LA VIE ET LÉGENDE DE SAINCTE BAULTHEUR

au lyeu où estoient leurs enfens pour visiter le dict lyeu. Et pour ce qu'il estoit petit , le firent moultrichementëdiffier au non de sainct Pierre, en l'honneur duquel le lyeu estoit premièrement fonde. Et quant y eurent mys grant multitude de moyens , enrrichirent le lyeu , y donnant de grandz terres, et de grandz rentes en l'honneur de Dieu , de leurs enfens , et du royaulme de France du quel ilz estoient partis en la manière que dessus est dict. Après ses choses, s'en retournèrent le roy et la royne en France , louant et magniffiant nostre seigneur. Les deulx enfens demourent illecques percëvërant en leurs bons propoz , et firent en la ditte habitation bien heureulx service jusques à la fin de leurs jours qu'ilz trespacèrent de ce siècle , et que nostre seigneur reçeut leurs âmes en paradis.