QUI FIGURENT
ET
DE SAINTE BAUTHEUCH. ,
Dieu.
Nostre-Dame.
Gabriel ( l'ange Gabriel ).
Michiel ( saint Micbel ).
Clodoveus ( le Roi ).
Bautbeuch ( la Reine ).
L'ainsné Filz ( le fils aîné du Roi ).
Deuxième Filz ( le deuxième fils du Roi ).
Premier Baron \
Deuxième Baron f
rr • ■• n / d" ï^oi*
1 roisieme Baron I
Quatrième Baron j
Premier Chevalier.
Deuxième Chevalier.
Premier Sergent
Deuxième Sergent
L'Escuier ( du Roi ).
La Demoiselle ( dame d''honneur de la
Bcinr ).
du Roi.
Erchenoalz ( seigneur chez lequel demeurait Bantheuchavant d'épouser le Roi ).
Lambert , |
Lienin , / serviteurs du Roi.
L'Espie, )
Gênais , homme de confiance de la Reine.
Quasin , serviteur et compagnon d'infortune des deux fils du Roi.
Le Marinier ( celui qui les conduisit à Jumiéges ).
L'Abbé ( premier Moine ).
Deuxième Moine.
Troisième Moine.
L'Exécuteur ( des hautes œuvres ).
Premier Sodoier,
Deuxième Sodoier,
Troisième Sodoier, > soldats du Roi.
Quatrième Sodoier,
Cinquième Sodoier,
xLg ri)mencc \m mirack ïre Uostrc Bame et ifc
eaintc 0autl)fucl) , femc ïru rog Cloîror^ug,
qui pour la rébellion ^c 6f 6 îr^ujr ^nfans
leur fiôt niirir 1^6 tamb^g, ^0ttt
^^puiô se r^D^rtiv^ut
^t ^e^)in^ret
rfliigicur.
PREMIER CHEVALIER
ais qu'il vous plaise , très chier sire ,
Une parole vous veuil dire
Qui pour touz est bien convenable ,
Et si est chose raisonnable A mon avis.
CLODOVEUS, ROY.
Et quoy? faites m'en ci devis, Et je que vous direz orray.
-^o^ersi tas BIBLIOTHECA
Se c'est bien , g'i enlenderay ; Se chose est qui ne m'atalente Et que m'onneur y voie et sente, Je le lairay.
PREMIER CHEVALIER
Chier sire , je le vous diray :
Il me semble qu'il fust saison Que pensissiez , et c'est raison , Comment vous vous mariissiez , Afin que lignie eussiez Qui vostre règne gouvernast , Voire quant il vous succédast Non mie tant com fussiez vis :
Et ce seroit , à mon avis , Vostre honneur, mais plus vostre los En acroistroit , bien dire l'os , Et vostre pris.
DEUXIÈME CHEVALIER
Par ma foi , vous l'avez bien pris , Et est vérité , nulz n'en doubte , Sire , s'il vous esméut et boute En pensée de famé avoir.
Vous l'en devez bon gré savoir
Et tenir qu'il fait noble fait , Quant de ce mencion vous fait.
Car quant homme y est ahurté , En ayse vit, en vérité, Plus grant que s'il estoit sanz famme, Ne n'acquiert pas si tost diffame :
Car je vous dy bien , sire roy , Souvent vit jonne homme en desroy , Et pèche trop plus par oultrage Quant n'a femme par mariage ; Et fait plus d'inconvéniens Que un autres homs et hors et ens.
Savez pour quoy , qu'en vérité Jonesce euvre de voulenté Et de fait plus que de raison ; C'est la cause , c'est l'achoison Pour quoy son vouloir li soufflst Et li plaist miex que son prouffit.
Je scé bien que autrement alast Se jonesce se gouvernast Par raison , aussi qu'elle fait , Et de volonté et de fait; Mais, Diexî ainsi n'est pas ; or ho Pour ce , chier sire , je vous lo Ne vous tiengne pas négligence , Mais mettez peine et diligence D'estre en estât de mariage
102 MIRACLE i)E NOSTRF. DAME
Avec femme de hault lignage Et que l'en prise.
LE ROY
Et où pourra-elle estre prise , Seigneurs, se me veuil marier?
