MALADRERIE DE N. D. DES BARRES

Fondation pieuse.

Philippe, par la grâce de Dieu roys de France, savoir faisons à touz présenz et a venir, que comme les proviseurs frères et seurs de la Maladrerie Nostre-Dame des Barres pour les trèsgrauz et évidenz miracles qui ont esté ou temps passé et encores sont faiz notoirement de jour en Jour oudit lieu, aient encommencié et fait ou la greigneur partie une chapelle en l’onneur et reverence de la benoîte glorieuse Vierge Marie des aumosnes et appors que les pélerias et bonnes gens qui de loing y viennent en pélerinaige y ont fait et font chascun jour, et lesdiz proviseurs frères et seurs de ladicte maladrerie soient si pouvres et aïent si poy de fondation et revenues que il ne pevent faire ne soustenir les choses qui y sont neccessaires et pour ce nous ont humblement supplié afin que le divin servise puist miex et plus honorablement estre célébré en ladicte chapelle que nous leur vousissens faire nostre grace et aumosne pour aider à soustenir leurdicte chapelle et maladerie : nous inclinanz à leur supplicacion et pour acroistre ladicte chapelle et maladerie, avons donné et octroyé, donnons et octroyons, par la teneur derces présentes, pour Dieu et en aumosne, de nostre plain povoir, de certaine science et grace espécial, a touz jours, héritablement … et perpétuelment, ausdiz proviseurs, frères et seurs pour eus et : pour leurs successeurs, l'usage en noz boys d’Orliens en lagarde

de Courcy-ou-Loige, emprès pié, pour leur ardoir, pour édifier et pour soustenir leurdicte chapelle et maläderie, les appartenances et heritages d’iceulz presens et a venir, Où que il soient, et parmi ce il nous octroient gracieusement à faire célébrer en ladicte chapelle chascune sepmaine au jour de jeudi, perpétuellement et sollempnement pour nous et pour les nostres à qui nous sommes tenuz, une messe dou Saint Esperit, et aussi après nosire décès vigilles ei messe de morz pour l'ame de nous chascune sepmaine au jour de lundi perpétuelment, Si donnons en mandement aus maistres de noz forez qui a présent sont et qui pour le temps a venir seront, Que il facent et lessent joir et user paisiblement les dessusdiz proviseurs frères et seurs de ladicte maladerie et leurs successeurs doudit usage par monstrée et livrée dou sergent de ladicte forest. Et que ce soit ferme et estable à touz jourz mais, nous avons fait mectre nostre scel en ces lettres, sauf nostre droit en autres choses et l’autrui en toutes. Donné à Chasteauneuf-sus-Laire, le XIe jour de novembre, l’an de grace mil CCG quarante et deux, souz nostre scel nouvel. Par le roy. Barrier.

(Extrait d’un vidimus passé en 4454, sous le sceau de la prévôté d'Orléans). — Arch. du Loiret. Fonds Sainte-Croix.

ae mme > ME! AE mme

PAROISSES DE VITRY, COMBREUX, SEICHEBRIÈRES

Charte confirmative, avec énonciation de motifs

spéciaux.

ès

Loys, fils de roi de France, duc d'Orléans, conte de Valois et de:Beaumont, aux maistres de nos eaues et forests d Orléans, ou à son lieutenant, salut. Nous avons oye la supplication des habitans de Vitry o Loige, Seiche-Bruyères el Combreux, en nos forests d'Orléans, consors en cestie partie, contenant il comme ils aient accoustumé d’avoir usaiges en icelles nos fo-

rets, c'est assavoir a bois sec,au boys mort, au mort boys, aux arrachés et aux ramoisons verts, et aussi pour maisonner et pour leur chauffaiges et leur autres necessités, et de ce aient joy et usé paisiblement et notoirement au veu et sceu des maistres desdittes forets et de quelconques autres officiers, sans ce qu'il y eut eu aucun empeschement, et ce aulcun en ont eu, sy a il esté osté au proffit des dits supplians et des diz usages sont en possession et saisine de tel et si long temps qu’il n’est memoire du contraire, et a cause d’icelluy lesdits supplians sont tenus aller et estaindre le feu si par aulcune avanture il est mis esdittes forets et de ce sont requis par cry solempnel et autrement duement, et aussi ils ne pourroient autrement vivre audit pays considéré les petits labouraiges qui y sont, lesquels: labouraiges il leur convient garder jusques a ce qu'ils soient recuillis et repoux en grenier ou autrement tout leur labour seroit à eux inutille pour les bestes sauvaiges, et est laditte ville de Vitry la plus notable qui soit en nos dittes forets et la ou vous et vos prédécesseurs maistres d’icelles forets avez accoustumé de tenir et tenez vostre siége et juridiction. Néantmoiïings vous avez deffendu aux dits supplians que ils n’usent aul-

cunement desdits usages qui esten leur grand dommaige, et.

leur fauldroit laisser le pays se par nous y estre pourveu de nostre grace si comme il dient requerant humblement icelle, pourquoy nous inclinans à la supplication desdits habitans, vous mandons que appeller nostre procureur ou cas qu’il vous apperra par information et autrement deument lesdits supplians avoir ledit usage en nos dittes forets et d’icelluy avoir deument Joy et usé, vous les en faites, souffrez et laissez ainsi Joyr et user paisiblement sans aulcun destourbier ou empeschement, car nous plaist il estre fait et aux dits supplians l’avons octroyé et octroyons sy mestier est de grace especial par ces présentes, non obstant ordonnances, mandemens ou deffences quelconques a ce contraires. Donné à Paris le second jour de septembre l’an

de grace mil trois cens quatre vingt treize. — Par monsieur le duc, à la relation du conseil. H. Guingnant. — 0,20635, IL,