LA BOISSELLERIE

Amplification de la teneur d’un usage.

Philippe, par la grace de Dieu roys de France, savoir faisons a touz présens et avenir que comme Pierre de Surie nous ait donné a entendre que pour” raison de la garde des seaulx de la prevosté de Lorriz en Gastinoïs, laquelle il a et tient de par nous, il ly convient sceller touttes les lectres qui sont faictes soubz lesdiz scaulx es dictes ville et prevosté combien que tout le prouffit en appartiengne à nous, senz ce que il en ait ou ait eu ou temps passé prouffit ou esmolument aucun : nous aït humblement supplié que l’usaige que il a et prent a présent en

nostre forest d’Orliens, en la garde de Chaumontois, en l'Usaige

que l’en dit aux femmes, pour lui, pour sa fame et famille, à col tant seullement, pour sa maison de la Boissellerie, nous ly vousissions muer icellui usaige et octroyer a ce que doresnavant il l’eust et preist a charrete et a coupper empres pié. Nous eue considéracion et regart aux bons et aggréables services que ledit Pierre nous a faiz en la dicte garde des seaulx et que nous esperons que il nous face encores en temps avenir et aussi aux autres choses dessus dictes, avons octroyé à icely Pierres, et par ces lettres octroions de grâce espécial et de certaine science que ledit usaige il et ses hoirs aient et preignent doresenavant pérmanablement à charrete et a coupper empres pié pour eulx, leur fames et leurs familles pour ladicte maison de Boiselerie et pour faire toutes leurs nécessitez. Donnans en mandement par la teneur de ces presentes lectres aux maistres de noz forestz qui ores sont et qui pour le temps à venir seront et a chascun d’eulx...... Donné à Saint-Germain en Laye l’an de grace mil trois cens quarente et un ou mois de may. Par le roy, Present

| — 595 — monseigneur H. de Meudon, a la relation de Mess. P. de Villaines et P. de la Palu. J. Cordier, Sine financi R. de Balchein

Debet constare de dicto primo usagio. Q. 590. f. 25 vo, — 0,20642, f, 57.

HOTEL D’AMBENRT A OMLÉANS

Amplification de l’emploi d’un usage.

Charles, par la grace de Dieu roy de France scavoir faisons à tous presens et advenir que nous aians spécial devotion a l’ordre et a la religion de nos bien amez les religieux de Saint-Pierre Celestin, desirant nous monstrer envers -eulx favorable, afin qu’ils soient tenus de prier pour nous et le bon estat et prosperité de nostre royaume : aux religieux, prieur et couvent de la maison d'Ambert dudit ordre, assise en nostre forest d'Orléans, avons octroyé et octroyons de certaine science et grace especial par ces presentes, que pour le soustenemerit et usaige de bois tant pour ardre comme autrement de leur maison ou hostel qu'ils ont en nostre cité d'Orléans, auquel hostel ils retroient eulx et leur biens en temps de guerre, ils aient et puissent avoir et prendre bois en nostre ditte forest par eulx et leur successeurs religieux de laditte maison, au lieu ou lieux, et par la forme et maniere qu’ils l'ont et preignent et le peuvent avoir et prendre, par ottroy a eulx fait par nos predecesseurs, et selon ce qu'ils en ont joy et usé pour leur ditte maison d'Ambert et qu'il est plus a plain contenu ez lettres de nosdiz predecesseurs fectes sur ce. Si ordonnons en mandement à nos amez et feaux gens de nos comptes a Paris, au gouverneur du baillage d'Or ”

L ppE

léans et aux maistres de nos eaues et forests presens et avenir, et a chacun deulx si comme a luy appartiendra, que lesdiz religieux d'Ambert ils facent, sueffrent et laissent joyr et user paisiblement de nostre presente grace et ottroy selon la forme et maniere dessus dittes et qu’il appeira par lesdittes lettres. Et affin que ce soit ferme et estable chose a tousjours, nous avons fait mettre nostre scel a ces lettres sauf en autres choses nostre droit et l’aultruy en touttes. Donné en nostre chastel du bois de Vincennes, l’an de grace mil CCCLXX VII et le XIIEI® de nostre regne; ou mois de juing. — (Extr. d’un vidimus de 1392.) — 0,20640, f. 228.

WMANOIRS D’AUXYX, MONTESPERANT

Transport de droit d’usage.

Philippe, par la grace de Dieu roy de France, scavoir faisons a tous presens et advenir que comme Guillaume Pouquaire ait, si comme il dit, une maison en la paroisse de Nibelle au lieu de Montesperant laquelle a l’usage en nostre forest du Loïge en la garde de Vitry au boys mort, et la tient de Saint-Denis ; laquelle maison soloit estre a trois personnes lesquelles avoient tous trois usage en laditte forest et en usaient, etledit Guillaume ait une maison à Chaïlly, laquelle il tient de nous en fief, et une maison à Auxi, laquelle est en nostre justice et seignorie, et il nous a supplié que nousli voulsissions donner de grace especial povoir et congié de mener de l'usage que laditte maison de Montesperant a en nostre ditte forest en ses maisons de Chailly et de Auxi dessus-dittes deux charrettées la sepmaine a toujours

mais pour lui et pour ses hoirs et successeurs et pour ceulx qui de luy auront cause. Et parceque nous vosismes savoir quel dommaige nous pourrions avoir si nous faisions la requeste dudit Guillaume , nous mandames à nos amez et feaulz, chevaliers, maistres et enquesteurs de nos forestz, Henry de Meudor, Symon le Porchier et Philippe le Paumier, que sur fce ils s’enfourmassent diligemment et nous rescripsissent ce que trouvé en auroient. Lesquels nous ont escript qu'ils s’en sont diligemment infourmés, et par plusieurs personnes, et que par laditte information ont trouvé que les deux charrettes par sepmaines valent par an cent quatre sols ou environ, chacune charrettée a trois chevaux prisée douze deniers, et que selon ce nous ne serions dommaigé que de cent et quatre sols par an et de tant li feront proffit. Nous voulans faire grace audit Guillaume li avons donné de grace especial pour li et pour ses hoirs et pour ceulx qui de lui auront cause que il puisse prendre les cent et quatre charretiées par an en sa maison de Montesperan ou en nostre ditte forest de Loige de l'usage que la ditte maison y a pour mener en ses dittes maisons de Chailly ou de Auxi a tel temps comme il leur plaira, mais que touttes lesdittes charrettées soient menées es dittes maisons dedens l’an pour en user en la maniere que ledit Guillaume le puet faire pour sa ditte maison de Montespera. Si mandons et commandons aus maistres de nos forets presens et avenir et a tous autres a qui il puet ou pourra appartenir que de nostre dit den leissent et facent joir ledit Guillaume, ses hoirs, ses successeurs et ceux qui auront cause de luy, et que ce soit ferme et estable a tousjours mais nous avons fait mectre nostre scel en ces presentes lettres. Donné à Louvre les Paris lan de grace mil trois cens trente six, où mois de janvier. —

0,20642, £. 93 v°. — Q.590, n°. AO f. 43 v.

EE LR 7