PIÈCE CLXXI

[143G] 18 août, Tours. — Lettre (close) de Charles VII, défendant aux Lyonnais de faire paijer les aides à Jean Caille, élu de Lyon, attendu que les officiers royaux sont exempts de ces impôts.

[Voir p. 272-278]. (Original sur parchemin. Au dos^ faibles traces de scellement en cire rouge.)

A nos chiers et bien amez. les consueilliers, auditeurs, manans et habitans de nostre ville et cité de Lyon. (Sur la queue de parchemin ayant enveloppé la pièce.)

De par le roy,

Chiers et bien amez, nous avons entendu que jasoit ce que les esleuz et autres noz officiers sur le fait des aides ordonnés pour la guerre doivent estre et sont de droit exemps de contribuer aus dites aides et ont joy et usé de ce et encores sont en nostre royaume, neantmoins vous de vostre auctorité y avez assis et imposé nostre amé Jehan Caille, ung des esleuz sur le dict fait en nostre ville et cité de Lyon, et l'avez contraint et contraignez a contribuer a iceulx aides, que est directement venir contre les ordonnances royaulx sur ce faictes et contre noz gré et voulenté, considéré ce que dit est et plusieurs services que icelui Jehan Caille nous a faiz, dont nous sommes très contens, et pour ce que voulons icelui Jehan Caille estre traictié favorablement, nous voulons et vous mandons expressément que doresenavant vous ne le contraignez ou faictes contraindre en quelque manière que ce soit sur tout le service et plaisir que faire nous desirez. Si gardez que en ce ne faictes aucune faulte sur tout que doubtez, mesprandre envers nous et telement vous y gouvernez que plus ne vous en convengne escripre, car nous n'en serions pas contens et se ainsi le faictes, nous en aurons vous et voz afferes pour plus especialment recommandez. Donné à Tours le X\'I1I'= jour d'aoust.

Charles. Munerat.

(Arch, mua. de Lyon, AA 68, n" g.)