V. iiij " ix r. Le fieu d'Alyst

T. Le fieu as févres :

F iiij''^xr. ^^ f'^" ^* bouverie Hue Peleit — La bourerie Robert

y^ le Bouvier

Il est à savoir que ces ij bouveries desus dites sont deservdes et acuitiées par le servise de ij hommes , lesquels ij hommes sont tenus à aler à la carue , et à feire toute manière de labourage que l'en lour voudra commander et dire, et doivent aler el bois couper des branches, et feire toutes autres besoignes de batre et de vauer et de curer les estables et d'aporter la bûche au feu, et touz autres servises, de quele condition que il soient ou puissent estre diz ne devises, en tel manière que les ij diz hommes doivent avoir chascun de soi demi mui d'orge et demi mui de mesteil , et doivent avoir le dit blé chascun mois i sestier tant que il soient paiez ; et chascun des dis hommes doit avoir demie mine de pois à caresme pernant , et demie mine d'aveine chascun à caresme pernant , et chascun i pié de lart à quaresme pernant en tous sens ; et doit avoir chascun xv deniers pour la rée bouter à avoir uns souliers ; et doivent avoir iij deniers chascun par an pour offrendes , c'est à savoir i denier à la Touz Seins et i denier à Xoel et i denier à Pasques ; et doit avoir chascun des ij hommes devant dis ij blans pains à Noël et i galon de sidre ou d'autre boivre qui le valle ; et a chascun iij journées de carue par an, et touz les meeris de toutes les Coutures à l'abbé ancienes et au couvent, comme de espiz escoquiés

et des garbes desliées , se il ne piieent enclori-e arrière es lians ; et doivent avoir le col et la teste du buef qui est tué au maneir de Quievrevile , pour tant que il ait treit à la carue ; et si doivent avoir les ij diz hommes leur despens , en quiconques lieu que il fâchent les servises desusdis, esceptez les servises que il font es coutures anciennes Saint Oein ; et doit avoir chascun i fès de bûche chascun jour, que il doit aler queire ou son commandement ; et si doit avoir chascun à la Seint Oein ij pains segons et i galon de vin et ij mes de cuisine ; et si doivent aler el mois d'aoust en quel servise que il voudront hors du servise Saint Oein , se il i voient lour preu à faire ; et si ne doivent point de talle de bois ; et ont les ij hommes desus dis lour pors quites el bois Sain Oein de pasnage , tant comme il lour en convient à lour user ; et se le genoullier de quoi les bues sont liés par nuit est d'une pièche , et le buef soit tué ou mahaignié , il le doivent rendre et restorer ; et se le dit genoullier estoit de ij pièches , il n'en paenroient rien , se il raouroit ; et si doivent les ij diz hommes garder les bues de la carue as chans par nuit au soir et au matin , de la Saint Gire jusques à la Saint Martin d'hiver ; et si doivent gésir es estables as bues pour garder les par nuit, et aporter i lour lis.

xij V. [Bordages.]

Item , il est à savoir que chascun bordage contient une acre de terre, et rent i sestier d'aveine foulé et une geline à la Saint Andrieu, et vj oeus à Pasques , et vj deniers à la Saint Oein , et servise de la graanche netier ; et doit avoir i pain d'un denier ou le denier, et doit i homme aller semondre les contes as Autels et avi Maneir, et avoir i pain ou i denier; et quant l'abé et le couvent de Saint Oein de Roem veulent edelier le maneir de Quievreville , quant le bois est coupé en Lonc Bouel , et il est en lieu que il ne puet estre mis en charette , chascun bordage i doit i homme à mettre lei à pleine terre , et doit avoir ij deniers de journée ; et si doivent mener à Saint Oein les meffeiteurs qui se raeffont el bosc , qui sont pris el bois Saint Oein , et les vis nans, quant le serjant les a pris ; et doit avoir chascun bordage ij pains à Saint Oein , i blanc et i bis.

fjiijv. [Cotages.]

11 est à savoir que chascun cotage vaut et contient autant comme demi bordage , et rent autant des rentes et des servises desus diz comme demi bordage.

Masures vilaines.

Il est à savoir que chascune masure vilaine de Quievreville doit demie mine de fourment d'oublees , hochié le boissel , quant l'en l'a mesuré à la mesure de Quievreville marchaande , à la feste Saint Andrieu ; et ij sestiers d'aveine foulée et iij gelines à la dite feste ; et à la l'asque , xij oeus ; à Rouvesons , xx deniers de préage , de sommagc et do montonnage ; et à la Saint Jehan Baptiste xv sous, pour rachat des servises de mener les fiens es chans, et de porter le blé batu a l'eaue , et de mener iij arbres de la forest de Lonc Bouel , lesquels iij

arbres l'abbé et le couvent out en la livrée à cois , c'est à savoir ij hestres à Noël et i à la Saint Jehan ; et xv sous à la Saint Michiel pour ces meismes servises ; et vj deniers à la Saint Oein pour oeus ; et XV sous à la Saint Michiel de campartage , de la vente monseigneur Lorens le Chamberlenc ; et iiij deniers à la Saint Michiel au chelerier pour le cariage du vin ; et i homme à la meison lever, quant l'en fait meison el maneir de Quievreville , et doit avoir ij deirées de pain ou ij deniers ; et une carecte à amener le merrien de la livrée de Lonc Bouel , qui convient au maneir de Quievreville ; et aporter une coûte au maneir de Quievreville , quant il en sont semons ; et l'aide de la porte de Lyons ; et disme et campart ; et sont quites de aide d'ost pour l'aide de la porte de Lyons que il paient.

1'. iiij xvij r.

ÏMARE

Chescun fieu d'Ymare reliève par v sous le masage , et par xij deniers l'acre de terre, fors les masures vilaines qui relièvent par xv sous ou par ime beste , par tele condicion que l'eir doit choisir la meillor beste , et l'abbé l'autre mellor aprèz.

De rechief, il dient que le commun de la ville d'Ymare rent un muy d'aveine de secque moulte et doivent moudre là où veuUent.

Les anciens demeignes .

Les demeignes par achas

Vavassories.

Il est assavoir que Thommas le Mère vendi xx sous de

tornois et vj capons de sorcens au trésorier deu convent sus tout son héritage, de quele condicion que ilfust, ou franc ou vilain. — Le franc Heu Thommas le Mère contient xj acres de terre , et rent xij sous de pourport, et si rent xx sous de tornois et vj capons de sorcens, etc.

Friecques.

ir. cj r. Le franc fieu d'Ugierville.

Le franc fieu de la Mareschaucie.

32 Inmi'c, ancisuni' paioisst (lu doycnud ik- rciiors sur AmluUo.