Or me dites , sanz varier ,
Vous deux ensemble.
PREMIER CHEVALIER
Mon très chier seigneur , il me semble C'on dit qu'en Lorraine en a une Qui , par renommée commune , Est belle damoiselle et sage Et est aussi de hault lignage.
Il en a une autre en Bourbon Qui est de gens de grant renom.
S'elle ne vous touche de près , Il en y a une autre après , En Boesme , fille du roy Qui est homme de grant arroy ^ Puissant et noble.
DEUXIÈME CHEVALIER
Aussi , sire , en Constentinoble
En a il une , se dit-on ,
Belle et bonne et de grani renom ,
ET DE SAINTE BAUTHEUCH. I o3
Et dygne d'avoir un hault homme .
Mais sanz S' Pierre à la grant Romme Requerre, ne si loing aler, Puis qu'est à Tuis, j'en veuil parler D'une qui est tant belle et bonne Que je croy qu'il ne soit parsonne Vivant qui ne l'aime et ait chière ; N'est pas orgueilleuse ne fière , Mais humble à touz.
LE ROY
Qui est-elle ? Dites-le nous , Je vous empri.
DEUXIÈME CHEVALIER
Sire , voulentiers sanz détri :
Chiez vostre mareschal de France Erchenoalz , a sanz doubtance Une pucelle , c'est en some , Digne d'avoir le plus hault homme Qui vive au jour d'ui soubz la nue ; Ne scé pas dont elle est venue , Mais tant est belle de corsage , Tant parest humble , et tant est sage , Et tant en bons meurs doctrinée , Qui n'est homme ne femme née Qui d'elle ne tiengne et raporte
Que des bonnes Tonneur emporte.
Je n'y scay que une chose dire , S'il peust estre c'on scéust , sire , Qu'elle fust d'assez hault lignage , Je déisse que par mariage Le préissiez.
LE ROY
Avant que vous en parlissiez M'en souvenoit-il bien, par foy, Et vous diray raison pour quoy :
Je scay bien qu'il n'a pas granment C'on en tenoit grant parlement , Et disoit-on d'elle merveilles De bien, ce oy-je à mes oreilles; Et pour lors je n'en tins nul compte.
Mais puis que d'elle on me raconte, Son bien, son senz, s'umilité, J'en veuil savoir la vérité.
Je te commans que tost , bonne erre , Me voises le mareschal querre , Et li di , pour rien qui aviengne , Ne laisse que à moy ci ne viengne , Que besoing est.
PREMIER SERGENT 1)' ARMES
Très cbier sire , je sui tout prest
ET DE SAINTE BAUTIIEUClf. lo5
D'acomplir ce que conmandez ; Dire li vois qu'elc mandez.
Sire , Dieu vous vueille adrescier En bien ! »
PREMIER SERGENT d' ARMES
Il VOUS fault tout laissicr Pour venir ent au roy , bon pas Avecques moy , ne laissiez pas , Il le vous mande.
ERCUENOALZ.
Si iray de voulenté grande , Puis qu'il me mande. Amis , alons , Passez , monstrez-mc voz talons , Marchiez du pié.
PREMIER SERGENT d' ARMES.
Je le vous feray de cuer lié , Sanz le plus dire.
' Le filet place ainsi entre deux couplets , scil à indiquer un changement de scène.
loG MIRACLli DK NOSTRE DAME
ERCHENOALZ.
Dieu vous croisse honneur, très chier sire î Vous m'avez , sire , envoie querre ; Que vous plaist-il à moy requerre , Ne commander?
LE ROY
Vez ci que vous vueil demander :
Chiex vous a une damoiselle Gentil femme et qui est pucelle , Qui Bautheuch , ce me semble , a nom ; On li porte moult grand renom Et de biauté et de bonté.
Et tant plaine est d'umilité Que touz l'appellent sainte dame ; Si vous demande , sur vostre âme , Que me diez s'il est ainsi , Et de quel lignage est aussi , Se le savez ?
ERCHENOALZ.
Très chier sire , puis que m'avez Tant conjuré , j'en diray voir :
Premier, je vous fas assavoir Que selon ce que ceulx m'en dirent , Qui jonne enfant la me vendirent ,
Qu'en Soissong , par delà Frise , Fu née la pucelle et prise , Et de royal lignie esiraitte ; En touz bons meurs est si atraitte , Qu'en li n'a rien qu'en peust blasmer.
