LETTRES DE RÉMISSION POUR JAQUIN DE CHENEVIÈRES DE TAVERNI
«Trésor des Chartes, Reg. 86, f> 67 v\) Ce document figure au nombre des pièces justificatives de M. Luce.
Charles que comme nagaires en la grant tribulacion qui a
este ou dit royaume que les genz du plat pais ont ars et essillie plusieurs maisons de gentilz hommes et aucuns d'iceuls mis a mort et par especial en la terre et chastellerie de Montmorency Jaquin de Chêne vieres de Taverni ait este esleuz a capitaine par les habitanz de la dite chastellerie et d'autres qui requirent à Symon de Brienne prevost de Beaumont sur Aise et. capitaine de la conté de Beaumont et de tout le pais environ les quiex chevauchaient à force d'armes sur les diz genlilz hommes que il leur feist un capitaine en la teiTe de Montmorency lequel prevost leur respondit eslisiez, les quiex nommèrent à une voiz le dit Jaquin et pour soy escondire ou autrement ne povoit estre qu'il ne le feust ou autrement ils l'eussent mis à mort, les quiex habitanz firent plusieurs maux en la présence dudit Jaquin qui touz jours leur disoit Ne boutez nuls feux, et, pour les plus tost faire cesser leur disoit Attendez a une autre foiz, et pour ce l'appelloient traytre et li vouloient couper la teste. Et par euls fil pris des diz nobles un escuier appellè Raoulet de Betemont lequel en la présence du dit Jaquin fu mis a mort, et se le dit Jaquin eust osé contredire il n'eust point esté mis à mort. Toutevoies fu par le dit Jaquin sauvée et gardee de morir la dame de Chatou ses enfanz neveux et plusieurs autres nobles. Et com-
ÉTIENiNE MARCEL.
bien que le dit Jaquin eiist eu en ce temps du feu prevost des marcheans de Paris certaine commission contenant que toutvs forteresses et maisons qui seroient assises au cuer de France entre deux yeaues, qui au dit Jaquin sembleroient estre préjudiciables a la ville de Paris et a tout le plat pais feussent mises terre et arrasées en telle manière que personne n'y peust habiter, neantmoins il ne exécuta point ycelle commission ne par son ordenance ne fu oneques riens fait mais fu fait par yceuls gens avec les quiex il convenoit qu'il feust capitaine, et toutes ycelles maies façons le seigneur de Montmorency a qui le dit Jaquin est hostc et justiciable, a pardonné a lui et a tous autres qui en sa terre ont este aux diz feuz.
Meaux, Juillet 1358.
vin
LETTRES DE RÉMISSION PODR JEAN DERONER.
(Trésor des Chartes, Reg. 86, f» 176 v\)
Charles que comme Jehan Deroner de Meleun luy estant a
Meleun avec sa famé qui grosse estoit et preste de gésir d'enfant, quant les ennemis de Monseigneur et de nous vindrent en la dite ville de Meuleun et demourant en ycelle de la partie que tiennent les diz ennemis se soit touz jours tenuz en la dite ville depuis la dite venue des diz ennemis, sanz ce que aucun mal engin il poussast contre mon dit seigneur et nous mes que seulement pour sa dite famé garder tant que elle fust relevée et que les diz ennemis fussent moins meuz a faire a sa dite faine aucune villanie et le dit Jehan soit et ait touz jours este bon et loyal François...
Au Louvre. Novembre 1358.
LETTRES DE D0WATI03 POUR LA FEMME PERROT DE SOISSOKS (Trésor des Chartes, Beg. 86, P 120.)
Charles que Ysabel faine feu Perrot de Soissons nous a
expose en soy greefment complaignant disant que comme Regnault Maguet et Perrinet Jobart jadis voisins et amis du dit fou Perrot feussent allez aux effrois qui derrenierement et nagaircs ont esté entre les genz des plats pais et les nobles du dit royaume, et durant yceulx effrois feust venuz a la cognoissance du dit Perrot mari de la dite complaignant que les dessuz només Regnault et Perrinet estoient pris par les dix nobles, ou par les genz de leur compaignie, et pour ce ycelui Perrot, mon de amistie envers les dessus nomez ses voisins, ce feust trait celle part ou il cuidoit plus tost aux nouvelles de eulx pour eulx aidier et avoir leur délivrance pour rançon, ou autrement, le plus convenablement qu'il eust pu, et en les querant eust esté le dit Perrot trouve par les diz nobles ou leurs genz les quelx le mirent ou firent mellre a mort moult laidement par chaleur desordenee et sanz cognoissance de cause, et combien qu'il neust rien meffait auz diz nobles ne autres personnes ne fait ou perpètre chose dont il deust avoir receu mort. Toutevoiez notre amcz féal conseiller larcevesque de Reims ou ses genz ont empesche ou empeschent les biens qui appartenoit au dit Perrot et a la dite complaignant au temps de son vivant et scfforcent de les apliquer au proffit du dit arcevesque, comme confisquez a lui pour la cause dessus dite.
Paris, septembre 1558.
LETTRES DE DONATION POUR LA FEMME DE JAQUET DIACRE. iTrésor des «'.haï tes, Beg. 86, P lîl v.)
Charles....- que Perrote famé de feu Jaquet Diacre nous a exposé en soy griefment complaignant disant que comme Re-
nault Nagui t et Pierre Jobart jadis voisins et amis du dit feu
Jaquet (Le reste comme dans la lettre précédente.)
Paris, septembre 1558.
