LVI. Ung car chergié de acher (1) doit son acquit c

(1) Acier.

doit pour chascune garbe dudit acher, qui est pesant V livres ou environ, m oboles. C'est le cent de pesant, II sols, VI deniers. Et s'il y a poix de querque, le harnas doit V sols de conduit sans querque.

LVII. Ung car menans queues ou cocquez de widenghe, fustaille soit en garbe ou aultrement, la pièche doit i obole pour tant qu'elle tiengne l los ou plus avec laquit du harnas qui ce menrroit, et ne doit querque, ne conduit.

LVIII. Ung car ou carotte chargié de cuir blancq doit son acquit du harnas et ledict car se acquitte à le querque, et sil y a poix assez comme de vi^^ x livres ou plus ; le harnas menant ledit cuir doit v sols de conduit.

LIX. Se ung voiturier maisne avoir à pluiseurs marchans à voiture sur car ou carotte, et que soit avoir que les marchans doyent acquittier l'oultrage, comme de draps d'or, de soye, cendaux, pains de chucre et telz choses qui payent oultrage que le marchant restitue ou voiturier, se le car ou carotte qui ce menrroit passoit sans acquittier chascun avoir estant dudict harnas de le condicion desous dicte, ce seroit amende de lx sols parisis.

Item, et se ledit voiturier avoit ii ou trois harnas ou plus, se ravoir qui doit oultrage, comme dit est, n'estoit acquittiez avant que il passast oultre, ledit voiturier seroit pour chascun harnas, fust car ou carotte, pour cause dudit oultrage à amende de lx sols parisis, et fust ledit avoir tout à ung marchant.