Elle se fait de touz amer , Tant est de gracieux service ; Orgueilleuse n'est point, ne nice, Mais sur toutes elle a le los Et le renom , bien dire l'os , Qu'elle est la plus humble c'on sache , Et la plus parfaitte sans tache , De nés un vice.
LE ROY
Biau sire , que je la véisse , Je vous em pri.
ERCHENOALZ.
Sire , voulentiers sanz détri , Se vous voulez , querre l'iray En l'eure , et la vous amenray , Si la verrez.
LE ROY
Or tost donc, mon ami serez.
* ERCHENOALZ.
G'y vois. Bautheuch, fai, si t'affaitcs , Délivres-toy ens entrefaittes , Tanlost, et te mets en arroy :
11 fault que je te naine au roy Sanz plus d'espace.
BAUTHEUCH.
E chier sire , que Dieu nous face Trestouz bons, que ly ay-je fait?
Onques vers li, en dit, n'en fait Ne mespris, sire.
ERCHENOALZ.
Il a tant oy de toy dire , Qu'il te veult véoir ou visage ; Or parra comment seras sage Jà devant li.
BAUTHEUCH.
Bien , sire , s'il plaist à celi Qui me fist naislre.
• Dans le manuscrit on a omis le nom du pcrsonna{Te ({ui prend la parole.
ET DE SAINTE BAUTIIEUCH, I Of)
ERCHENOALZ.
Sus , alons-m'en , sanz plus ci estre ; Alez devant , alez , Lambert , Et ne faictes pas le trubert , Jà à la court.
l'escuier.
Monseigneur , je ne sui pas sourt ; Voulenliers devant vous iray , El se Dieu plaist , me garderay Bien de mesprendre.
ERCHENOALZ.
Pour mon devoir faire et vous rendre Ce que vous ay , sire , promis , Au retour vers vous me sui mis ; Bautheuch vous amain la pucelle , Vez la cy , que vous semble d'elle ?
Dites , chier sire.
LE ROY
Erchenoalz , je n'en puis dire
Riens , ne ne vueil , fors qu'elle est belle
IIO MIRACLE DU NOSTRï DAME
Et bonne, se Dieu plaist. Pucelle, Bien veigniez vous.
BAUTHEUCH.
Très chier sire , Dieu qui pour nous , En croiz souffri de mort l'angoisse , Honneur et pris en vous accroisse !
Et qu'en ceste vie mortelle, Par bonnes ouvres faciez telle Yostre âme et de péchié si monde , Que quand partira de ce monde Voit es sains cieulx !
LE ROY
Damoiselle , se m'ottroit Dieux
Qui de touz maulx aussi vous gart !
Seigneurs , com plus ay le regart
Sur ceste fille et plus me plait ;
Ma femme en vueil faire à court plait ,
Et la prendre par mariage.
Puis que tant est d'umble courage
Et qu'est si bien moriginée ,
Je tien ainsi qu'elle soit née
De hault sanc , dont mains m'en vergoingne ,
Et aussi c'on le me tesmoingne ;
Et si sachiez en vérité ,
ET DE SAINTK BaUTHEUCH. 1 1 I
Seigneurs, sa grant humilité La me fait prendre.
PREMIER CHEVALIER
De ce ne faites à reprendre , Chier sire , puis qu'elle vous haitte ; Et elle en devra plus parfaitte Estre entre ses faiz.
DEUXIÈME CHEVALIER
Et quant vous plaira estre faiz Ce mariage , dites , sire ?
Vous nous en povez trop bien dire Vostre devis.
LE ROY
Seigneurs , la biauté de son vis , Son doulx parler, son gent maintien , Me plaisent tant , que vous dy bien N'y metteray terme ny heure ; Maintenant , sanz plus de demeure , La vueil espouser, c'est m'entente.
Erchenoalz , tost sanz attente Cy endroit plus ne vous tenez , Mais en vostre hostel la menez ; Là la faittes mettre en arroy Tel qu'il fault à espouse à roy ;
Puis la menez en ma chapelle , Et g'y seray , car je vueil d'elle Au jour d'ui faire ma compaigne.
