LETTRES DE RÉMISSION POUR LES HABITANS DE SAINT-THIERRY, ETC

(Trésor des Chartes, Reg. H6, C 130.)

Charles que a nous ont fait humblement supplier les ha-

bitanz des villes de la mairie de Saint-Thierry, c'est assavoir de Saint-Thierry, Tahnersy le grant et le petit Pouillon, Villers Saincte-Anne, Chenay, Chalon sur Veellee et de Villers Franqueux que comme nagaires plusieurs nobles passassent parmi le pais denviron, et près de la ville et cite de Reinz, et pour ce que aus diz habitanz et a plusieurs autres villes fut rapporte que les diz nobles sefforcoient de pillier ou dit pais ja soit ce que il avoit este crie, et deffendu generalment et es dites parties par vertu de nos lettres données au département de nostre dernier hosl devant Paris que aucuns ne pillast boutast feux ne efforcast faînes et aucuns des diz nobles en retournant de notre dite host eussent pillic prins chevaux navre genz et fait plusieurs aulres exceps plusieurs des diz habitanz se fussent mis en emoy pour obvier et contrastier a la maie et desordenee volente daucuns diceulx nobles les quiex estoient alonne devant Remz et lors yceulx nobles fussent venuz assaillir plusieurs des diz habitanz en criant a la mort ces villains, et la en eussent occis et mis à mortjusques au nombre de cinquante et plus. Neanlmoins le prevost forain delaon qui est prevost fermiers a faiz les diz habitanz des dites villes pour la plus grant partie de huys en huys et par main mise adiourner a comparoir personnelment à Laon en disant et voulant proposer contre eux que il ont assailli les nobles qui retournoient de nostre service et s'efforce

diceulx melti e pour ce eu procès et traire a amende contre raison et droiture, et que pis est les diz nobles accompaigniez de plusieurs autres se soient depuis efforciez et sefforcent encore de jour en jour de chevauchicr et chevauchent continuelment es dites villes de mettre a mort et peurs genz et chevaux de harnais et autres, a rançonner villes et genz, pour lesquelles choses il a convenu touz les diz habitanz des dites villes aler de mourer hors dicelles sanz que aucun y soit demouré, mais sont les maisons demeurées vagues et les biens qui sont ou pais périssent aus champs et aussi les autres héritages demeurent gastes incultives et inutiles dont très grant domage et inconveniens se pourroient ensuir, car le pais en pourroit estre desers, les villes despeupliees et la bonne ville de Remz perie laquelle se gouverne des villes du plat pais se gouverne par ycelle. Paris, aoùH 358.

lettres' de* nÉmssioif pour les habitans de heislemarrois. Jrésor des Charles, Reg. 86, p I2Î r v\ï

Charles .... que comme les habitanz de la ville de Heislemarrois en la prevoste de Vitry aient este ou envoie certaines personnes avec les habitanz de^ plusieurs autres villes du pais de Champaigne en plusieurs assemblées par euls faites, es quelles assemblées aient este faites si comme on leur impose plusieurs conspirations allietices et monopoles encontre les nobles et clergie du pais pour les destruire et mettre a mort, combien que de fait par les diz habitanz aucune chose ne sensoit ensui et pour ce aucuns des diz nobles aient pille et couru la dite ville dont les diz habitanz sont si grevez et domagiez que a peine sen pourront relever et nonobstant ce notre ame et féal cousin et lieutenant es parties de Champaigne le conte de Vaudemont a pour

suiz et approchiez par devant lui ou ses députez les diz liabitanz tant que (maniement il le a pour ce condempnez ou traiz a compositions a la somme de mille escuz dont ils sont obligiez envers notre dit seigneur et envers nous, en acceptant les dites condempnacions et compositions certaines personnes des diz habitat» que on dit avoir este aus dites assemblées a faire les dites aliances conspiracions et mono polies desquelles personnes qui pour ce se sont renduz furtiz et absentez du pais, nostre dit cousin et lieutenant a reserve la punicion par devers lui. Et pour les dites sommes paier notre dit cousin et lieutenant ou autres de noz officiers se sont efforciez et efforcent de contraindre les liabitanz de la dite ville et pour ce aient fait prandre et saisir aucuns de leurs biens et quil nont de quoi vivre mais sont mis a pauvreté se par nous ne leur est sur ce pourvcu de gracieux remède si comme nos bien amez les seigneur et dame de la ville de Heislcmarrois dessuz dite nous ont fait signifier en nous suppliant que sur ce nous vousissions faire grâce aus diz liabitanz f et avoir deux pitié et compassion, car autremént les diz habitanz ne les pourroient paier des rentes et redevances que il prannent en la dite ville.

Paris, 28 septembre 1358.

Immédiatement après cette lettre on trouve, au registre 86, les lignes suivantes :

Item une autre semblable en la fourme pour les habitauz de la ville de Strepey, en la prevoste de Vitry.

Item une autre en la fourme semblable pour les habitanz de la ville de Vitry la ville.

Item une autre en la fourme semblable pour les habitanz des villes de Bugnicourt et de Dully en la prevoste de Vitry fors que tant que il nont point compose. •

LETTRES DE RÉMISSION POUR JEAN MOREL, CURÉ DE BLAÇ.W. (Trésor des Chartes, R. 86, f* 89.)

Ce document figure au nombre des pièces justificatives ce M. Luce.

