RÉPONSE DE CHARLES VIII A LOUIS D*ORLÊANS
(Montargis, 20 janvier 1485.V
De par le Roy,
Très cher et très amé frère et cousin, le sire de Montagu le Blanc nous a présenté certaines lettres de par vous ; mais pour ce que par cy-devant n-avez acoustumé ainsi nous escripre, pourroit sembler de prime face que icelles lettres soient faictes à autres fins ou qu'elles ne procèdent de votre propre mouvement , attendu que toujours en tous voz affaires par grant affection vous avons compleu et Tavons fait voluntiers et de bon cueur. Toutesvoies si, soubz umbre et simulacion de bien, on vouloit troubler notre royaume, nous, en ce cas, pour obvier à telz inconvénients, y pourverrions de remède convenable, à l'aide de noz bons parens et loyaux serviteurs et subgectz, qui sceventle vray desdites choses estre autres que le narré desdites lettres. Et pour venir particulièrement au contenu en icelles , si nous voulons avoir continuellement emprez nous nostre très chière et très amée seur la dame de Beaujeu. et si nous prenons toute entière confidance en elle, personne ne s'en doit merveiller, veuque plus prouchaine ne nous pourroit estre par lignaige ne plus féable par amictié , et que feu notre très cher seigneur et père, que Dieu absoille, voult et ordonna expressément notre très cher et très amé frère et cousin le sire de Beaujeu avoir le regard , seing et conduicte de notre personne avant tous autres. Et pour certain nous savons bien que n'est riens en ce monde dont notredite seur aye plus grant cure comme de nous ; aussi sa perte et son dueil seroient plus grans que de tous autres que à notre personne adviendroit quelque sinistre, que Dieu ne vueille. 11 n'estoit besoing de alléguer les
coustumes localles du bail dont ésdites lettres est fête mention, car oncques ne fut parlé dudit bail jusques à la lecture dlcelles lettres. Et scet-l'on bien que , soient ou non soient lesdites coustumes vraies , elles ne concernent point les Roy s. Mais encore estoit - il moins nécessaire d'escripre que en la distribution de noz biens, selon la délibéracion derreniè rement prinse aux Estas tenus à Tours , nous* ne usons pas de Tauctorité à nous deue et que nous sommes en la subjection de notredite seur, car chacun voit et scet manifestement le contraire, ne jamais avons changé icelle délibération. Et ne fault point prendre ymaginacion ne vouloir à la conduicte des capitaines et gens de notre garde, lesquelz et tous autres de notre hostel obéissent soigneusement à nous , soit pour aller soit pour venir ou faire ce que bon nous semble et font ce que leur commandons et riens plus , sans avoir l'ueil à autre que à nous , fors pour autant que notre plaisir s'y adonne, en quoy ne faisons tort à personne.
Au surplus, sur ce que lesdites lettres contiennent estre besoing d'assembler en notre bonne ville de Paris les seigneurs de notre sang et gens des trois Estas de notre royaume, nous vous ferons informer du prouffit que en pourra avoir la chose publicque d'icelui royaume et y procéderons par bon conseil et advis qu'il appartiend. Finablement si vous désirez nous veoir obéi comme roy et maistre, ainsi que les mots desdites lettres le portent, mettezvous du tout hors de l'intencion déclarée par icelles , et vous nous trouverez bon et cordial en voz affaires ; mais que aultrement le vouldriez faire , que point ne créions , ce seroit simplesse de persister en la conclusion desdites lettres , c'est assavoir que aions icelles euvres i)Our agréables. Ains doit savoir chacun de vray que nous n'en serions pas contens , et par efifect donnerons à congnoistre à tout le monde que nous n'aurions cause de l' estre. Sy vous prions et néantmoins mandons que sur la matière desdites lettres , circunstances et deppendances d'icelles , vous ne procédiez plus avant en aucune manière par rescriptions, messaigiers ou
autrement envers quelque personne que ce soit Sur quoy
vueillez croire nos amez et féaulx conseillers, Pierre DorioUe, chevallier , naguères chancellier de France et premier président de noz Comptes, et le sire de Monteil, notre chambellan, lesquelz nous envolons devers vous pour ceste cause. Donné à Montargis, le XX® jour de janvier. Ainsi signé Gtid^rles et Parent. Et au dessus : A notre très cher et très amé frère et cousin, le duc d'Orléans.
(Arch, Municip, de TrqyeSy AA. 46, liasse 5.)
vm
ORDONNANCE DE CHARLES VIII ( Rouen, 4 mai 1485.)
