PIÈCE CXCII
(1447) 20 février, Montilz les Tours. — Lettre de Charles Vil prescrivant de laisser à Guillaume Cholet, receveur en Lyonnais « des vivres et paiement des trente hommes d'armes et des archers de Geoffroy de Couvran, chevalier, la jouissance de 65 s. t. par lance et par mois^ s'il avance les sommes nécessaires pour Vexpédition projetée pendant six mois, le 15 mars et le 30 juin, déduction faite des 20 deniers concédés à tous ceux qui avanceront leurs impôts.
[Voir p. i36]. (Copie sur papier.)
(Fol. I r°). Charles, par la grâce de Dieu, roy de France a tous ceulx qui ces présentes lettres verront, salut. Comme pour la conduite et exequcion de certaine entreprise qu'avons hors de nostre roiaume aions délibéré y envoler aucuns de noz cappitaines et chiefz de guerre avecques certain nombre de gens d'armes et iceulx faire paier pour six mois entiers commançans le premier jour de mars, prouchainement venant aux termes et en la manière qui s'ensuit, c'est assavoir pour les trois premiers des diz six mois, le quinziesme jour du dit mois de mars a Lion sur le Rosne et pour les autres trois mois ensuivans le derrain jour de juing aussi ensuivant audit lieu de Lion, eit pour ce que aus dis termes le dit paiement ne peut estre recouvré et receu des parroisses a ce imposées et qui a ce s'actendroit auroit faulte au dit paiement, par quoy la dite conduite et execucion de nostre dicte entreprise se pourroit retarder ou du tout rompre, que ne vouldrions pour riens, nous soit besoing ordonner que Guillaume Cholet par nous commis a recevoir ou pais de Lionnois le fait des vivres et paiement des trente hommes d'armes et les archiers dont nostre amé et féal Geoffroy de Couvran, chevalier a de par nous la charge et que envolons a la dicte entreprise ou autre homme rec[r]eant et solvable a ce expert et cognoissant, lequel face et avance le dit paiement aux lieux et termes dessus dis, eit sur
icellui paiement lui donner et ordonner aucune somme d'argent, tant pour le portage et conduicle d'iceulx deniers que pour dons et prouffit que faire lui convendra, a ceulx desqueulx il emprunctera argent pour faire l'avancement d'icellui paiement aux termes dessus dis, savoir faisons que ce considéré, confians a plain des sens, loiaulté, preudoumie et bonne diligence || (fol. i \°) de la personne du dit Guillaume Cholet, icellui avons commis et ordonné, commectons et ordonnons par ces présentes au dit païs de Lionnois a faire et avancier le paiement des dictes trente lances icellui porter, en faire porter et conduire, au lieu et en la manière dessus dicte, eit tant pour ce l'aire que pour linlerest que le dit commis aura et poura avoir a emprunter argent pour fournir au dit paiement au lieu et terme dessus dis lui avons ordonné et tauxé, ordonnons et tauxons par ces présentes la somme de soixante cinq solz tournois a icelle avoir, prandre et retenir par sa main sur le paiement de chacune lances des dites trente lances par chacun mois, par ainsi que se les imposez a icellui paiement ou les aucuns d'eulx vouloient avancer et paier leurs impostz pour les dis trois premiers mois ou partie de leurs dis impostz en tel temps que les collecteurs les puissent porter et paier au dit commis dedans le huit jour du dit mois de mars pour telle somme que ainsi en avanceront et paieront leur soit déduit et rebatu XX deniers pour livre a prandre sur les dis I.XV sous tournois pour lance, lesqueulx XX deniers le dit commis rebatra ans dis colecteurs pour ce que ainsi en aura receu et pareillement ou mois de juing et a telz jours d'icellui comme declairé est de faire au mois de mars pour les dis trois premiers mois, eit semblablement pour le surplus du temps que tendrons nous dis gens d'armes ensemble et ordonnerons leur paiement en la manière devant dicte de trois mois en trois mois au premier mois de chescun quarteron