Charles oyela supplicacion de messire Jehan Morel prestre

curé de la ville de Blaccy contenant que comme nagaires les communes des villes du plait pays de Pertois aient fait plusieurs assemblées en divers lieux pour abattre et ardoir les maisons des nobles du dit pais et eulx mettre a mort si comme on disoit et pour ce cuidans que les curés des villes du dit plait pais et especialment le dit suppliant fussent favorablement et obéissent aus diz nobles d*icelui pais les tenoient touz pour traistres et par cspécial le dit suppliant auquel il dirent par plusieurs foiz qu'il avoit vendus les cloches de la dite ville de Blacey aus nobles du dit pais et que ce avoit il fait comme faux traistres et desloiaulx, dont les plusieurs des diz curés et especialment le dit suppliant furent en grant péril et en grant double de leur corps par plusieurs foiz, et pour ce le dit suppliant qui de jour en jour sentoit et veoit teies motions et telz perilz, et auquel par plusieurs foiz furent dites par aucuns des parrochains et habitanz de la dite ville de Blacey plusieurs paroles de menaces et injurieuses doubtans que par les dites genz ne fust mis a mort a la monté a cheval avec* ses diz parrochiens a une assemblée faite par les dites communes en la ville de Saint-Verain senz aucune armure porter fors seulement un court bâton et là dansa avec ses diz parrochiens et yceulx ordena a la dense en faisant les rens du dit bâton et eulx continuelment exortant a faire bonne chiere, lequel suppliant estant en la dite assemblée a Saint-Verain les genz de la dite ville de Blecey qui demourees esloient en ycelle prinrent et a eulx appliquèrent senz le gré et consentement du dit suppliant certaine

quantité do grains a lui appartenais en son grant préjudice et domage ne oncques ne fust a assemblée qu'il eussent faite fors que celle fois tant seulement et ne les conforta ne ayda en aucune manière fors comme dessus est dit. Et pour ce les no bles du dit pais tiennent en doubte le dit suppliant et n'ose comparoir en la dite ville de Hlacey pour doubte de son corps, ont prins et prendent de jour en jour ses biens meubles lievent et appliquent à eulx et à leur prouffit ses rentes et aques, et soubz umbre de ce que les dites genz de la dite ville de Blecey priment ses diz grains imposanz au dit suppliant qu'il avoil abandonné touz ses grains qu'il avoit en sa maison aus dites communes en elles aidant et confortant à faire les maléfices (mil avoit propossè a faire, combien que le dit suppliant nait l iens méfiait fors comme dessus est dil et que en la dite assemblée nulz nobles ou autres fust mis a mort ne aucune maison arse ou destruitc en aucune manière...

Paris, septembre 1358.

LETTRES DE RÉMISSION POUR THOMAS CONSTEREL. (Trésor des Chartes, Reg. 86, M 46 v.)

Charles que les amis charnelz de Thomas Consterel prisonnier détenu es prisons de nostre aine et féal cousin levesque de Beauvez nous ont expose que pour ce que au temps des effroiz et commocions qui derrenierement et nagaires ont este entre les nobles et les genz du plat pais, y celui Thomas qui par le temp» estoit familier de messire Walle de Monligny chevalier et garde de son hostel a este avecques plusieurs des diz nobles contre les dites genz du plat pais a prendre gaster et dissiper leurs biens et aucuns mettre a mort le baillif de nostre dit cousin

la fait prendre et tenu longuement es prisons de*nostre dit cousin et fait gehenner trestrucusement <»t en après, quar il a con- * fesse les choses dessus dites ou aucunes dicelles et par especial ou temps des diz efTroiz avoir mis a mort Soybert Ponquet qui avoit prins pille et enporte les biens de lostel du dit chevab'er son maistre et y mit le feu le devant ditbaillif la condempne a peure mort. Si nous ont humblement supplie les diz amis charnelx comme ou mois daoust darrenierement passe depuis que nous venismes en nostre bonne ville de Paris nous avons ordene que tous les diz nobles pardonnent aus dites genz du plat pais et les dites genz auz diz nobles et a leurs gens et adherens tout ce quil pourroient avoir meffait les uns envers les autres et que toute voie de fait et poursuite criminele soit forclose aus dites parties, sauf tant que chascun puisse poursuivre domages et injure par voie de justice civilement devant mon seigneur ou nous ou nos genz, et aussi le dit Thomas soit et ait tout le temps de sa vie este homme de honnête vie et famé et de honneste conversacion, sanz ce qu'il ait este altains. ou convaincus dans autre villain cas ou maléfice et le dit feu Soybert estoit de mauvaise vie convcrsacion et renommée nous en regart a ce que dit est vousissions en cette partie pourveoir au dit Thomas de remède

gracieux mettons au néant et restituant le dit Thomas à sa

bonne famé renommée biens es pais de lautorite royal.... nous voulons et donnons licence a notre dit cousin et a son dit baillif que au dit Thomas puissent faire sur ce semblable grâce et de exécuter la dite condempnacion eulx de porter et désister du tout ycelui Thomas mettre a plaine délivrance sanz ce que a nostre dit cousin ou a sa juridiction il tourne a préjudice, ores ne ou temps avenir, touttefoiz voulons nous et enjoignons au dit Thomas que pour la paine en quoy il puet estre encheuz pour les faiz dessuz diz et laquelle se ne feust ceste nostre présente grâce il eust soufferte a cause de la dite condempnacion ycelui Thomas dedans la feste de la nativité saint Jehan-Baptiste prochain venant, voit en pèlerinage a nostre dame de Rochemadour et de la perfection du dit pèlerinage apporte lettres cren-

bles au baillif de Senliz

Paris, décembre 1558.