Qu'assez n'ait gent qui Tacompaigne, N'ay-je pas double.
ERCHEN0AL2.
Très chier sire, je vueil à toute Vostre voulenté obéir.
ERCHENOALZ.
Aïez vous tost laissiez chéir A ses piez , et le merciez , Bautheuch , et si le graciez De cest afifaire.
BAUTHEUCH.
Très chier sire , quant à moy faire Vous plaist grâce et honneur si haulte Qu'à femme me prenez sanz faulte , C'est bien droiz que à voz piez m'encline , Et que de voulenté bénigne Vous en mercie.
ET DE SAINTE BAUTIIEUCH. Il3
ERCHENOALZ.
Puis qu'il fault que je me soussie, Dame , de vous en arroy mettre , Alons m'en , sanz plus yci estre , Appertement.
BAUTHEUCH.
Monseigneur, je vueil bonnement Faire voz grez.
LE ROY
Seigneurs , vueilliez me voz secrez Descouvrir, chascun par vostre âme ; De prendre ceste jeune femme Où j'ay si ma mélencolie , Vous semble-il point que je folie, Où que bien face ?
PREMIER CHEVALIER
Sire , se Dieu me doint sa grâce , Se je vous di ce qui m'en semble , Je tien que Dieu vous .ij. assemble, Et que par elle encor serez
Il4 MIRACLE DE NOSTRE DAME
Amez , cremuz et honnorez; Ainsi le croy.
DEUXIÈME CHEVALIER
Aussi fas-je , vez ci pour quoy :
Envers nullui n'est orgueilleuse , A touz est humble et amoureuse , Doulce en parler et en faiz sage ; Si lien que Dieu ce mariage Veult et consent.
LE ROY
Sachiez mon cuer à li s'assent Plus qu'à femme qui soit ou monde , Et plus y pense plus m' abonde Vouloir et désir de l'avoir; Si que , sanz plus ci remanoir , Alons-nous-en en ma chappelle ; Là se fera de moi et d'elle L'assemblée et le mariage , Et là ferons l'un l'autre homage De nos .ij. corps.
PREMIER CHEVALIER
Très chier sire , je m'i accors ; Alez devant.
ET DE SAINTE BAUTHEUCH. Il5
LE ROY
François Parigot , vien avant , Vaz me dire à Erchenoalz Que muser ne me face pas , Que je Tattens en ma chappelle , Et que Bautheuch la damoiselle Tanlost m'amaine.
DEUXIÈME SERGENT
A ce faire n'a pas grant paine ; Je vois, chier sire.
LE ROY
Et toy , enteps ce que vueil dire :
Devant moy vas , à tout ta masse , Et ces gens dépars et demasse , Si qu'aye voie.
PREMIER SERGENT
Chier sire , se Dieu me doint joie , En Teure vous sera fait sus.
IlG MIRACLE DE NOSTRE DAME
LE ROY
Fuiez de ci , alez en sus , Faites chemin.
DEUXIEME SERGENT
Sire , Dieu qui fist d'yaue vin Vous ottroie paix , honneur et joie !
Le roy par devers vous m'envoie ; Si vous mande qu'à li venez En sa chappelle , et amenez Bautheuch , ce dit.
ERCHENOALZ.
Amis , tantost sanz contredit Tant que puis d'aler y m'apreste.
Dites, Bautheuch, estes voult)reste?
En irons nous ?
BAUTHEUCH.
Quant il vous plaira , sire doulx , A moy mais hui ne tenra point ; Se vous estes prest et à point , Si sui-ge aussi.
ERCHENOALZ.
Or ça donc partons touz de ci.
François , amis , devant yrez , Et vous , Lambert , aussi ferez , Pensez de vous à chemin mettre.
Dame , je vous menray en destre Pour ceste foiz.
BAUTHEUCH.
Se contesse estoie de Fois , Me faites-vous honneur greigneur Qu'il ne m'affiert ; Nostre-Seigneur Le vous merisse!
PREMIER SERGENT
Avant que de sa chappelle ysse Le roy , ses menestrés vois querre.