Charles, etc., aux esleuz sur le fait des aides ordonnez pour la guerre ou pays et comté de Poictou ou à leurs commis , salut. Combien que le plus grant désir que nous ayons tousjours eu ait esté et soit de soulager nostre peuple des grans charges qu'il a par cy-devant supportées et nous repputons plus puissant de veoir habunder nostre peuple en richesses et de luy veoir argent en ses mains que es nostres , saichans certainement que pour noz faitz et affaires qui touchent le bien de nous et d'eulx ilz ne nous vouldroient, toutesvoies ne luy avons fait cy-devant le soulaigement tel que désirons, jaçoit ce que à nostre nouvel et joyeulx advènement à la Couronne ayons monstre le désir par effect que avyons de soulaiger, en ce que incontinent après nostredit advènement luy feismes rabaiz de grant partie , et comme de cinq deniers les trois , des tailles qu'il portoit lors et à l'eure du trespas de feu nostre très chier seigneur et père , que Dieu absoille , que pour les grans affaires qu'il avoit lors à supporter par nécessité et pour obvier à plus grans inconvénients il fut contraint faire mectre sus par tout nostre royaulme ; après lequel rabaiz ainsi fait, nous feismes assembler les gens des trois Estatz de nostredit royaulme en nostre ville de Tours, ausquelx ne feismes demande sinon de la moindre somme dont il nous sembloit que pour lors pourrions supporter les charges évidentes que voyons avoir à supporter , laquelle somme , après plusieurs remonstrances à nous faictes par lesdits des Estatz , libérallemeut ilz nous octroièrent. Mais depuis, en traictant des affaires de nostre royaulme, avons
trouvé plusieurs grans charges dont à Teure desdits Estatz n'avyons ne povyons avoir congnoissance ne les précogiter, lesquelles par nécessité urgente il a esté besoing, pour le bien et entretiennement de nous et de la chose publicque de nostre royaulme, paier et fournir, et par espécial , plusieurs grans debtes deues par notredit feu seigneur et père et par nostre très chière dame et mère, que Dieu absoille, montant à plus de ii® m. 1. t., les obsèques et funérailles d'eulx et les robes de leur dueil qui ont monté à autre grant somme ; pareillement a esté besoing de contenter plusieurs seigneurs et autres grans personnaiges estans hors nostredit royaulme , ausquelx feu nostredit seigneur et père avoit promis et ordonné plusieurs grans pensions et bienffaitz , pour éviter à ce qu'ilz ne se déclarassent contre nous et nos subgectz et que à leur moyen ne nous venist aucune guerre, qui a cousté plus de lxx ™ 1. 1. Semblablement a convenu appoincter aux communitez de Suysse et les paier de plusieurs grans restes qui leur estoient deues, tant de leurs pensions du temps de nostredit feu seigneur et père que de l'acquisicion qu'il feist d'eulx du droit qu'ilz prétendoient en la Franche-Comté de Bourgoigne , ce qui estoit très nécessaire de faire , afin qu'ilz demourassent noz amys et alliez, et aussi pour rabatre et modérer la pension de xl "* 1. t. que nostredit feu seigneur et père leur avoit promise par chacun an , laquelle a esté modérée à x "» 1. t. ; lesquelles choses ont cousté plus de VII ^ m. 1. t. Aussi a convenu retirer en noz mains plusieurs places fortes de nostre royaulme que tenoient aucuns estrangers ausquelx, avant que les vouloir bailler, a convenu, tant pour les réparacions qu'ilz y disoient avoir faictes que pour don , avons faiz paier et bailler plus de xxx " 1. 1., sans les grans ambaxades qu'il nous a convenu envoler tant à Rome que devers plusieurs Roys et princes pour continuer les anciennes amytiez et aliances qui ont esté entre les très chrestiens Roys de France , noz prédécesseurs , et eulx ; aussi plusieiu^ d'entre eulx ont envoyé devers, nous autres ambaxades lesquelles, pour honneur et
magnificence de nostre royaulme , a convenu festoyer et faire plusieurs dons, en quoy avons frayé m 1. t. et plus. Et avecques ce, depuis lesdits Estatz, soubz umbre de la guerre et différant de Foix, se sont mis et assemblez en diverses parties de nostre royaulme certain numbre de gens en armes sans nostre congié, qui ont fait plusieurs maulx et pilheries sur nostre peuple, à quoy et aussi à la garde de plusieurs noz pays et frontières sur lesquelz noz anciens ennemys et adversaires les Angloys et autres estrangiers se sont puis nostre nouvel et joyeulx advènement à la Couronne efforcez faire plusieurs entreprinses, dont grans inconvéniens se fussent peu ensuivir ou préjudice de la chose publique, a esté besoing et très urgente nécessité faire plusieurs préparatifz et grans despenses qui ont cousté grans sommes de deniers , au moyen desquelles choses nosdits ennemys et estrangiers n'ont ozé mectre à exécucion leurs mauvaises entreprinses et n'ont rens usurpé sur nosdits subgectz. Oultre toutes lesquelles despenses et depuis lesdits Estatz est venu devers