PIÈCE LUI

[1425] 7 septembre, Poitiers. — Lettre du Parlement de Poitiers aux bour- C/eois de Lyon, pour se vlo-indre que l'on paye au Borne Quaqueran et à Vautres^ diverses sommes sur le produit de Vaide voté au mois de novembre (1424), aide sur lequel ledit Parlement a reçu une assignation de 400 livres, dont il n'a encore rien reçu.

[Citée p. 264, n. i . (Original sur papier. Au dos, débris du sceau, plaqué sur un carré de papier.)

A noz très chiers et grans amis, les conseillers et bourgois de la ville de Lion. (Au dos).

Les presidens de Parlement et autres conseillers du roy en icelle court establie a Poictiers. Très chiers et grans amis, nous avons entendu que depuis nostre assignacion de IIIK livres faicte^ comme vous savez, sur la recepte de Lion de Layde octroyée au roy en novembre derrenier passé par les gens des trois estaz, le Borne Caqueran et aucuns autres se sont fait donner et assigner certaines grans sommes de deniers sur la dicte recepte et se esforcent d'en estre paiez premiers, et avant que nous, de nostre dicte assignacion ou retardement et soustrement dicelle nostre assignacion pour laquelle chose nous vous faisons asçavoir que nous et autres comprins en icelle nostre assignacion, nous sommes opposez et encore opposons a ce que au dit Borne Caqueran ne autre, quelqu il soit^ ne soit aucune chose paiée de et sur la dicte recepte jusques a ce que nous soions paiez et contentez entièrement de nostre dicte assignacion. Si vous prions que contre ne ou préjudice dicelle nostre opposicion, ne vueillez aucune chose faire ne soulFrir, en tant que en vous est, estre faicte ne actempée, car aussi seroit ce et est nostre entencion d'en avoir recours et faire tele poursuite qu'il appartendra, et vueillez avoir nostre fait, en ce que dit est, pour especialment recommandé, ainsi que en avons en vous parfaicte et singulière fiance, saichans que s'aucune chose voulez que faire puissons, nous le ferons très voulentiers. Nostre Seigneur vous ait en sa saincte garde.

Escript a Poictiers le VIL jour de septembre.

Blois (Arch. mun. de Lyon, AA 6g, n° ôy.)