PIÈCE XXVII

[1422] 10 mars, Bourges. — Lettre (VÊ. de Villeneuve aux consuls de Lyon, leur annonçant que, de son entrevue avec le régent et Vévêque de Laon, il résulte que l'impôt mis sur les draps qui passent la Loire et l'Allier vise seulement les draps allant en terre d'empire, et non pas ceux qui sont destinés à être vendus à Lxjon.

(Original sur papier. Au dos, quelques traces de scellement en cire brune.) A mez très chiers et honnorez seigneurs les conseilliers de la ville de Lion soit baillié. (Au dos.)

Très chiers seigneurs, je me recommande a vous. Gomme vous savés, le procureur de la ville me charga de parler a Monseigneur le régent touchant le fait du truage que nagueres a esté mis sur draux et autres marchandises qui passeront la rivière de Lere et Aillier, lequel Monsegneur me remist a mon segneur de Laon moy disant que ce n'estoit point sou entencion que ce ieust touchant ceulx qui vont vendre leurs draux et marchandise a Lion ne ou pais obbeissant a mon dit signeur le régent, fors ceulx qui vont en l'empire ou autre pais non obbeissant a li, si fus devers monseigneur de Laon lequel incontignent me dit semblablement, pour ce que les commisseres qui sont aies par délia pour le dit truage ne offront cause de passer le terme de leur commission, escript unes lettres Monseigneur de Laon au dit commissere, c'est assavoir au prevost de Melon qui a la dicte commission que il ne sentent point fors de ceulx qui passent du roiaulme en l'empire et par ainssi vous povez fere délivrer les marchans qui sont empeschié de pardella et pour ce que Monsegneur le Baillif est commissere en la dicte besoigne, vous le povez mostrer ceste lettre, ce il est vostre plaisir ou volonté et bien vous sembloit, item ou surplus dont j'ay apporté lettres a Monseigneur de ce que vous savez, je farey le mieulx que je pourren, non obslant je fais bien dobte de la besoigne, quant de présent, très chiers signeurs, ce, il est chose qui vous plaise moy comander, je le farey de très bon cuer, priant ou Saint Esperit qui vous ait en sa garde. Escript a Bourgez le X'' jour de mars. Le tout vostre serviteur. E. de Villenove.

(Arch. mun. de Lyon, AA. 104, n** 54).