ANNE DE FRANCE A CHARLES VIII
( Moulins, 4 décembre 1488.)
Monseigneur, je me recommande ti-es humblement à votre bonne grâce. J'ay receu les lettres qu'il vous a pieu m'escripre, et touchant votre affaire de Bretagne, Monseigneur, vous avez peu congnoistre jusques icy de quel pié ilz clochent, et pour obvier à Tafifaire qui vous porroit survenir, Testé avant notre partement, fut advisé le nombre de gens qui sont soubz le senneschal de Carcassonne, monsieur de Champeroux et le senneschal de Tholouse. Et croy que de ceste heure ilz ont la plupart de ce que vous en ordonnastes pour essayer à vous y faire quelque bon service Tyver et mesmement avant que lesdits de Bretagne sceussent recouvrer nul secours d'estrangers.
Monseigneur, se a esté bien fait d' envoler quérir des gens de la Court de Parlement et autres gens de bien, car jusques cy vous avez toujours usé de grâce envers vos subgetz rebelles et ilz ne vous ont pas tenu vérité. Par quoy est bien requis que vous ne vous ne vous fiez pas tant en leurs belles paroles que vos provisions ne soient si bonnes que inconvénient ne vous en puisse advenir. Monseigneur, si vous trouviez une bonne paix, seure, il n'est rien que je vous conseillasse tant, maiz Texpérience du temps passé me fait escripre ce qui est cy dessus.
Monseigneur, vous avez aussi cest affaire de Flandres que, s'il se povoit vuider par quelque bonne paix, vous en auriez plus tost faict en Bretaigne. Touteffoiz, veu que les Flamens se sont déclairez pour vous, pour riens vous ne les devez laisser affoler : aussi ilz sont vos subjetz. Monseigneur, je vous asseure qu'il me tarde bien que je puisse estre devers vous si tost que je le désire
pour vous veoir et faire quelque service , maiz au plus tost qu'il nous sera possible, monsieur mon mary et moy partirons pour nous en aler devers nous. Monseigneur, je prie Dieu qui vous doint bonne vie et longue. Escript à Moulins le quatriesme jour de décembre.
Vostre très humble et très obéissante seur et subjette.
Anne de Frange.
A mon très redoubté et souverain seigneur, Monseigneur le Roy.
{BibL Nat. fr. i554i fol. io5.)
CONSULAT DE LYON Séance du 24 avril 1493.
a Pour ce que lesdits conseillers furent advertiz dès le moys de janvier derrenier passé que madame la duchesse de Bourbon avoit en affection une courfontaine de pierre de marbre que avoit la banche de Gappon et ses compagnons oudit Lion et taschoit à avoir icelle fontaine et la vouloit lors fere acheter par mons' le seneschal dudit Lion pour icelle fere mectre en son jardin à Moulins, et que par mondit sieur le seneschal leur feust dit que Mons' et madicte dame de Bourbon avoient bon vouloir à ceste ville et desiroient lui fere plaisir, mesmeraent à avoir quelzques deniers communs pour réparacions de ceste dite ville. A ceste cause et aussi que madicte dame de Bourbon ne fut trop contente de ladicte ville quant icelle ville luy fit présent et service de certaine quantité de veyselle, à cause de ce que pour les services qu'elle avoit faitz au fait des foires luy avoit esté promis et attourné chose qui valait beaucoup plus que ladite veysseUe, les conseillers, pour contenter madite dame et capter sa bienveillance, à ce que mondict seigneur et elle feussent plus inclins à servir ladite ville en ce que dessus et autres afiFeres d'icelle, dirent à mon^iit sieur le seneschal qu'ilz acheteroient ladite fontaine de par ladite ville pour icelle fontaine envoyer à madite dame audit lieu de Molins »
Arch. municip, de Lyon, B. B. 20 fol. yS.
Les lettres du xv^ siècle portant la date du jour et du lieu, jamais celle de Tannée, il est souvent difficile d'attribuer à telle ou telle année les pièces de ce genre que renferment les archives et les Bibliothèques. Nous avons donc pensé qu'il ne serait pas inutile de dresser la liste des séjours de Charles Vm : tout incomplète qu'elle soit, cette liste peut déjà servir à dater nombre de missives émanées du roi ou des personnes de sa suite.
