PIÈCE CLXI

(143G) 9 janvier, Tours. — Copie d'un mandement de Charles Vil « aux (jénéraux conseillers » par lui « ordonnez sur le fait et gouvernement de toutes » ses «finaîices », leur prescrivant de mettre Pierre Perenes en possession de ses fonctions de receveur particulier en l'élection de Lyon de Vaide imposé récemment sur les personnes aisées du royaume pour la fortifiration des places situées sur ht frontière des Anglais.

[Gitée p. 87, n" 5J. (Copie sur papier.)

(En marge) [Cop]pie de la puissance de Pierre Perrenes, clerc de Paumier, le recevoir de la ville de Lion IIP et XX livres pour messire de Harecourt.

Coppie.

Gharles, par la grâce de Dieu, roy de France, a noz amez et feaulx les generaulx conseillers par nous ordonnez sur le fait et gouvernement de toutes noz finances, salut et dilection. Gomme pour Testablissement des places estans en la frontière des Anglois noz ennemis^ et par ce moyen de charger les païs de nostre obéissance de gens darmes et de trait venans sur iceulx et pour autres causes contenues en certaines noz lettres patentes pour ce faictes, nous par icelle ayons ordonné certain ligier aide estre présentement imposé cueilli et levé sur tous marchans particuliers et autres gens aysiez et puissans tant de noz bonnes villes que d autres lieux de nostre pais de Languedoil, et pour ce soit besoing de commectre a la recepte du dit aide en chacun païs aucune personne souffisante et solvable, savoir faisons que pour la bonne relacion a nous faicte de la souffisante loyaulté et diligence de Pierre Perenes icellui avons commis et ordonné, et par ces

présentes commectons et ordonnons receveurs particuliers du dit aide en la ville et élection de Lyon, a tel/, gaig-es ou taux que par nous ou vous lui seront pour ce ordonnez, et par ces dites présentes, lui avons donné et donnons plain povoir de faire venir ens et recevoir le dit aide, et a ce contraindre comme pour noz propres debtes tous ceulx qui imposez y seront, selon la teneur de nos dites autres lettres. Sy vous mandons que prins et receu du dit Pierre Perenes le serement acoustumé vous le mectez ou faiçtes mectre en possession de la dicte recepte, et lui faictcs quant a ce obéir et entendre de tous ceulx qu il appartendra en la maniera accoustumée, et ainsi le voulons estre fait et par ces mesmes présentes mandons a tous noz justiciers et officiers, a leurs lieuxtenens et achacund'eulx sur ce requiz que en ce faisant lui facent donner plaine obéissance, et lui prestent et donnent tout confort, aide et prisons, se mestier est. Donné a Tours le IX" jour de janvier, Pan de grâce mil GGGGXXXV et de nostre règne le XIIH™". Par le roy en son conseil.

Bldé.

(Arch. mun. de Lyon, CG SgS, au dos du n» 24).