PIÈCE CXXXIV
[1434] 2 avril. Vienne. — Lettre close de Charles Vil aux Lyonnais, leur prescrivant d'obéir aux ordres du sénéchal de Lyon et de Jean Havart, envoyés à Lyon pour hâter la levée de Vaide remplaçant le fouage de cinq sous tournois.
[Gité p. yS, n* 5]. (Original sur parchemin. Il ne reste plus au dos que des traces pour ainsi dire imperceptibles de scellement.)
A noz chiers et bien amez, les conseillers de notre ville de I.yon. (Sur la queue de parchemin.)
De par le Roy,
Chiers et bien amez, nous avons sceu que encores les commisseres par nous ordonnez et les esleuz sur le fait de noz aydes pour la guerre en aostre ville de Lyon, ne vous ont baillé la commission de la porcion de Tayde mis sus en lieu du fouage de cinq solz tournois, par quoy le dit ayde n'est encores mis sus, dont nous avons esté et sommes très mal contens, mesmement, que nous avons ordonné le dit ayde pour le fait des despences de nous et de nostre très chiere et très amée compaigne la royne qui, comme savez, est chose neccessere et qui sans esclande ne peut souffrir delay, pour laquelle cause nous envoyons par delà noslre seneschal de Lyon et Jehan Ilavart. Si vous mandons et commandons, sur tant que complaire et obeïr nous devez, que sans plus de delay vous faictes incontinent ces lettres veues et toutes excusacions cessans toute diligence de asseoir, imposer et faire cueillir et lever le dit ayde pour estre baillé et converti en ce que dit est, comme besoing en est, et surtout ce créez comme nous mesmes les dessus diz, lesquelx avons chargé vous dire quant a ce nostre voulenté et le desplaisir que avons, se faulte faictes en ce que dit est. Donné a Vienne, le second jour d'avril.
Chari.es. Chalîgalt.
(Arch. mun. de Lyon, AA 22, n° 49.)
PIÈCE CXXXIV bis
[UU] 3 avril, Vienne. — Letlre close de Charles VII aux Lyonnais, leur prescrivant de laisser Guillaume Clouet, chevaucheur et sergent du Chatelet de Paris, jouir de l'exemption des impôts et du ouet, à lui reconnus par diverses lettres patentes, adressées an bailli de Mdcon.
(Voir p. 272). (Original sur parchemin. Au dos, traces très faibles de scellement.)
A noz chiers et bien amez, les conseillers de la ville de Lyon. (Sur la queue du parchemin.)
De par le Roy,
Chiers et bien amez, combien que par pluseurs noz lettres patentes adreçans a nostre bailly de Mascon, seneschal de Lion, ou a son lieutenant, au juge du ressort et aux esleuz a Lion, avons mandé que Guillaume Clouet, chevaucheur de nostre escuierie en ordonnance et sergent a cheval.de nostre Chastellet de Paris soit tenu quicte et paisible de toutes tailles, aides, subsides, guet et garde de porte, toutefoiz vous ne l'avez voulu ne voulez laisser joïr du contenu en nos dictes lettres, mais le
tenez sur ce en grans involucions de procès, dont nous nous donnons merveilles, et n'en sommes pas contens. Sy vous mandons que pour raison des choses dessus dictes ne d'aucunes d'icelles, vous ne donnez desormaiz au dit Guillaume Clouet aucun empeschement, ainçoiz lui faites rendre et mectre an délivré ses biens qui pour ce seroient ou oroient esté prins ou arrestez, et tant en faites qu'il ne conviengne que plus vous en escripvions. Donné a Vienne le III* jour d'avril.
Charles. Di' Croiset.
(Arch. mun. de Lyon, A A 22, n» 42.)