Sa, seigneurs, sa, venez bonne erre , Devant le roy faire mestier ; Il en est besoing et mestier Qu'i soiez touz.
DEUXIÈME SERGENT
E biaux seigneurs , délivrez vous ,
Ilb MIRACLE DE NOSTRE DAME
Vez ci le roy qui jà s'en vient D'espouser ; comme il appartient , Faites mestier.
( * Ci viennent les menestrez , et amainnent le roy en son siège ; et puis vont querre la royne, en jouant. )
DEUXIEME SERGENT
Il me semble, mon seigneur chier, Que acompli est vostre désir : Femme avez à vostre plaisir , Loé soit Diex î
LE ROY
De toutes les dames gentieulx C'on me pour roi t amentevoir ,
* Cette note est en marge dans le manuscrit original, et une partie des lignes a été coupée à la reliure. Voici dans quel état elle est ;
i viennent menestrez amainnent roy en son ge , et puis ut querre royne eu uant.
ET DE SALNTE BALTHEUCH. liy
Certes je n'en voulroie avoir Nulle pour ceste , tant Tay chier î Feust que la péusse changier , Sanz blecier en riens conscience , Pour sa parfaitte obédience , Pour son sage et biau maintenir.
Or la regardez ça venir.
Et son estât et sa manière.
Amont , amont, ma mie chière , Lez moy serrez.
BAUTHEUCH.
En quanque me commanderez , Très chier sire , je obéiray , Et voslre voulenté feray Sanz refuser.
Dieu nous doint noz viez user Ensemble , en paiz et en amour !
Ore je vous pri , sanz demour , Que me dites , dame , à délivre Comment vous vous pensez à vivre , Des ore mais.
BAUTHEUCH.
Très chier sire , voulentiers , mais
Que vous un petit vous cessez , Et que dire le me laissez :
Pour plus conscience apaier, M'entente est de tantost paier Tout ce que devray à la genl ; Car retenir d'autrui l'argent Met conscience en si mal point Que touzjours le mort et le point Le ver de remors , n'est pas double ; Et pis y a que maint s'en boute Et maint en enfer, je dy voir, Pour retenir l'autrui avoir ; Pour ce d'acroire n'ay-je cure.
Après , sire , je mettray cure , A mon povoir et diligence , D'aidier abatre l'indigence , La mésaise et la povretô Et la famine , en vérité , Qu'en plusieurs religions sçay , Pour voir que j'en ay fait l'essay.
C'est aumosne bien emploiée ; Et aussi sera desploiée Ma monnoie en aumosne faire Selon que pourray sanz meffaire A sez povres quérans leur vie.
Et si ay désir et envie De secourre povres honteux
Mcsnagers ; c'est un fait piteux Qui moult plaist à la Trinité, Quant n'est pas fait par vanité.
Et se je puis autres biens faire De cela me vueil-je ores taire , Sanz dire en riens.
LE ROY
Puis que faire voulez telx biens, Dame , je vous aideray ; Car certains lieux ordeneray Où , chascun an , receverez Vint mille dont faire pourrez Aumosne où bon vous semblera.
Mais avoir vous fault qui sera Convenable à faire voz dons ; J'en congnois un qui est preudons Et vaillant homme par renom , Et si est clerc , Gênais a nom.
Je vueil que Taiez ; s'en ferez Vostre aumosnier, vous en serez Bien repparée.
BAUTHEUCH.
Chier sire , puis qu'il vous agrée , Si fait-il moy.
LE ROY
C'est bien : à point venir le voy ;
Bailler ne vous puis plus propice , Ne meilleur, pour faire l'office.
Gênais , venez avant , venez , Je vueil que Toffice prenez D'eslre aumosnier de la royne , Et vous em pri par amour fine ; C'est office qui est honnestes , Et je scé bien que preudomme estes , Pour ce le fas.
GENAIS.
Puis qu'il vous plaist, je ne vueil pas Desdire vous , chier sire , en rien ; Et grant merciz quant tant de bien De moy tenez.
LE ROY
Or faites , si vous en venez Avec moy où je vous menray ; Yci , dame , vous laisseray , Un petit vois hault besongnier , Et si feray sans porlongnier
Tant pour vous , par devers ma gent , Que Gênais ara de l'argent, Pour vous assez.