et aux jour dessus dis lequel commis fera et bailliera le dit paiement des dis gens d'armes aux termes premiers ditz au dit cappilaine ou a son lieutenant pour eulx en prenant les quictances sur ce d'icellui cappitaine ou lieutenant, lesquelles voulons lui valoir et servir en la dispence de ses comptes sur || (fol. 2 r°) ce a sa descharge en rappourtant ces dictes présentes ou vidimus d'icelles fait soubz seel roial ou oulentique auquel voulons plaine foy estre adjoustée comme a l'original pour une fois et les dictes quictances seulement pour tout acquit, si donnons en mandement a noz amez et feaulx, les generaulx conseilliers par nous ordonnez sur le fait et gouvernement de toutes noz linances que de nous presens commission, voulenté et ordonnance facent, seulFrenl et laissent le dit Cholet joir et user plainement et paisiblement, et les dis LXV sous tournois sur le dit paiement de chescune lance par mois pour les causes devant dictes prandre, avoir el retenir par sa main, sauf et réservé les
dis XX deniers pour livre qui ainsi seront rabatuz aux impostz qui avanceront leur paiement aux termes et en la manière dessus declairéez, eit estre alouez en ses comptes et rebatuz de sa recepte par noz amez et feaulx gens de noz comptes, ausquelz semblablement mandons que ainsi le facent sans aucun contredit ou difficulté, mandons aussi et commandons a tous nous justiciers, officiers et subgiez que au dit Gholet es choses touchans et regardans la dicte commission et les deppendances d'icelle obéissent et entendent diligemment. En tesmoing de ce, nous avons fait mectre nostre seel a ces présentes. Donné aux Montilz les Tours, le vintiesme jour de février, l'an de grâce mil III1<^ quarante et six, eit de nostre règne le XXV^ Par le roy en son conseil. De la Loere.
(Arch. mun. de Lyon, CC 290, n° 21.)
PIÈCE CXCII bis
(1447) 6 anars. — Lettre des généraux conseillers du roi sur le fait et gouvernement de toutes ses finances en Languedoil et en Languedoc, prescrivant de laisser Guillaume Cholet, receveur des vivres des gens d'armes en Lyonnais, jouir de 65 s. t. par lance et par mois, afin de le dédommager des sommes qu'il avancera pour le payement des dits gens d'armes.
[Voir p. i36]. (Copie sur papier.)
Nous, les generaulx, conseilliers du roy nostre sire sur le fait et gouvernement de toutes ces finances tant en Languedoil comme en languedoc, veu le contenu es lectres patentes du dit segnieur ausquelles ces présentes sont atachées soubz Tun de noz signetz par lesquelles et pour les causes dedans contenues il a commis et ordonné Guilliame Cholet nommé en icelles a faire et avancer le paiement de trente lances et les archiers logez en Lionnois soubz messire GeofTrey de Couvran, chivalier, icellui porter ou faire porter et conduire aux lieux et en la manière spécifiez es dictes lectres et tant pour ce faire que pour linterest que le dit commis aura et poura avoir pour dons et prouffîz que faire lui convendra pour empruncter argent pour fournir au dit paiement lui a ordonné et tauxé le dit segneur la somme de soixante cinq solz tournois sur chescune des dites XXX lances par mois, comme ces choses et autres faisans mencion de certain choiz et partir ordonné par icellui segnieur aux imposez au dit paiement sont plus a plain contenues es dictes lectres, consentons en tant que a nous est fenterinement et accomplissement dicelles, tout ainssi et pour la forme et manière que le dit segnieur le veult et mande par sesdictes lectres. Donné soubz nos dit signet, le VI= jour de mars fan mil IIIL' quarante et six.
Bardois.
PlftGI<:S JUSTIFICATIVES 481
[Par côté]. Copie des lectres de commission de Guillaume Cholet sus le t'ait et paiement des gens d'armes.
[En bas\. Exhibite fuerunt littere originales et copia hujusmodi tradita fuit die quarla aprilis MoIlII'" XLVI'o,
(Arch. mun. de Lyon, CG 290, n° 21-.)