nous nostre très chier et très amé cousin lé comte de Richement, requérant secours pour recouvrer le royaulme d'Angleterre qui luy appartient , auquel pour considération de la proximité de lignaigne dont il nous atiènt, considérant que c'est la personne de tout le monde qui a le plus apparant droit oudit royaulme d'Angleterre, avons appoincté Testât de luy et de ses gens tant qu'il sera par deçà, délibérez de le favoriser en ses faitz et affaires ; lequel appoinctement de nostredit cousin et de ses gens pourra monter à grant somme de deniers. Toutes lesquelles parties qui sont sourvenues depuis lesdits Estatz tenus à Tours, qui en icelluy temps ne povoient estre congnues, magnifestées ne par nous précogitées , reviennent ensemble à bien grant somme, à quoy les déniera de l'octroy à nous fait par lesdits des Estatz et les deniers de noz autres finances n'ont peu nepourroient fournir pour les autres grans charges qui sont suriceulx, mais en sont icelles demeurées trop chargées de très grant somme. Toutesfoiz ce ne sont pas parties ne charges
qui faille continuer ne dont il puisse venir charge à nostre peuple pour les années advenir, mes en les paiant et acquictant pour ceste foiz elles seront estainctes et ne reviendront plus en charge. Et ce voyant , pour le grant amour et compassion que avons de nostredit peuple, désirans, comme dit est, le préserver de charges à nostre povoir , avons , nous estans en nostre ville de Paris et depuis par autres foiz en ceste nostre ville de Rouen , en la présence de tous les princes et seigneurs de nostre sang et lignaige? gens de nostre Conseil et de nos finances, fait veoir et revisiter nos estatz bien au long partie par partie, et prandre et retrancher tant sur nostre despense , argenterie , escuierie que autres parties de nosdits estatz, tout ce que avons peu, mes n'y avons tant sceu faire prendre et retrancher que nosdites finances n'en soient demourées trop chargées de la somme de un *" lxiii °» v M. t. , laquelle , par l'advis et délibéracion de tous lesdits princes et seigneurs de nostre sang et gens de nostre Conseil pour ce assemblez en grant numbre en ceste nostre ville de Rouen , avons ordonné estre mis 3us, pour ceste foiz seullement et sans ce qu'il soit tiré
à conséquence pour le temps advenir Donné à Rouen, le
ini® jour de may,ran de grâce mil IIII'' IIII»^ et cinq, et de nostre règne le deuxie&me. Ainsi signé : Par le Roy en son Conseil, MM. les ducz d'Orléans, de Bourbon et de Loraine, les comtes de Clermout, de Bresse et d'Albret, etc.
{Arch, Nat, Cartons des Rois, K. 73, n» 33.)
CHARLES VIII AU SEIGNEUR DE POMPADODR (Paris, 25 juin 1485.)
De par le Roy,
Nostre amé et féal, nous avons esté advertiz que le roy Richard d'Angleterre a assemblé et mis sus certaine grosse armée, en entencion de descendre en nostre royaume pour grever et porter dommaige à nous , noz pays , seign:euries et subjectz. Et pareillement avons sceu que le duc de Bretaigne a mis sus son arrièreban audit pays et plusieurs autres seigneurs et princes voisins de nostredit royaume, et à ceste cause, pour obvier et résister auxdites entreprinses , avons , par Tadvis et délibéradon des princes et seigneurs de nostre sang et lignaigne et gens de nostre Conseil, ordonné et conclud de faire mectre sus et en armes ceulx de nostre ban et arrière-ban et heulx tenir prestz en leurs maisons ; et vous avons depputé commissaire à mectre sus et faire la monstre des nobles et autres tenans en fief en nostre séneschaucée de Lymousin et des ressers , dont vous envoyons la commission et les instructions pour y besongner, et aussy la forme du serment que y devez faire cy en suyvant lesdites instructions. Et pour ce, nous vous mandons et enjoignons très expressément que vous vacquez incontinent à accomplir le contenu en ladite commission , et y faictes si bonne diligence que, dedans le premier jour d'aoust, vous nous ayez envoyé le rolle signé du greffier de ladite séneschaucée, contenant la déclaracion d'iceulx dont aurez fait ladite monstre , subgectz auxdits ban et arrière-ban et l'abillement à quoy ilz pourront servir , et aussi certifflcacion du serment que
ÇiOo<^z
vous en aurez sur ce fait, en vous prenant garde que aucunes
exactions ou piUerie n'y soient faictes, car nous n'en serions pas
contens.et en ferions faire si grande justice et pugnicion que les
autres en prendroient exemple. Donné à Paris , le vingt-cinquiesme
jour de juing.
Charles.
Parent.
A nostre amé et féal conseiller et chambellan , le sieur de Pompadour.
(Arch. historiques de la Gironde, t. VI, p. 195.)
Autre mandement analogue adressé le 23 juin par Charles VIII au seigneur de l'Age, lieutenant du duc de Bourbon en Languedoc , d'assembler le ban et l'arrière -ban de la sénéchaussée de Beaucaire contre le roi d'Angleterre et le duc de Bretagne* D. Vaissette, Languedoc, t. V, col. 75.
