PIÈCE XXI

[1420] 9 février, Vienne. — Lettre adressée par le Conseil du Régent aux consuls de Lyon, leur déclarant qu'ils auraient tort de se plaindre du Régent, attendu que les foires demandées ont été octroyées avec toutes les franchises possibles et qu'en outre on a fait ce qu'on a pu à propos du Parlement et du grenier à sel réclamés par les Lyonnais.

[Citée p. 17, n. 2]. A nos très chiers et grans amis les procureur et conseillers de la ville de Lyon.

Très chiers et grans amis, Anthoine de Varennes, escuier d'escuyre de Monseigneur le Régent a rapporté a mon dit seigneur en nostre présence ce que Claude de Pompierre et Léonard Caille lui ont dit de par vous et a vostre grant prière que ceulx de la ville de Lyon ne sont en aucune manière contens de nous, pour ce que des requestes qui parla dicte ville ont esté faictes a mon dit seigneur, n'a aucune chose esté accordée a la dicte ville, et que on a accomplies, passées et expédiées les requestes des gens d'église et delaissiés sens expedicion celles de la ville de Lyon, de laquelle chose nous nous donnons grant merveille, car a ceulx de l'église n'a esté conclu sur quelque requestes qu'ilz aient faicte a mon dit seigneur pour ce que autrement ne se povoit faire ettoutesvoics ilz en sont demourez bien contens, mais quant est des requestes qui par vous et la dicte ville ont esté faictes, vous savez que au regart des foires elles vous ont esté octroyées autant bien previlegiées, comme autres quelxconques foires de ce royaume et que en très grant dilligence et toute douleur et faveur on y a procédé et entendu très sougneustment, et si vous ont esté accordées les confirmacions de tous les previleges ainsi que l'avez requis, et au regart de la seneschalcié de Lyon et du bailliage de Maçon et aussi de mecîre court de Parlement au dit Lyon pour le pais de droit escript et du grenier du Saint Esperit, vous savez que vous a esté respondu tout ce qu'il a esté et est possible d'y faire et la bonne voulenté, que Monsei-

gneur et nous y avons monstre avoir, ainsi vous semble que n'avez pas cause de non estre contens et loutesfoys se autre chose y a a faire envoyez par devers mon dit seigneur et toujours par son plaisir y ferons tellement que devez estre et demourer très bien contens et que aurez cause de congnoistre la grant amour que mon dit seigneur et nous avons envers vous et le bien de la bonne ville de Lyon. Escript a Vienne le IX*' jour de février.

Les gens du conseil de mon seigneur le régent daulphin. (Arch. mun. de Lyon, AA 22, n" 75.)