PIÈCE XXII
[1420] G juin, Le Blanc. — Lcltre de Charles, réijcnt de France, Dauphin de Viennois, duc de Berry, de Touraine et comte de Poitou, au Conseil du roi étant à Lyon et aux consuls de cette ville, leur déclarant que, malgré la trêve conclue entre la duchesse de Bourbon et le duc de Boiurf/ogîie, il veut faire renforcer les garnisons du pays de Lyonnais, ne voulant pas qu'il soit à la merci d'un coup de main des Bourguignons.
[Citée p. 19, n. 2]. (Original sur papier. Au dos, quelques traces de scellement.) A noz chiers et bien amez les gens du Conseil de Monseigneur et du nostre estans a Lyon, et aux conseillers de la dicte ville de Lyon. (Au dos. y
De par le régent le reaume, Daulphin de \'iennois, duc de Berry, de Touraine et conte de Poictou.
Chiers et bien amez, nous avons receu les lettres que escriptes nous avez, faisans mencion de l'abstinence de guerre que nostre très chiere et amée cousine la duchesse de Bourbon a prinse pour ses pais avecques les Bourguignons et aussi avons veu la coppie de la dite abstinence que envoyé aves avecques les dites lettres et savés double que pour celles dis Bourguignons courent et facent plusieurs maulx et dommages ou pais de Lyonnoys et nous requérez provision, sur quoy vous signefions quant a la dite abstinence que, ainçois que nostre dicte cousine leust prinse, elle nous fist savoir quelle le vouloit faire en nous priant ce que nous y voulsissions accorder, de laquelle chose pour plusieurs raisons nous feusmes d'acord, mais nostre entencion n'est pas et aussi Tavons nous fait savoir a nostre dicte cousine que les garnisons que nous avons ordonnez es places de par delà se bougent ne départent aucunement et se les dis Bourguignons s'efforçoient, d'aucunement grever ou dommagier le dit pais de Lyonnoys ne les subgiez d'icelui par les dis pais de nostre dicte cousine nos dictes garnisons qui sont es dites places les greveroient comme devant et telle est nostre intencion et ainsi l'avons, nous ordonné, et aveques ce, se les dites garnisons n'estoient assez sortis tant es dis pais de nostre dite cousine que, autre part pour bien garder et conserver le dit pais de Lyon-
PlflCKS JUSTIFICATIVES 321
noys d'oppressions et de dommages nous les renforcerons de pens d'armes et de trait et ferons bien pourveoir a leur paiement affin (pi'ils n'aient cause de grever les subgiez de Noslre Seigneur et miens. Chiers et bien amez, faictes nous souvent savoir des nouvelles de par delà, s'aucunes en surviennent et aussi nous rescripvez lez aiïaires ausquelz avons et aurons tousjours bonne affection d'y pourveoir. Xostre Seigneur vous ait en sa saincte garde. Escript au Blanc en Berry, le VI'' jour de juing.
Charles. Gosset.
(Arch. mun. de Lyon, AA 22, n° 29.)
