PIÈCE LXXXIX

1427, 4 septembre, Saint-.Iaqueme. — Procès-verbal d'une réunion des consuls, au cours de laquelle il fut décidé de 'confier à divers conseillers le soin de percevoir les arrérayes des impôts, et non à Ligier, clerc de Jean de Dijon.

[Cité p. (jio, n. 5j. Hz ont conclus au regart de la commission contre Berert Jacot sus le fait des arrérages, ainsi comme fut conclus le vendredi XXX' jour d'aoust derrain passé; au regart des arrérages de Père de la Fay des trois deniers, ilz ont conclus que qui ne pourra trouver autre receveur de la ville, que l'on les baille a recevoir a Ligier, clerc de Dijon, qui s'est chargié de les recevoir a deux solz pour livre, porveu que Père Offrey soit pleige pour le dit Ligier de ce qu'il en recevra; au regart des lettres de ceulx de Chalon quilz ont escript sus les laines, ilz ont conclus que l'on leur rescripve la plus gracieusement que l'on pourra a la descusacion et descharge de ceulx de la ville et par le conseil de Monseigneur le bailli, et que l'on face mander a ung brief jour a venir du pueple plus largement pour pourveoir a la deffense de la ville et après le département de maistre Guillaume de Bames et de pluseurs autres, ilz ont conclus que l'on ne baillera point a lever les arrérages des dis trois deniers au dit Ligier, actendu la i'aulte qu'il a fait en l'impetracion des lettres contre Bereit Jacot et du X^ et de la barre, mes se bailleront les dis arrérages par pièces a pluseurs des conseillers et autres de la ville, qui en lèveront ce quilz porront et ce qui ne se pourra recevoir, demourra iceulx de la grassa qui ont la moytié des dis trois deniers.

(Arch. munie, de Lyon, BB 2 fol 47''°-'°, i""" paragraphe du fol. 47^».)

PIÈCES JLSTIFICATIVKS 381