PIÈCE XVII

[1419] 14 août, Jargeau. — Lettre de Charles, régent de France, Dauphin de Viennois, duc de Berry, de Toiiraine et comte de Poitou, à Varchevêque et aux habitants de Lyon, leur ordonnant de publier le texte de la paix faite récemment et de veiller sur les conspirations qui pourraient troubler l'ordre de la ville.

[Citée p. 1 1 , n. a]". (Original sur papier. Au dos, débris de sceau en cire rouge.) A très révérend père en Dieu, noz très chiers et bien amez les arcevesque, gens du clergié, consulz, bourgois et habitans de la ville de Lyon. (Au dos.)

De par le régent le royaume, Daulphin de Viennois, duc de Berry, de Touraine et conte de Poitou '.

Très révérend père en Dieu, très chiers et bien amez, nous avons receu voz lettres faisans mencion des lettres de la paix derrenierement faicte, lesquelles n'avez voulu faire publier sans savoir sur ce premièrement nostre plaisir et voulenté, dont nous sommes très contens et toutesfois pour ce que véritablement bonne paix a esté faicte en ce royaume par monseigneur et par nous, ainsi que plus a plain est contenu es lettres dont nous avez envoyé la copie, nous voulons et nous plaist que icelles lettres vous faictes publier solempnelment garder les solempnitez en tel cas acoustumées, et oultre que icelle paix vous faictes garder et entretenir, car ainsi mon dit seigneur et nous l'avons ordonné pour le bien commun de tout ce royaume, pourveu toutesvoies que se par delà savez ou trouvez aucuns sedicieux, noiseux, banniz ou autres qui en fait ou par parole facent conspiracions, monopoles ou autres choses contre la dicte paix ou le bien publique des villes et pais de Lyon vous y pourveez par telle manière que inconvénient n'en ensuyve ou que le faciez savoir aux officiers de mon dit seigneur et nostres estans par delà, et ainsi l'avons dit de bouche et ordonné au bailli de mon dit seigneur estant par devers vous. Très révérend père en Dieu, très chiers et bien amez, Nostre Sire vous ait en sa saincte garde. Escript a Jargueau le XIIII" jour d'aoust.

Charles Picart,

(Arch. mun. de Lyon AA 22, n" 16).

^ Comme on sait, rég'cnt est ici un véritable participe présent. (En latin : regentem.)

PIÈCES JISTIFICATIVKS 317