CHARLES VIII A LA VILLE DE REIMS

(Melun, 20 juin i486.)

De par le Roy,

Chiers et bien amez , nous avons receu voz lettres et vous savons bon gré de ce que avez prins Tomme du duc d'Autriche qui portoit des lettres (1). Questionnez-le et interrogez bien au long pour savoir s'il scet autre chose qui préjudicie à nous ou à notre royaume , et se vous le trouvez chargé , faictes en ainsy que verrez estre à faire. Au seurplus, tenez-vous tousjours bien sur voz gardes et tous ceuLx que trouverez portans telles lettres ou autres à nous préjudiciables, arrestez-les et nous en advertissez à diligence et vous nous ferez service très agréable. Donné à Melun , le XX® jour de juing. Ainsi (signé) Charles. Et plus bas Damont.

Suit une lettre du sire de Beau jeu conçue dans les mêmes termes.

Arch, municip. de Reims y Reg. des délibérations du Conseil.

(1) Le prisonnier était l'homme de Ras de Longehamp, comme le prouve la curieuse lettre suivante, écrile par celui-ci aux officiers de Reims :

Lieutenant de Reims et procureur et aultres officiers , vous avez arrester ung myen serviteur l'espace de huit ou de neuf jours et lui avez prins des lettres lesquelles me valoient n^ livres de rente, et davantage l'avez (questionné, disant que je l'avois envoyé devers le duc d'Aultriche. Vous (en) avez menti faulcement par les gorges , tous ceulx qui s'en sont meslez, car je veulx bien que vous sachiez que jamès ne fiz que bien et loyaulment servir le Roy xxvii ans à, et ay entencion de le faire mieulx que jamès. Pour tant délibérez de me récompenser de l'outrage que vous m'avez fait et de me renvoyer mes lettres, ou je m'en vengeray si bien que je n'aroie point de regret à la perte que j'ay faicte : j'ay prins à ce matin ung cheval oppres de la ville de Reims , lequel se porteur dit qu'il est à luy ; pour tant poyez-le luy et vous ferez que sage. Escript à Juvincourt, se xxvni» jour de juing. Cellui qui ne vous ayme point. Et au deS'" soubz avoit escript : Ras de Longehamp. Et sur le doz avoit escript : Au lieutenant et officiers de la ville de Reims.