PIÈCE CLXXII
[1436] 18 août, Tours. — Lettre (close) de Charles VII, prescrivant aux consuls de payer immédiatement les sommes qu'ils doivent encore verser entre les mains du vicomte de Conches, receveur en Lyonnais, d'un aide dont la quote-part se monte pour Lyon à 3.800 livres, sur lesquelles 1.200 livres seulement ont été perçues.
[Voir p. 83, 82 et 291]. (Original sur parchemin, extrêmement mutilé et défiguré par d'énormes trous. Nous avons mis entre crochets les pas-
sages restitués. Au dos, on lit quelques traces imperceptibles de scellement. L'adresse a disparu avec la queue de parchemin sur laquelle elle était écrite.)
De par le Roy,
Chiers, et bien a[mez, vous] le savez, comme de l'aide équivalent aux aides, nostre ville de Lyon a esté tauxée et imposée a la somme de troys mil huit cens livres tournois pour laquel[/e somme rjecouvrer, nostre amé le viconte de Conches par nous commis a recevoir le dit aide ou païs de Lyonnois a pieça esté par devers vous en ait [prjins paiement, lequel pour les reffus et delaiz qui lui en furent faiz, ainsi que par lui avons sceu, list mectre en arrest, en nostre hostel de Rouenne, vous [/e*J conseillers de nostre dicte ville et par vous lui furent sur ce paie/, environ XIl^^ 1. t. et pour trouver et faire finance du s[eu]rplus fut par le consentement [de /jjluseurs d'entre vous, mesmement de la plus grant partie des maistres des mestiers, ordonné estre levé en icelle nostre ville certaine taille de ung [c/ente]r pour livre sur entre vous et ce moyennant, fut osté le dict arrest, espérant le dit viconte avoir parce le payement de ce qui lui reste a paier de la dicte [somme] et icelui estre pour lui en bonne seureté, et depuis ces choses a certaine vostre assemblée avez advisé faire cesser le dit denier et ordonné que ce qui est encore deu de la dicte somme se prandroit et trouveroit sur pluseurs qui doivent grans arreraiges de noz aides passées et aussi des revenus et [prouff]iz de nostre dite ville, et pour ce trouver furent ordonnées certaines personnes d'entre vous pour en veoir les comptes et faire paier les dis arreraiges, [e]t pour ce que non obstant toutes ces choses n'avez encores parpayé la dicte somme restant, et que icelle somme est ordonnée et assignée pour le fait de la despense du maitre de nostre host[e]l, [receueu jr du dit aide n'est plus deu aucunes restes en quelconques autres noz païs pour icelle prestement recouvrer de vous, renvoyons d'entre l nous nostre dit] viconte. Si vous mandons très expressément et sur tant que doubtez nous desplaire que cessans tous delaiz et excusacions vous fa[ciez par majniere que la dicte somme restant de vostre dit taux d'icelui aide lui soit prestement paiée et baillée tellement qu'il en puisse contenter et paier les march[c7H5, si comme] elle est deue, et qui pour ceste cause aux seuretez de vous et des provisions par vous trouvées sur le dict paiement vont ou envoyent par delà [recouvrer]., et pour ce ne leur fectes faire grant despense, car en vostre resfuz ou deiay lui avons ordonné procéder et faire procéder par voye d'execucion su[rous]s et voz biens et sur les droiz et revenues de nostre dicte ville et autrement, selon noz lettres patentes a lui sur ce baillées. Si y faicles par manière que en d[o/'o]ns estre contens et que dommage ne interest n'en puisse ensuir a nous par vostre delay ne a vous a faulte du dit paie-
ment. Car des faultes et d[e]laiz touchans le paiement de noz deniers qui sont continuelment trouvez en nostre dicte ville pour autresfoiz et pour ceste ne sommes pas biens contens. Donné [a] Tours, le XVIII* jour d'aoust.
Charles. Du Bec.
(Arch. mun. de Lyon, AA 22, n» 44.)
