PIÈCE XXVI

[1421] 10 août, Loches. — Lettre de Charles, régent de France et Dauphin de Viennois, aux Lyonnais, leur promettant de leur venir en aide, dans la mesure du possible, pour les récompenser de leur fidélité.

[Citée p. 22, n. i]. (Original sur pnpier. Au dos, débris du sceau en cire rouge.) A noz très chiers et bien amez, les conseillers, bourgois et habitans de la bonne ville de Lyon sur Rosne. (Au dos.)

De par le régent le royaume, Daulphin de V'iennoys.

Très chiers et bien amez. par vostre procureur, porteur des présentes, avons receu voz lectres, et tant par le contenu d'icelles que par son rapport et sa créance sceu a piain le contraire d'aucuns rappors nous sinistrement faiz touchant le gouvernement de la bonne ville de Lyon, dont sommes bien joyeux et contens, et aussi en vérité pour rapport qui fait en eust esté, oncques n'y adjouctames foy ne créance, car bien savons et cognoissons que entres toutes les notables villes de Monseigneur et nostres et a tousjours esté l'une des plus entières et feables, celle qui oncques ne varia, et de laquelle tous bons et honnorables rappors par noz plus principaulx et autres gens dignes de foy voulens nostre bien et honneur nous ont continuelment esté faiz, et de la tant vraye obéissance, loyauté et constance que infallablement y avons trouvée, nous tenons si très contens que fere se puet, et de ce ne devez fere quelconque double, et en recognoissance aucune du bien que trouvé y avons, nous sommes de grant vouloir condescenduz pour vous aucunement soulagier des si grans charges que pour la seurté et conservacion d'icelle avez a supporter, de vous fere certain aide tel que vous dira vostre dit procureur auquel quant pour ce avons fait délivrer et espedier noz lettres patentes vous signifîans que jamais ne sera que n'ayons la dicte ville et tous les suspenz d'icelle tant en gênerai que en particulier pour singulièrement et sur tous autres recommander comme bien le nous avez desservy, et pour ce nous povez feablement notiflîer tous voz affaires et ne[ce]ssitez, car au secours et relievement d'iceulx nous trouverez toujours très favorables et enclins. iNoz chiers'j et bien amez, Nostre Seigneur soit garde de vous. Escript en nostre chastel de Loches, le XVI'^ jour d'août '.

Cfiarles. Picart.

(Arch. mun. de Lyon, AA 22, n° 12).

^ Nous plaçons entre crochets les passages elTacés, dccliirés ou grattes que nous avons purestituer, ainsi que la date du millésime des lettres closes qui ne se trouve pas dans le texte.