BAUTHEUCH.
Chier sire , se vous en pensez , J'en ordenerai tellement Que s'iert à nostre sauvement A mon povoir.
LE ROY
Or sus , faites vostre devoir , Seigneurs , du chemin descombrer , Que je puisse sanz encombrer , Aler ma voie.
PREMIER SERGENT
Vuidez ci , ou , se Dieu me voie , A qui qu'il ennuie ne poise , Vous sarez que ma masse poise , Se ne vuidiez.
DEUXIÈME SERGENT
N'y ara si grant , ne cuidiez ,
Que de ma masse aussi ne fière , Se vous ne vous traiez arrière ; Vuidez les rens.
BAUTHEUCH.
E ! sire Diex , grâces vous rens De bouche et de cuer tout ensemble.
Et c'est bien raison, ce me semble, Quant de moi petite meschine Et si basse avez fait royne , Telle et si grant comme de France.
Ha ! sire , ta haulte puissance En soit loée et ta bonté !
Et te pri qu'en humilité Parfaite me vueilles tenir , Si qu'en moy n'ait nul souvenir Du fait d'orgueil.
GENAIS.
Chièrc dame , dire vous vueil
Le roy m'a par ses trésoriers
Fait baillier , pour vous , en deniers
Mil livres; dites qu'en ferai?
Conmandez , j'en ordcneray Si con direz.
BAUTHECCH.
Gênais, vous en départirez Aux Cordelliers et Augustins , Aux Carmes et aux Jacobins , A un chascun couvent cent livres.
Et quant d'entre eulx serez délivres .
Par ces petites prieurtez Alez où seufFrent de durtez Assés et moinnes et nonnains ; Et là donnez de voz .ij. mains , Selon que bon vous semblera Et où verrez que bien sera.
Après à ménagers honteux Dont il est moult de souffreteux , Vieulx-je aussi que faciez aumosne ; Et pour ce que Dieu de son throsne La voie et prengne plus en gré , Donnez largement et secré ; Et requérez que pour le roy , En donnant , on prie et pour moy , Car mestier m'est.
GENAIS.
Chière dame , je sui tout prest
laÔ MIRACLE DV. NOSTRF. DAME
D'acomplir du tout voz commans ; Je m'en vois , à Dieu vous commans , Faire ce que m'avez chargié ; Tant que j'en seray deschargié Ne fineray.
Seigneurs , plus ci ne demourray , Je vueil vers la royne aler ; Alons y tost, sanz plus parler.
Passez devant.
PREMIER SERGENT
Voulentiers , chier sire ; or avant , Voie , ci voie !
DEUXIEME SERGENT
E ! biaux seigneurs , se Diex vous voie , Faites , mettez vous en arroy , Si que passer puisse le roy Et place avoir.
LE ROY
Dame , je revien pour savoir
r.T DE SAINTE liAUTHF.UCH. 12^
Se vous avez point recéu D'argent que Gênais ait eu
De mes gens, dites?
BAUTHEUCH.
Assez tost après que partistes , Chier sire, on li bailla mil livres, Qui sont donnez et jà délivres , Ou auques près.
Bien de Tautre , assez tost après Arez , et ne demourra mie , Dont vous pourrez faire , ma mie , Tout vostre vueil.
BAUTHEUCH.
Mon très chier seigneur , je vous vueil
Demander pour ce que vous voy
Moult pensis et ne scé à quoy ;
Mais pour Dieu ne m'en tenez foie.
Avez vous point une parole
Oye et un dit trop bien dit
Que Salomon le sage dit:
Que tant com Tespoux son cuer euvre
Et que sa pensée descuevre ,
Et dit à s'espouse loyal ,
Tant est-il aise et hors de mal ,
128 iMinACLE DE NOSTRE DA?.IE
Et tant a il joie parfaitle Que de riens nulle n'a souffraitte?
Je le (ly pour tant , très chier sire , Que me vueilliez s'il vous plaist dire Ce de quoy vous voy si pensis , 11 a jà des mois plus de sis.
Et je vous promet loyaument Que se c'est bien aucunement Mie ne Tappeticeray , Ainçois , sire , y adjousteray A mon povoir par vérité , Aucune chose de bonté ,
N'en doubtez point.
