PIÈCE CXXXIII

(1434) 19 janvier, Bourges. — Lettre de Charles VII à Ymijert de Grôlée, bailli de Mâcon, à Jean Havart, écuyer, au courrier et aux élus, leur aiinonçant que le Rouage de 5 sols tournois a été remplacé, comme dans diverses provinces, par un équivalent dont le taux se monte à 5.000 livres pour Vélection du Lyonnais, et leur prescrivant de faire contribuer tout le monde à cet impôt, dont le roi a besoin pour le siège de Saint-Celerin.

[Citée p. 75 n. 4j. I^ettres royauLv par vertu desquelles la somme de cinq mille livres tournois avecles fraiz neccesseres a esté imposée pour et ou lieu du foaige de V s. t. pour feu, pour chacune sepmaine duquel foaige es autres lettres royaulx cy dessus est faicle mencion.

(Copie sur papier). Charles, par la grâce de Dieu, roy de France, a noz amez et feaulx conseiller et chambellant Ymbert de Grolée, chevalier, bailli de Mascon, seneschal de Lyon, Jehan Havart, escuier, au corrier de Lyon et aux esleuz sur le fait des aides en la ville de Lyon et ou pais de Lyonnois, salut et dilection. Comme les gens des trois estas de nostre obéissance de Langoudoil a rassemblée faicte en nostre ville de Tours ou mois de septembre derrierement passé, pour pourveoir a noz affaires tant sur le fait de la guerre que autrement nous aient octroyé un aide de la somme de XL^i frans a estre levé promptement sur les gens lais par manière de taille avecques un autre aide ou foaige de cinq sols tournois pour feu et au dessoubz par sepmaine sur chacun estagier pour six mois seulement commençans le premier jour de novembre derrierement passé, et il soit ainsi que depuis la dicte assemblée pour ce que le dit fouaige a semblé a pluseurs noz subgietz et mesmement a ceulz de noz pais de Touraine, de Berri, Poictou et autres estre trop grevable et ou equalité ne povoit estre trouvée, le fort portant le foible, affin de supporter nostre peuple et aucunement le deschargier, ayons par ladvis de nostre conseil transmué et converti es dis pais le dit foaige a un aide commun, équivalent a icellui et semblablement le voulons estre mué et converti en la dicte ville de Lyon et ou dit pais de Lyonnois et les dites ville et pais du Lyonnois avons tauxé et porpocionné pour le dit aide ou lieu du fouaige a la somme de cinq mille livres tournois, laquelle somme pour fournir aux très grans charges que avons a supr)ortcr principalment

pour la conduite de noslre guerre, souldoiement des gens d'armes et de trait que avons mandé et fait venir de toutes pars pour le secours de la place et forteresse de Saint Celerin assigiée par les Anglois, noz anciens ennemis, et autres noz affaires que chacun jour nous surviennent et pour eschever pluseurs dommaiges et inconveniens qui par faultede prompte finance nous pourroient avenir, nous convient et est besoingde promptement recouvrer, nous, par ces causes, vous mandons et commectons par ces présentes que la dicte somme de cinq mille livres tournois vous mectez sus, asseés et imposez ou faictes mectre sus, asseoir et imposer en la dicte ville de Lyon et ou dit païs de Lyonnois le plus egalment et justement que fere porrez, le fort portant le foible, avecques les frais pour ce neccessaires et raisonnables fais et a faire es dis fouaige et aide sur tous ceulx qui eussent contribué au dit foaige et aide, eticelles faictes cueillir, lever et recevoir par le receveur de par nous commis ou a commectre a receveoir icellui fouaige ou aide es dis ville de Lyon et païs de Lyonnois en les contraignant ou faisant contraindre apaier la dicte somme de mois en mois en la manière qu'eust esté levé et cueilly le dit foaige ou autrement, ainsi que verrez estre a faire tous ceulx contribuables a icellui foaige, se levé et receu eust esté, ainsi quil est acoustumé faire pour noz propres debtes, et ou cas que débat ou opposicion naistra sur ce, nous mandons a vous esleuz que le dit aide premièrement paie, vous faictes aux parties oyes bon et brief droit. De ce fere, vous donnons povoir, mandons et commandons a tous noz justiciers, officiers et subgietz que a vous et a voz commis et députez obéissent et entendent diligemment et vous prestent et donnent conseil, confort, aide et prisons, se mestier est et requis en sont. Donné a Bourges le XIX'' jour de janvier, Lan de grâce mil GGGG trente et trois et de nostre règne le douzième. Ainsi signé par le roy en son conseil.

J. DE Drion.

Extrait des livres et registres de l'élection des ville et païs de Lyonnois, par moy. Haudri.

(Arch. mun. de Lyon, CG 3o5, n" 8 bis).