PIÈCE XVIII

[141'J] 16 .so])t€nibi«, Mehiui-sur-Yèvre. — Lettre de Charles, réfjcnt de France, DdKlthin de Viennois, dur, de Berry et de Touraine, comte de Poitou, uiin()ii<;ant aux Lyonnais qu'il suspend le procès pendant entre Varcliecêqae de Lyon et les consuls au sujet des fossés que ces derniers renient faire creuser entre le château de Pierreseize et la porte de Bourgaeaf, aucune décision ne devant être prise avant que le bailli de Mdcon et le seigneur de Beauchastcl ne lui aient fait parvenir leur rapport.

A noz chiers et bien ame/ les conseillers de la ville de Lyon sur le Rosne. {Au dos).

/^Original sur papier. Au dos, faibles traces de scellement.) De par le regent le royaume, Daulphin de Viennois, duc de Berry, de Touraine et conte de Poictou.

Ghiers et bien amez, nous avons sceu que descort et débat est entre nostre amé et féal conseiller de monseigneur et de nous larcevesque de Lion et vous pour occasion de ce que vous voulez faire certains fossez depuis son chastel de Pierre Assise jusques a la porte de Bourneuf, de la dicte ville de Lion, a quoy il s'est opposé; pour quoy, nous ce que dit, considéré voulans et desirans nostre dit conseiller et vous ensemble demeurer en bonne paix, amour et transquilité sans mouvoir aucun plait ou débat pour occasion de ce, avons mis et mectons en notre main le dit débat jusques a ce que nous et nostre conseil soions sur ce informez, pour laquelle informacion faire nous escrivons et mandons a noz amez et, feaulx conseillers et chambellans le bailli de Mascon, seneschal de Lyon, et au seigneur de Beauchastel, que de et sur ce que dit, est, se informent diligemment, et la dicte informacion nous renvoient feablement clouse soubz leurs seaulx, ensemble leur advis, afin que icelle par nous et nostre conseil veue, puissons pourveoir sur ce que dit est de remède convenable, si vous prions et mandons de par mon dit seigneur et nous, que pour éviter la discencion, inconvénient et débat que pour occassion de ce s'en pourroient ensuir entre nostre dit conseillers, nous et le commun de la dicte ville, vous vueillés déporter et superceder de plus procéder ou fait dessus dit, jusques a ce que aions la dicte informacion faicle ou a faire par nos diz chevaliers et chambellans, laquelle par nous et nostre conseil veue, nous y pourverrons télement que nostre dit conseiller et vous en serez ou devrez estre contens par raison, et au seurplus de noz nouvelles dont bien savons que desirez oir en bien, nostre amé et féal conseiller et chambellan, Guillaume de Martel qui s'en va par delà est chargié de par nous de vous en rapporter bien a plain. Nostre Seigneur soit garde de vous. Escript a Mehun sur Yevre, le WL'jour de septembre.

Gharles Picart,

(Arch. mun. de Lyon A.A 2a, n» 21).

318 PIÈCKS JUSTIFICATIVES