PIÈCE CLX
(1436) 9 janvier. Tours. —Lettre de Charles Ml à Pierre Aalant, Jacques de Canlers, ses secrétaires, et aux élus du Lyonnais, leur prescrivant d'exiger des Lyonnais leur quote-part de l'aide mis exclusivement sur les aisés, à cause de l'impuissance où se trouve le plat pays de rien payer, par suite des ravages des gens de guerre.
[Citée p. 87, n. 3]. [Pièce sur parchemin. Au bas, (races 1res faibles dun sceau plaqué en cire rouge, aujourd'hui disparu).
Charles, par la grâce de Dieu, roy de France, a noz amez et feaulx secrétaires, maistres Pierre Aalant et Jaques de Canlers, et aux esleus sur le fait des aides en la ville et élection de Lyon, salut.
Comme pour plusieurs grans charges que avons eues a supporter en la saison d'esté derrenierement passée, tant pour plusieurs grans armées et passages de gens de guerre qui vivoient sur noz pais et seigneuries a la grant charge et dommage de noz bons subgez, lesquelz gens de guerre avons fait passer et tirer es frontières de noz ennemis oultre la rivière de Loire et aussi pour plusieurs autres grans charges et affaires, que neccessairement avons eues a soustenir, nous ait convenu faire plusieurs grans despenses, esquelles toutes noz finances tant de demaines que d'aides,
PIKCRS JISTIFICATIVKS 447
monnoyes et d'autres noz receptes ont esté employées, et soit ainsi que de présent ayons plusieurs grans et nouvelles charges a supporter tant pour logier es dictes frontières d'ennemis très grant nombre de gens d'armes et de trait qui estoient logez en plusieurs places en la frontière de Bourgogne et de Picardie, lesquelles a fallu vuider par le moyen du traictié de paix faicte entre nous et nostre très cher et très amé frère et cousin le duc de Bourgoigne, lesquelz qui n'y eust hastivement pourveu, retournoient tous vivre sur les champs es païs de par deçà la dicte rivière de Loire et pour faire retourner es dites frontières d'ennemis aucuns des dis gens de guerre qui depuis le dit passage sont retourne/ d'oultre la dicte rivière vivre sur le plat païs a nostre très grant desplaisance et charge de noz subgez comme aussi pour le recouvrement de certaines places qui très briefment a l'aide de Dieu entendons recouvrer, pour lesquelles charges supporter nous est neccessité avoir prestement certaine grant finance, laquelle ne povons recouvrer sans aide de noz subgez, et pour ce que de noz pauvres subgez du plat païs qui ont esté totalment foulez et gastez par les gens de guerre, qui moult longuement ont vesqu sur eulx et aussi des pouvres laboureurs de braz et autres gens de povre et petit estât a présent retraiz et demourans en bonnes villes, ne nous pourrions aider en ceste partie, veu mesmement que encores n'ont peu paier ne fournir a noz aides passées, par grant et meure deliberacion de plusieurs grans seigneurs de nostre sang et des gens de notre grant conseil, ayons ordonné et conclud estre prestement et hastivement levé et cueilli sur tous habitans laiz et praticiens, marchans, gens de mestier aisiez et autres ayans faculté et puissance des villes et lieux de noz païs de Languedoil certaine somme de deniers, de laquelle nous avons chargé la dicte ville et élection de Lyon, de la somme de deux mil livres tournois ; nous vous mandons et commectons par ces présentes que la dicte somme de deux mil livres tournois, avecques les fraiz, pour ce neccessaires, vous incontinent asseez, tauxez et imposez ou faites asseoir, tauxer et imposer en la dicte ville et es autres villes et lieux de la dicte élection et païs de Lyonnois sur tous les habitans d'icelle ville et païs de la condicion dessus dicte, privillegiez et non privillegiez, le plus justement et également que faire se pourra, le fort portant le foible et eu regart a leurs facultez et puissances et au fait de leurs marchandises et pratiques, et icellcs sommes faites incontinent et hastivement pour les causes dessus dictes cueillir, lever et recevoir par le receveur a ce commis de par nous, en contraignant et faisant contraindre les tauxez et imposez a la dicte somme a paier au dit commis leur taux et impost d'icelle par j)rinse et explectacion de leurs biens meubles et héritages, emprisonnement de leurs personnes et autrement, comme il est acoustumé de faire pour noz propres debtes et
non obstant quelzconques opposicions ou appellaclons; toutesvoies, se de partie a partie naist débat ou opposicion, les dis taux et impostz premièrement paiez par manière de provision, vous esleuz, faites entre les parties oyes bon et brief droit. De ce faire vous donnons povoir, auctorité, commission et mandement especial, mandons et commandons a tous noz justiciers, officiers et subgez que a vous et a voz commis et députez en ceste partie obéissent et entendent diligemment. Donné a Tours le IX* jour de janvier, l'an de grâce mil GCGC trente et cinq et de nostre règne le XIIII* Ainsi signé par le roy en son conseil. D. Bi;dé.
Contenue dans une lettre adressée (de Lyon le i 4 février 1436) aux consuls de Lyon par Pierre Aalant, Jacques de Canlers et les élus, taxant Lyon a 840 livres pour l'aide de 2.000 l. demandé à l'élection du Lyonnais, payables avant le i 5 mars).
(Arch. mun. de Lyon, CG 3o5, n° 12.)
