui contestait à son parent le droit

de faire flotter ses dois sur la Marne. Il prêle aie

sire de Joinville une somme de 1500 livres et,

jusqu'au remboursement, il sera dispensé

de l'hommage de Cnancenaij.

Je, Jehans, sires de Dampierre et de Saint-Dizier, fas savoir à touz qui ces présentes lectres verront et orront que comme Messires Jehans, sires de Joinville, mes cousins, vousist mener ses bois aval la rivière de Marne, parmi ma terre, et je ne le vousisse mies sofrir, par le consoil de noble homme, mon signour li comte de Flandres, mon oncle, et de nos autres amis, acors a esté fais entre nous et ledit monseigneur Jehan, seigneur de Joinville,seneschal de Champaingne mon cousin, parmi ce que je li ai prestei mil et cinc cens livres de petiz tournois, par tel condicion que il ne sui hoir tie puent oquoisonner moi ne mes hoirs de ces querelles dessus dictes, jusques adonc que il ou si hoir aient rendu et fait

(1) Meuse, abbaye d'Evaux. Houdelaincourt et Baudignecourt, canton de Gondrecourt,arrondissement de Commercy, Meuse.

grei entièrement à moi où à mes hoirs des mil et cinc cens livres desus dictes, ne n'en puet lidiz sires de Joinville ou si hoir mectre en court ou en plait moi ne mes hoirs des chozes desus dittes tant comme il ou si hoir tenront les chozes desus dittes, c'est asavoir les mil et cinc cens livres.

Et est encor à savoir que lidiz sires de Joinville ne si hoir ne puent contraindre moi ne mes hoirs de venir en lour hommaige de la ville de Chancenay, qui est de son fié que mes pères tint de lui, tant comme il ou si hoir tenront les mil et cinc cens livres desus dittes.

Et je ou mi hoir sommes tenu à pranre et à recevoir les dittes mil et cinc cens livres desus dittes sans dangier, toutes les fois que lidiz sires de Joinville ou si hoir les jvouront paier ou rendre à moi ou à mes hoirs.

Et est assavoir que quant li sires de Joinville ou si hoir auront rendu les mil et cinc cens livres à moi où à mes hoirs, je et mi hoir seront tenu à revenir en hommage de lui ou de ses hoirs dou fié de sa dite ville de Chancenay. Et aura lidis sires de Joinville ou si hoir au tel droiture de mener ses bois par mi ma terre comme il avoit devant ce que les mil et cinc cens livres li furent prestées. Et pour que ce soit ferme choze et estable, je ai seelées ces lettres de mon seel qui furent faites l'an de grâce mil deus cens quatre vins et huit en mois de mars (1).

Jean confirme à l'église de Chatons une rente de 40 s. tourn. sur le péage de Joinville, pour V anniversaire de son père Simon. Il donne au même chapitre un fragment du chef de saint Etienne.

Jehans, sires de Joinville, seneschaus de Champaigne, fas à savoir à touz ceux que ces présentes lettres verront et or-

(1) Haute-Marne, Chancenay, canton de Saint-Dizier, arrondissement de Wassy. Il s'agit de Jean II, fils de Jean I, comte de Dampierre et de Saint-Dizier : ce dernier était frère de Gui, comte de Flandre. Geofroi IV, s. de Joinville, avait épousé Helvide, fille de Guillaume I, comte de Dampierre, auteur commun des parties m°ntionnées dans l'acte ci-dessus.

ront que quarante soulz de tournois petis, que li doyens et li chapitre de l'esglise de Chaalons disoient avoir en mon paage de Joinville, chacun an de anciennetéj, pour faire l'anniversaire de mon signeur Simon, signeur de Joinville, don Diex ait l'âme, et je moi soie souffisemment enfourmés que ainsis estoit comme il le maintenoient, je, qui ne vourroie mie les rantes de sainte Esglise amanrir, mais avant acroistre, wiel et otroy que lidit doyens et chapitres praignent et aient les dis quarante soulz chascun an à touz jours sus ledit paage au bordes et qu'il en joient poisiblement à tous jours. Pour laquel chose tenir et garder fermement, je en oblige par ces présentes lettres ledit paage, moi, mes hoirs et mes successours en yceli paage, et conferme et amorti les diz quarante soulz. Et doin audis doyen et chapitre un vaysau là où il a dou chief mon signeur saint Estene, queli princes de Anthioche moi donna, lequel vaysau mes sires Jehans d'Ourcout, chapelains de ladite esglise reçut le jour que ceste letre fu donnée. Et proy et requier et supplie au devant diz doyen et chapitre que il vaillent faire mon anniversaire chacun an dou Saint Espir, tant cum je vivrai, et après mon décès de requiem pour l'arme de moi, de mon père, ma mère, et de touz mes autres amis. En tesmoignage des choses de sus dites et pour que ce soit ferme choze et estable, je ai seelé ces lettres de mon grant seel et de mon grant contre seel, qui furent faites le samedi après les octaves saint Martin d'yver, l'an de grâce mil trois cens et neuf (22 novembre) (1).

(1) Marne, Chap. St-Etienne de Chàlons, 1. 32. Ce prince d'Antioche, qui tenait Joinville pour parent, était Bohémond VI, qui lui fit, ainsi qu'à ses chevaliers, de grands dons, « se nous les vousissions avoir pris nous ne « vousimes rien penre, ne mais que de ses reliques... » dit notre historien (ch. cxviii,) en rendant compte de son pèlerinage à Notre-Dame de Tortose. Nous connaissons ainsi l'origine des reliques de saint Etienne dont il est question dans l'acte ci-dessus.