PIÈCE CLXXXI

[1441] 12 juin^ Paris. — Lettre (close) de Cluwles VII aux Lyonnais, leur enjoignant de payer sans aucun retard leur portion de Vaide de 100.000 francs demandé aux pays de Loire pour payer les frais du siège de Creil, le logement des hommes d'armes à Couches et à Louviers, et son voyage en Champagne et en Picardie.

[Voir p. 292;, lire i44i à la place de i/jiy qui doit être au dessous]. (Original sur parchemin. Au dos, restes de l'empreinte laissée par le

sceau en cire rouge qui a disparu ainsi que la queue de parchemin sur laquelle était écrite l'adresse.)

De par le roy,

Chiers et bien amez, pour les grans et comme insupportables charges et despenses que faire nous a convenu puis ung an ença tant pour faire vuider les gens d'armes estans en grant nombre, sur noz pais de par delà la rivière de Loire les faire logier a Couches et Louviers et les y entretenir et pour le vuage que avons fait en noz pais de Ghampaigne, Picardie et autres de par deçà, comme pour le fait du siège que avons tenu par aucun temps devant noz ville et chastel de Creil, lesquelz avons recouvrez et aussi pour celui que avons fait mectre et tenons présentement devant nostre ville de Pontoise, avons mis et emploie toutes noz finances, tellement que sans avoir aucun nouvel aide ne pourrions et n'aurions de quoy entretenir les gens darmes du dit siège ne ceulx de Couches, et de Louviers ne conduire et mener nostre armée en nostre pais de Normandie ainsi que avons entencion pour garder que les dis gens d'armes ne retournent sur iceulx pais, mais convendroit que tous desemparassent et retournassent sur nos dis pais et subgiez, qui seroit la perdicion et destruction de tout nostre fait et diceulx noz pais el subgiez, et pour et alin de obvier a ce avons ordonné ung petit aide estre mis sus présentement jusques a la somme de C'" frans en nos dis pais de la Loire. Si vous mandons, commandons et expressément enjoingnons sur l'obéissance que nous devez et sur tant que amez le bien de nous et de nostre seigneurie et de vous mesmes que incontinent et sans aucun delay, vous faites que soit par emprunt ou autrement vostre part et porcion du dit aide soit preste ainsi que vous diront ou feront savoir plus a plain noz amez et feaulx conseilliers maistre Jehan Tudert, maistre des requestes de nostre hostel, Guillaume Jouvenel, chevalier et not. de Sens, et Jehan Taumier, gênerai sur le fait et gouvernement de toutes nos finances que pour ceste cause expressément envoyons par delà, et en ce ne vueillez faire faulte sur tant que doublez encourir nostre indignacion. Donné a Paris le XII° jour de juing.

SlTlERNHES.

(Arch. mun. de Lyon, AA 68, n" 6.)