LE ROY
Puis que nous sommes en ce point , Dame , vous sarez mon affaire :
J'ay trop grant désir d'aler faire Le saint voyage d'oultre mer , Quoy que soit long, dur et amer; Et en mon cuer est si fichiez Que oster ne m'en puis , ce sachiez.
Ny en veillant, ny en dormant, Ainçois me vient si audevant Que je ne puis mengier ne boire , Que touz jours ne l'aie en mémoire Et vueille ou non.
ET DE SAINTE BAUTHEUCH. l^li)
BAUTHEUCH.
Ha! sire Diex , vostre sainl nom Soit loez de nous et benois , Qui ne laissiez à nulles fois Ceulx qui ont en vous espérance.
Sire , par vo sainte puissance , Donnez à vostre sergent grâce , Que de cuer et de fait parface Le propos où le voy méu , Qu'en sa pensée a concéu Et en son cuer.
LE ROY
Ma chière compaigne et ma suer , Conseilliez moi le quel feray :
Ou se en ce saint voyage yray Ou se demourray en ce point , Sanz le désir qui si me point A effect mettre.
Voir je tien que le roy celestre Vous a mis ceste chose ou cuer.
Si ne la laissiez à nul fuer, Que ne l'acomplissiez briefment; Car c'est pour vostre sauvement De corps et d'ame.
l3o MIRACLE DE NOSTRE DAME
LE ROY
Or nous fault donc regarder, dame, Qui raon règne gouvernera Et qui pour moy garde en sera , Se ainsi avient.
BAUTHEUCH.
Vez ci , chier sire , il esconvienl Que nous mandons touz voz barons ; Et quant assemblez les arons , On leur requerra qu'ils regardent Un bon régent , et qu'i ne tardent , Qui puist vostre règne garder Et qui le sache gouverner , Tant que Diex ramené vous ait :
Ainsi peut trop bien estre fait , Ce m'est avis.
LE ROY
Dame, je lieng c'est bon avis , Si le feray par ceste voie.
Parigot , fai tost , si t'avoie D'aler en Flandres , droit au conte , Et que je le mans brief li conte.
D'ilec en Normandie y ras Et au duc aussi le diras.
ET DE SAINTE BAUTHEUCH. l3!
Et combien que je ne te nomme Que ces .ij. , ne laisse noble homme Ne baron qui soit en leur terre , Que ne voises aussi requerre Et dire à brief qu'il ne se tiengnent Que à mon mandement tost ne viengnent Apperlement.
DEUXIÈME SERGENT
Sire, vostre commandement A mon povoir acompliray ; Et sachiez je les hasteray Bien de venir.
LE ROY
Et tu , sanz toy plus ci tenir , A Erchenoalz t'en iras Et ci venir le me feras.
D'ileucques tant chevauche et marche Que tu viengnes jusqu'en la marche D'Orliens , et que le duc m'envoies ; Après au duc d'Anjou t'avoies Et le me fais aussi venir, Et les autres dont souvenir Il te pourra.
PREMIER SERGENT
Je feray ce qu'il vous plaira ,
iSa MIRACLE DE NOSTRE DAME
Afln de vostre grâce acquerre , Très cliier sire , g'i vois bonne erre , Par droit à vous obéir doy.
Bien me va , Erchenoalz voy , Je m'en vois à lui sanz séjour.
PREMIER SERGENT
Chier sire , Dieu vous doint bon jour Aussi que de bon cuer dit Tay !
Le roy vous mande sanz délay Que à li ailliez.
ERCHENOALZ.
Pour quoy ? Dire le me vueilliez , Se le savez.
PREMIER SERGENT d'aRMES.
Très chier sire , bien dit avez ; Pour quoy c'est , je ne le sçay pas, Mais d'y aler ne tardez pas, Car grant désir a qu'il vous voie.
Ailleurs m'en vois où il m'envoie , Chier sire , à Dieu.
ET DK SAINTE llAUTllEUCll . l 33
ERCHENOALZ.
A Dieu, amis ; sachez en lieu AuUre que ci n'arresteray Jusques à tant qu'à li seray.
Avant , Lambert , mettre en arroy ; Te fault de venir jusque au roy , Et my si fault.
